رویداد های اخیر
اعلام آمادگی تاجیکستان برای اسکان صد هزار مهاجر افغان
تاجیکستان امروز (جمعه، ۱ اسد) اعلام کرد که برای اسکان ۱۰۰ هزار مهاجر افغان آمادگی میگیرد.
این در حالی است که در این اواخر خشونتها به ویژه حملات طالبان افزایش یافته و چندین ولسوالی میان نیروهای امنیتی و طالبان دست بدست شده اند.
وزارت دفاع امریکا گفته که نصف ولسوالیهای افغانستان در تصرف طالبان در آمده است.
امام علی ابراهیمزاده، معاون کمیته اضطراری تاجیکستان، به خبرنگاران گفته که این کشور در حال ساخت دو ذخیرگاه بزرگ برای مهاجران در مرز تاجیکستان و افغانستان است.
پیش از این صدها نظامی در نتیجه درگیری شدید با طالبان به خاک تاجیکستان پناه برده بودند.
اما مقامهای تاجیکستانی میگویند که این افراد پس به افغانستان برگشته اند.