رویداد های اخیر
امارت اسلامی: حمله به شهروندان چین در تاجیکستان برای ایجاد بیاعتمادی انجام شده است
وزارت امور خارجه امارت اسلامی افغانستان حمله بر شهروندان چین در ولایت ختلان تاجیکستان را بهشدت محکوم کرده و با چین و تاجیکستان ابراز همدردی نموده است.
امارت اسلامی اعلام کرد که این حمله توسط حلقاتی انجام شده که هدف شان ایجاد بیثباتی و بیاعتمادی میان کشورهای منطقه است.
امارت اسلامی به حکومت تاجیکستان اطمینان داده است که برای شناسایی عاملان این حادثه، تبادل اطلاعات و ارزیابی مشترک آمادگی کامل دارد.
پیش از این، وزارت امور خارجه تاجیکستان روز پنجشنبه اعلام کرده بود که سه کارمند چینایی یک شرکت در حمله با استفاده از طیاره بیسرنشین در ولایت ختلان تاجیکستان کشته شدند.