روسیه از همکاری با تاجیکستان در محافظت از مرزاش با افغانستان اطمینان داد

رییس جمهور روسیه در یک تماس تلیفونی با همتای تاجیک خود امام علی رحمان از حمایت کشورش برای جلوگیری از تهدیدهای ناشی از خاک افغانستان اطمینان داده است.

دفتر ویلادیمیر پوتین، رییس جمهور روسیه، در یک اعلامیه گفته است که در این تماس تلیفونی هر دو طرف در باره اوضاع مرز افغانستان و تاجیکستان گفتگو کرده اند.

در اعلامیه آمده:” بحث در مورد اوضاع دشوار در مرز تاجیکستان و افغانستان ناشی از تشدید درگیری‌های مسلحانه در افغانستان از جمله در منطقه مرزی متمرکز بود.”

اعلامیه افزوده:” ویلادیمیر پوتین آماده‌گی خود را برای حمایت تاجیکستان به صورت روابط دوجانبه و هم در چارچوب سازمان پیمان امنیت دسته جمعی تایید کرده است.”

این درحالی است که درگیری‌ها میان نیروهای افغان و طالبان در ولایت‌های شمالی افزایش یافته و چندین ولسوالی میان دو طرف دست بدست شده است.

به اساس گزارش‌ها از اثر این درگیری‌ها بیشتر از هزار سرباز افغان با خاک تاجیکستان پناه برده اند.

پناه بردن سربازان افغان به خاک تاجیکستان باعث شده تا آن کشور حدود ۲۰هزار سرباز تاره نفس در مرز افغانستان و تاجیکستان جابحا کند.

رییس جمهور تاجیکستان همچنان با رییسان جمهور ازبیکستان و قزاقستان نیز در باره وضعیت امنیتی افغانستان گفتگو کرده است.

دوشنبه می‌گوید، در این گفتگوها وضعیت مرزهای افغانستان با کشورهای آسیای میانه، متشنج ارزیابی شده و سران سه کشور با نگرانی از وضعیت افغانستان، بر همکاری‌های مشترک برای تقویت حفاظت مرزی از بهر جلوگیری از تهدیدها پافشاری کرده اند.