رویداد های اخیر
صدها سرباز پناه‌برده افغان به تاجیکستان بازگشتانده شدند
رسانه های تاجیکستانی گزارش کرده است که از روز سه‌شنه تا هنوز حدود ۶۰۰ سرباز افغان که در پی درگیری های شدید با طالبان به این کشور پناه برده بودند، به افغانستان برگشتانده شده اند.
بر اساس گزارش ها، این سربازان از فرودگاه کولاب تاجیکستان در چهار پرواز به کشور برگشتانده شده اند.
مقام های تاجیک تا هنوز در مورد شمار سربازان باقی مانده افغان در خاک این کشور چیزی نگفته اند.
منابع تاجیک به رویترز گفته اند که ۳۰۰ سرباز دیگر در روزهای آینده به افغانستان برگشتانده میشوند.
صدهار سرباز افغان در این هفته در پی درگیری های شدید با طالبان از بدخشان وارد خاک تاجیکستان شدند.
رسانه های تاجیک گزارش کرده اند که از این میان سه سرباز افغان به شدت زخمی است که در بیمارستان ولسوالی جیحون تاجیکستان بستری اند.
این در حالی است که تاجیکستان قرار است برای تامین امنیت بیشتر مرزش با افغانستان، ۲۰ هزار سرباز مستقر کند.
مشاوران روسی نیز به این کشور رفته تا وضعیت مرز افغانستان و تاجیکستان را بررسی کنند.