طارق علی بخیت، نماینده خاص سازمان همکاری اسلامی در امور افغانستان با سراج الدین مهرالدین، وزیر امور خارجه تاجیکستان دیدار کرده است.

بر بنیاد خبرنامه سازمان همکاری اسلامی، در این دیدار که روز جمعه در شهر دوشنبه، پایتخت تاجیکستان انجام شد، آقای بخیت پیامی از سرمنشی این سازمان را به وزیر امور خارجه تاجیکستان رساند و در مورد تلاش‌های سازمان همکاری اسلامی و تاجیکستان به منظور حمایت از مردم افغانستان صحبت کرد.

آنان همچنین درباره موضوعات مورد علاقه دو طرف به ویژه در زمینه های امور بشردوستانه، فرهنگی و اجتماعی تبادل نظر نموده و توافق کرده اند که همکاری مثمر میان همدیگر را حفظ کنند.

علاوه بر این، دو طرف به تعهد تاجیکستان مبنی بر حمایت از اهداف سازمان همکاری اسلامی و میزبانی از نشست‌های این سازمان اشاره کرده اند.