رویداد های اخیر
اعلام حمایت روسیه از تاجیکستان در برابر تهدیدات احتمالی از افغانستان
(Last Updated On: اسد ۶, ۱۴۰۰)
روسیه اعلام کرده است که از تاجیکستان در برابر هرگونه خطر احتمالی از خاک افغانستان حمایت می‌کند.
سرگیی شایگو وزیر دفاع روسیه در دیدار با شیرعلی میرزا همتای تاجیکستانی اش گفته است که روسیه تسلیحات بیشتری در اختیار این کشور قرار خواهد داد.
روسیه همچنان وعده سپرده است که تاجیکستان را در امر ساخت پاسگاه در امتداد مرز این کشور با افغانستان، کمک می‌کند.
مقام‌های دو کشور روی اقدامات لازم برای مهار تهدیدها از جانب طالبان گفتگو کرده اند.
خبرگزاری تاس گزارش کرده است که “طرفین درباره اوضاع در منطقه مرزی تاجیکستان و افغانستان و اقدامات مشترک برای خنثی سازی تهدیداتی در پی وخیم شدن اوضاع در جمهوری اسلامی افغانستان بحث و گفتگو کردند.”