رویداد های اخیر
امضای توافقنامههای همکاری میان افغانستان و تاجیکستان
ریاست جمهوری کشور میگوید که در جریان سفر رییس جمهور غنی به تاجیکستان پنج تفاهمنامه همکاری در بخشهای گوناگون با آن کشور به امضا رسیده است.
به گفتهی ارگ این تفاهمنامهها در حضور رییس جمهور غنی و امام علی رحمان، رییس جمهور تاجیکستان در بخشهای سیاسی، امنیتی، تجارتی، ترانسپورتی، ترانزیتی، انرژی و فرهنگی امضا شده است.
در این دیدار همچنان اعلامیه مشترک هر دو کشور نیز امضا شده است.
رییس جمهور غنی برای شرکت در نشست قلب آسیا «روند استانبول» به دوشنبه، پایتخت تاجیکستان رفته است.
این در حالی است که نمایندگان حدود ۵۰ کشور و سازمانهای بین المللی و منطقهای در این نشست شرکت میکنند.
دفتر امام علی رحمان، رییس جمهور تاجیکستان، گفته است که در این دیدار وزارتهای داخله هر دو کشور در امر مبارزه با هراس افگنی، جرایم سازمان یافته، قاچاق مواد مخدر، و دیگر جرایم یک توافقنامه همکاری امضا کرده است.
دفتر امام علی رحمان گفته که یک توافقنامه میان اکادمی ملی علوم افغانستان و مقامهای تاجیکستان در مورد همکاریها در باره زبان و اصطلاحات امضا شده است.
مقامهای تاجیکستان می گوید که میان اتاقهای تجارت افغانستان و تاجیکستان نیز یک توافقنامه امضا شده است.