خبرهای تازه
ثبت بیش از ۴.۵ میلیون جریب زمین دولتی از سوی وزارت شهرسازی
وزارت شهرسازی و اراضی، در خبرنامه‌ی، می‌گوید که در یک سال اخیر، از طریق برنامه «بانک زمین دولتی» در ۲۸ ولایت کشور، ۴میلیون و ۷۰۰هزار جریب زمین، سروی و ثبت سیستم این وزارت شده است.
در خبرنامه این نهاد، آمده است که از میان این رقم، ۳۷۰ هزار جریب زمین در ولایت ننگرهار، ۲۳۸ هزار جریب زمین در ولایت نیمروز، ۲۳۵ هزار جریب در ولایت کابل، ۲۳۰ هزار جریب در ولایت بلخ، ۲۱۷ هزار جریب زمین در ولایت پکتیا، ۲۰۰ هزار جریب زمین در ولایت کندز، ۱۹۸ هزار جریب در ولایت قندهار، ۱۹۴ هزار جریب در ولایت هرات و متباقی در ۲۰ ولایت‌های دیگر سروی و ثبت شده است.
همچنان، در خبرنامه، گفته شده که این وزارت از طریق تطبیق این برنامه متعهد به ثبت زمین‌های دولتی و ملکیت‌های عامه تحت استفاده دولت، جلوگیری از غصب بیشتر زمین دولتی و بهره‌گیری موثر و مقعول از اراضی دولتی برای تطبیق پروژه‌های عام‌المنفعه در کشور می‌باشد.