اخبار ساحوی
رهبران پاکستان و تاجیکستان بر اهمیت تشکیل حکومت همه شمول در افغانستان تاکید کردند
رهبران دو کشور تاکید کرده اند که صلح و ثبات در افغانستان یک نیاز اساسی برای رفاه و پیشرفت منطقه است.
شهباز شریف، صدر اعظم پاکستان و امام علی رحمان، رئيس جمهور تاجیکستان خواهان تشکیل حکومت همه شمول در افغانستان شده اند.
رهبران دو کشور تاکید کرده اند که صلح و ثبات در افغانستان یک نیاز اساسی برای رفاه و پیشرفت منطقه است.
براساس اعلامیه مشترک رهبران دو کشور که روز چهارشنبه از سوی وزارت خارجه پاکستان منتشر شد،آمده است: «آنها در این راستا داشتن یک حکومت همه شمول را برای افغانستان مهم میدانند.»
رهبران پاکستان و تاجیکستان همچنان در مورد گسترش تهدیدهای امنیتی ابراز نگرانی کرده و بر همکاری دوشنبه و اسلامآباد در امر مبارزه با تروریزم تاکید نموده اند.
هر چند در اعلامیه دو کشور مشخص نشده که با چه تهدید امنیتی مواجه اند، اما پیش از این پاکستان همواره ادعا کرده که حملات در این کشور ناشی از حضور و فعالیت تحریک طالبان پاکستان در افغانستان است. تاجیکستان هم ابراز نگرانی کرده که خطر نفوذ گروههای تروریستی از افغانستان به تاجیکستان در حال افزایش است.
امارت اسلامی اما این ادعاها را رد کرده و تاکید نموده که اجازه نمیدهد از خاک افغانستان علیه کشورهای دیگر استفاده صورت گیرد.
صدر اعظم پاکستان طی سفر خود به دوشنبه یک موافقتنامه همکاری استراتژیک با تاجیکستان امضا کرده است.