خبرهای تازه
غنی جهت شرکت در مراسم جنازه اسلام کریموف به ازبکستان رفت
ارگ ریاست جمهوری افغانستان می‌گوید قرار است، محمد اشرف غنی به شهر سمرقند ازبکستان برود زیرا مراسم جنازۀ اسلام کریموف در همین شهر که زادگاهش است برگزار شده و وی در همانجا بخاک سپرده می‌شود.
به گفته ارگ ریاست جمهوری افغانستان، شمار زیادی از سران و مقام‌های کشورهای منطقه و جهان در مراسم جنازه رئیس جمهور فقید ازبکستان اشتراک می‌کنند.
در خبرنامه ارگ آمده که رئیس جمهور غنی بر علاوه اشتراک در مراسم جنازه، مراتب همدردی و تسلیت عمیق خویش را به نماینده گی از حکومت و مردم افغانستان به مقامات حکومتی و مردم ازبکستان، ابراز خواهد کرد
اسلام کریموف رئیس جمهور ازبکستان روز گذشته در اثر خونریزی مغزی به عمر 78 سالگی در یکی از شفاخانه‌های شهر تاشکند درگذشت.