رویداد های اخیر
والی بلخ در سفر به تاجیکستان: ناامنی در افغانستان به نفع هیچ کشوری نیست
محمد یوسف وفا، والی بلخ به هدف اشتراک در یک نشست مشترک با وزارت سرحدات تاجیکستان به دوشنبه، پایتخت این کشور سفر کرده است.
براساس خبرنامه دفتر والی بلخ، آقای وفا در این نشست بر تقویت روابط در بخشهای مختلف با تمام کشورها بر اساس منافع ملی تاکید کرده و گفته است که ناامنی در افغانستان به نفع هیچ کشوری نیست.
والی بلخ تصریح کرده است که به هیچ کسی اجازه داده نمیشود که از خاک افغانستان علیه کشور دیگر استفاده کند.
در این نشست، وزیر استخبارات تاجیکستان نیز تعهد کرده که هیچ فعالیت مغرضانه علیه افغانستان از خاک دوشنبه صورت نخواهد گرفت.