خبرهای تازه
کارمندان نهادهای غیردولتی در افغانستان صاحب معاش بازنشستگی می‌شوند
در خبرنامه این وزارت آمده است: “مقرره‌ی حقوق تقاعد(بازنشستگی) کارکنان نهادهای غیر دولتی (سکتورخصوصی) که در سه فصل و۲۲ ماده تدوین گردیده‌است، طی حکم مقام عالی ریاست جمهوری اسلامی افغانستان نافذ شد.”
وزارت کار و امور اجتماعی میگوید که این مقرره، نخستین سند تقنینی در پیوند به پرداخت حقوق بازنشستگی کارمندان اداره های غیر دولتی و بخش خصوصی در افغانستان است.
این وزارت می‌افزاید که بر اساس این مقرره، “نهادهای غیر دولتی و سکتور خصوصی مکلف به پرداخت یک ماه معاش در بدل هر سال کار یک کارمند خواهند شد.”
وزارت کار میگوید که بخش بزرگی از شهروندان کشور در نهادهای غیردولتی مصروف کار اند که باید از حقوق بازنشستگی بهره‌مند باشند.