رویداد های اخیر
کمک روسیه به تاجیکستان برای تحکیم مرز اش با افغانستان
خبرگزاری تاس گزارش کرده است که روسیه و تاجیکستان در ماه آینده در نزدیکی سرحد افغانستان در تاجیکستان تمرینات نظامی برگزار خواهند کرد.
به اساس این گزارش روسیه تعهد کرده که در ساختن یک پاسگاه در نزدیکی سرحد افغانستان با تاجیکستان کمک میکند.
این خبرگزاری افزوده که وزیران دفاع روسیه و تاجیکستان روز گذشته (شنبه، ۲ اسد) در مورد تدابیر مشترک در برابر تهدیدهای طالبان در نزدیکی سرحد آن کشور گفتگو کرده اند.
در گزارش آمده که دو طرف در باره “وضعیت سرحد افغانستان و تاجیکستان، و تدابیر مشترک برای خنثی سازی تهدیدهای ناشی از نا امنی‌ها” از خاک افغانستان گفتگو کرده اند.
بر اساس این گزارش تاجیکستان یک پایگاه روسیه را میزبانی میکند و همچنان از افزایش خشونت‌ها در افغانستان ابراز نگرانی کرده است.
این در حالی است که در اوایل ماه روان میلادی صدها نیروهای افغان از اثر حملات طالبان به تاجیکستان برده اند.
گزارش افزوده که این سربازان افغان به کابل منتقل شده اند.
بر اساس این گزارش تاجیکستان، ازبیکستان و روسیه در ماه آینده در نزدیکی سرحد افغانستان در تاجیکستان تمرینات نظامی برگزار خواهند کرد.