اخبار ویژه
گفتگوی خلیلزاد با رییس جمهوری تاجیکستان در مورد صلح افغانستان
زلمی خلیلزاد فرستاده ویژه امریکا برای صلح افغانستان امروز(دوشنبه، ۱۴ میزان) با امام علی رحمان رییس جمهوری تاجیکستان در دوشنبه دیدار و در مورد روند صلح افغانستان و امنیت منطقه ای گفتگو کرده است.
رسانه های پاکستانی گزارش کرده اند که آقای رحمان در این نشست با استقبال از مذاکرات میان افغان‌ها گفته است که تاجیکستان، “از موقف حکومت افغانستان برای صلح و ثبات حمایت می‌کند.
آقای خلیلزاد و رییس جمهوری تاجیکستان در مورد تقویت روابط میان امریکا وتاجیکستان نیز تبادل نظر کرده اند.
رسانه های دولتی تاجیکستان گزارش کرده اند: ” تاجیکستان تمام اقدامات برای ادامه تلاش خود را برای کمک به حل مشکلات افغانستان و بهبود اقتصادی-اجتماعی این کشور، روی دست می‌گیرد.”
مقام‌های دو کشور همچنان در مورد لزوم گسترش همکاری در زمینه “مبارزه مشترک علیه تهدیدها و چالش های برحال، از جمله هراس افگنی، افراط گرایی و قاچاق مواد مخدر” گفتگو کردند.