Connect with us

لوبی

آریانا تلویزیون د کرکت د ۴ سترو نړیوالو سیالیو د خپرولو حق ترلاسه کړ

خپور شوی

د

(Last Updated On: غویی ۳۰, ۱۴۰۲)

آریانا تلویزیون د نړۍ پر کچه د سپورتي لوبو د وړاندې کولو په لړ کې بریالی شو، چې د کرکت د ۴ سترو نړیوالو سیالیو د خپرولو حق هم ترلاسه کړي.

دغه تورنمنت یا سیالۍ به له جون څخه تر نومبر پورې ترسره شي.

د کرکت دغه څلور تورنمنتونه، چې له آریانا تلویزیون څخه به په ژوندۍ بڼه خپریږي؛ نومونه یې دا دي:

د نړیوال جام وروستۍ تست لوبه، د نړیوال جام غوراوي سیالۍ، د آسیایي ملتونو جام او نړیوال جام

د نړیوال جام وروستۍ تست لوبه

د آریانا تلویزیون له لارې په ژوندۍ بڼه لومړۍ لوبه به د نړیوال جام وروستۍ تست لوبه وي. دا سیالۍ به د جون له ۷ څخه د جون تر ۱۱ پورې ترسره شي.

د نړیوال تست غوره لوبډلې؛ هند او آسترالیا دي، چې په لندن کې به پر زړه پورې وروستۍ لوبه ترسره کړي.

هند د تېرو سياليو اتل نوماند و، چې د دوه‌یيم پړاو په پايلوبه کې یې له نيوزيلند څخه ماتې وخوړله.

په هرصورت، دا ځل هند د آسترالیا پر وړاندې د درې پرلپسې تست سیالیو پر ګټلو ډېر چمتو ښکاري.

د نړیوال جام غوراوي سیالۍ

دا سیالۍ په حقیقت کې د نړیوال تست اتلولیو سیالیو له پای لوبې یوازې دوه ورځې وروسته پیلیږي.

د ۲۰۲۳ کال د کرکت نړیوال جام روزنیزې سیالۍ به د جون له ۱۸ څخه د جولای تر ۹ په زمبابوې کې ترسره شي.

د نرینه وو کرکت نړیوال جام سیالۍ، چې د روان کال په وروستیو کې ترسره کېږي؛ دوه لوبډلې کولی شي د روزنیزو سیالیو له لارې لار پیدا کړي.

هغه لوبډلې، چې له دغو دوه سیالیو څخه به یوې ته لار ومومي دي: ایرلیند، نیپال، هالیند، عمان، سکاتلیند، سریلانکا، عربي متحده امارات، امریکا، ویست اندیز او زیمبابوی.

اته لوبډلې ، چې مخکنۍ وړتیا لري؛ دادي: افغانستان، بنګله دیش، پاکستان، هند، آسترالیا، انګلستان، نیوزیلیند او سویلي آفریقا.

د آسیایي ملتونو جام

د آسیایي ملتونو جام سیالۍ، چې ټاکل شوې د سپتمبر په میاشت کې پیل شي؛ له آریانا تلویزیون څخه به هم په ژوندۍ بڼه خپریږي. دا په کرکت کې یوازنی براعظمګي اتلولي ده او سیالۍ په پنځوس آووریز او شل آووریزو بڼو کې ترسره کیږي.

دا ډول تورنمنت په ۱۹۸۳ کې هغه مهال رامنځته شو، چې د آسیا کرکت شورا د آسیایي هېوادونو ترمنځ د ښه نیت د ودې لپاره د یو اقدام په توګه رامنځته شوه.

لومړۍ یو ورځنۍ نړیواله سیالي په ۱۹۸۴ کال کې ترسره شوه، چې درې لوبډلو؛ هند، پاکستان او سریلانکا په کې برخه اخیستې وه.

۲۰ آووریزې سیالۍ په ۲۰۱۶ کې وپېژندل شوې.

د سږني تورنمنت لپاره، ګروپونه او بڼه د ۲۰۲۳ کال د جون ۵ ته اعلان شوې او شپږ لوبډلې پر دوه ګروپونو ووېشل شول.

ټولټال ۱۳ لوبې به ترسره شي، چې په کې ۶ د لیګ لوبې، ۶ سوپر فور لوبې او یوه وروستۍ هغه ده.

په الف ګروپ کې: هند، پاکستان او نیپال او

په ب ګروپ کې: دفاعي اتل سریلانکا له بنګله دیش او افغانستان سره دي.

له هر ګروپ څخه دوه مخکښې لوبډلې به سوپر فور ته لار ومومي. له هغه ځایه به دوه مخکښې لوبډلې په وروستۍ هغه کې له یو بل سره لوبه وکړي.

د کرکت نړیوال جام

د نړۍ پر کچه د کرکت له څو میاشتنیو سیالیو وروسته، ۲۰۲۳ کال به د کرکت نړیوال جام پر زړه پورې سیالیو پای ته ورسېږي.

دا سیالۍ به د آریانا تلویزیون له لارې یو ځل بیا په ژوندۍ بڼه خپرې شي.

د یو ورځنیو نړیوالو سیالیو په لړ کې به لس هېوادونه د جام د ګټلو لپاره سره سیالي وکړي، چې پر وروستی ځل انګلستان په ۲۰۱۹ کال کې ګټلی و.

دا تورنمنت به د هند پر کوربتوب ترسره کیږي او نېټه یې د اکتوبر له ۵ څخه د نومبر تر ۱۹ پورې ده. په هرصورت، د ځینو راپورونو د څرګندونو له مخې؛ شونې ده، چې وروستۍ لوبه د نومبر پر ۲۶ ترسره شي.

په لومړیو کې، ټاکل شوې وه، چې دا تورنمنت به د ۲۰۲۳ کال د فبرورۍ له ۹ څخه د مارچ تر ۲۶ پورې ترسره شي؛ خو د ۲۰۲۰ په جون کې څرګنده شوه، چې تورنمنت د کرونا ناروغۍ له کبله له اکتوبر څخه نومبر ته وځنډول شو.

انګلستان دفاعي اتل دی. دغې لوبډلې په تېر ۲۰۱۹ کال کې نیوزیلیند ته لهه ماتې ورکولو سره اتلولي ګټلې وه.

آریانا تلویزیون په داسې حال کې د کرکت د لویو تورنمنتونو د خپریدو حق تر لاسه کړ، چې اوس مهال د هند غوره لیګ پر ژوندۍ بڼه خپروي.

د کرکت هغه مینه وال، چې تر اوسه یې دغه ورځنۍ لوبې نه‌دي لیدلي؛ کولی شي په خپلو کورونو کې د آریانا تلویزیون له لارې یا د آریانا تلویزیون له اوبپاڼو څخه په ژوندۍ بڼه وګوري.

په همدې حال کې آریانا تلویزیون له هرې سیالۍ مخکې د سیالیو مهالوېش خپروي؛ نو ډاډه اوسئ او زمونږ په اوبپاڼو کې یې په اړه تازه معلومات وڅارئ.

لوبی

نوین الحق د کرکت له پنځوس اوریزو لوبو ګوښه شو

Published

on

(Last Updated On: تله ۶, ۱۴۰۲)

د افغانستان کرکت ملي لوبډلې چټک‌ توپوهونکی نوین الحق وايي، چې د ۲۰۲۳ ز.کال له نړیوال جام وروسته به پنځوس اوریزې لوبې نورې ونه‌کړي.

د افغانستان د ملي لوبډلې دا ۲۴ کلن لوبغاړی دوه کاله له لوبډلې لرې پاتې کېدو وروسته نړیوال جام ته راستون شوی و.

دغه لوبغاړي د افغانستان کرکت ملي لوبډلې لپاره اووه یو ورځنۍ لوبې کړې دي؛ خو په ۲۰۱۶ ز. کال کې د نړیوال جام له پیل راپدیخوا د ۲۰ اوریزو لوبو یوه اړینه برخه ګرزېدلې ده.

نوین الحق وايي: دا زما لپاره ویاړ و، چې د خپل هېواد استازولي وکړم. اوس غواړم د نړیوال جام په پای کې له یو ورځنیو لوبو څخه ګوښه شم؛ خو زه به په شل اوریزو لوبو کې له نیلي کمیس سره مل وم.

هغه زیاته کړې: دا کومه اسانه پرېکړه نه وه، خو د لوبېدنې د اوږدولو لپاره باید دا سخته پرېکړه وکړم.

دا په داسې حال کې ده، چې د هند نړیوال جام ته د نوین الحق له غوراوي سره افغان لوبډله پیاوړې معرفي شوې ده.

Continue Reading

لوبی

امول نومي هندي شرکت په نړیوال جام کې د ګډون لپاره د افغان لوبډلې د مالي ملاتړ ډاډ څرګند کړ

Published

on

(Last Updated On: تله ۴, ۱۴۰۲)

د افغانستان کرکت بورد نړیوال جام لپاره د افغانستان کرکت ملي لوبډلې د مالي ملاتړ حق هندي شرکت امول (Amul) ته ورکړ، چې له مخې به یې یاد شرکت په راتلونکو سترو سیالیو کې له افغان لوبډلې مالي ملاتړ کوي.

کرکت بورد څرګنده کړې؛ دغه تړون د فایربرد سپورتي مدیریتي شرکت، چې د راروان نړیوال جام د افغانستان کرکت بورد همکار دی، لاسلیک شو. امول د لبنیاتو په برخه کې نوموتی هندي شرکت دی، چې له دې مخکې په ۲۰۱۹ ز. کال نړیوال جام سیالیو کې هم د افغان لوبډلې د مالي ملاتړي په توګه له افغانستان کرکت بورد سره همکار پاتې شوی دی.

د افغانستان کرکت بورد اجرائیوي رییس نصیب خان د دغه تړون له لاسلیکولو خوښي وښوده او څرګندوي: امول شرکت له دې مخکې هم د افغانستان کرکت بورد همکار پاتې شوی او خوښ یوو، چې د سږکال سترو سیالیو لپاره یې هم د مالي ملاتړي په توګه له ځان سره لرو. دا د افغانستان کرکت بورد او زمونږ د همکار، فایربرد سپورتي مدیریتي شرکت لپاره مثبت ګام دی او هیله من یوو، چې په راتلونکي کې هم له نورو شرکتونو سره دغه ډول تړونونه لاسلیک کړو.

دغه راز د یاد تړون په اړه د امول شرکت مدیر ښاغلي جیین مهتا ویلي: سپورت د امول شرکت لپاره له نوي نسل سره د یوځای کېدو یوه اړینه وسیله ده. شیدې د نړۍ اصلي انرژي لرونکي خواړه دي، چې ټول لوبغاړي یې کاروي. امول شرکت له افغانستان سره پخوانۍ اړیکه لري؛ خان عبدالغفار خان، چې په ګاندي هم مشهور و، په ۱۹۶۹ ز. کال کې له امول شرکت لیدنه کړې وه او له داکتر کورین سره یې هم لیدلي وه، چې په یاده لیدنه کې یې زمونږ د شرکت فعالیتونه هم ارزولي وه.

نوموړي ویلي؛ دغه راز په بېلابېلو وختونو کې له افغانستان څخه د شیدو تولیدونکیو څو پلاويو هم له امول شرکته لیدنه کړې ده. امول له تېرو دوه لسیزو راپدیخوا افغانستان ته پودري شیدې او د ماشومانو خواړه صادروي. مونږ ویاړو، چې د افغانستان کرکت ملي لوبډلې د مالي ملاتړ حقوق له ځان سره لرو او په راتلونکي نړیوال جام کې ورته د بریاوو هیله لرو.

د فایربرد سپورتي مدیریتي شرکت استازی سنیل منوچا هم د یاد تړون له لاسلیکولو خوښي څرګنده کړه او وایي: دا زمونږ لپاره د ویاړ ځای دی، چې د افغانستان کرکت بورد او امول شرکت ترمنځ د افغانستان کرکت ملي لوبډلې د مالي ملاتړ تړون په لاسلیکولو کې اړینه ونډه لرو. دا به نه یوازې دا، چې د افغانستان کرکت په ګټه وي، بلکې د دواړو هېوادونو ترمنځ به د اړیکو په ټینګښت او پراختیا کې هم ښه رول ولوبوي.

دا په داسې حال کې ده، چې  د افغانستان کرکت ملي لوبډله د اړوند لوبو د ترسره کولو لپاره هند ته رسېدلې او هلته به د یادو سترو سیالیو لپاره خپلې روزنیزې لوبې لومړی له سویلي آفریقا او سریلانکا سره ترسره کړي او له هغه وروسته به د تلې پر ۱۵ / د اکتوبر پر اوومه نېټه په نړیوال جام کې خپله لومړۍ رسمي سیالۍ په درمشاله کرکت لوبغالي کې د بنګله دېش پر وړاندې ترسره کړي.

Continue Reading

لوبی

افغانستان د ۲۰۲۳ کال اسیايي لوبو کې د برونزو مدال وګاټه

Published

on

(Last Updated On: تله ۳, ۱۴۰۲)

د هېواد د تکواندو د ملي لوبډلې لوبډلمشر محسن رضايي د یکشنبې پر ورځ په نیمه پایلوبه کې د جنوبي کوریا د جانګ جون له ماتې وروسته د برونزو مډال وګاټه.

رضايي په لومړي پړاو کې د نړۍ د اتل جانګ جون پر وړاندې ۷-۵ بریا خپله کړه؛ خو په دوه‌یم پړاو کې یې ۱۴-۱۲ ماتې وخوړه او د برونزو تاریخي او ارزښتناک مدال یې خپل کړ.

د راپورونو له مخې؛ د رضايي لاس د سیالیو په لومړي پړاو کې مات شو؛ خو بیا هم وتوانید، چې د سږ کال په لوبو کې د افغانستان لپاره لومړی ماال ثبت کړي.

د تکواندو فدراسیون چارواکو څرګنده کړې؛ افغانستان خپلو سیالانو( تاجکستان، جاپان، قزاقستان او جنوبي کوریا ) ته له ماتې ورکولو وروسته د برونز مدال وګاټه.

دغه رزاز د ورځې په پیل کې د افغانستان رګبي ملي لوبډلې په خپله وروستۍ لوبه کې ماتې وخوړه.

دې لوبډلې د نیپال لوبډلې له ماتولو وروسته بل پړاو ته لار پیدا کړه او له عربي متحده اماراتو سره مخ شوه. په هر حال دې لوبډلې له هڅو سره – سره ماته وخوړله.

د دوشنبې پر ورځ نورو افغانانو هم ښه چانس نه‌درلود؛ لامبو‌وهونکي فهیم انوري، چې په ۵۰ متره فری ستایل او ۱۰۰ متره بریست‌ستروک کې یې برخه اخیستې وه؛ راتلونکو پړاوونو ته له رسېدو پاتې شو.

افغان سوک‌وهونکی محمد خیبر نورستانی هم د ۷۱ کیلو ګرامه وزن په برخه کې د خپل منګولیایي سیال پر وړاندې د مسابقې پر مهال د ټپ له کبله له لوبې ووت.

Continue Reading

Trending

Copyright © 2022 Ariana News. All rights reserved!