د افغانستان کرکت بورد نړیوال جام لپاره د افغانستان کرکت ملي لوبډلې د مالي ملاتړ حق هندي شرکت امول (Amul) ته ورکړ، چې له مخې به یې یاد شرکت په راتلونکو سترو سیالیو کې له افغان لوبډلې مالي ملاتړ کوي.

کرکت بورد څرګنده کړې؛ دغه تړون د فایربرد سپورتي مدیریتي شرکت، چې د راروان نړیوال جام د افغانستان کرکت بورد همکار دی، لاسلیک شو. امول د لبنیاتو په برخه کې نوموتی هندي شرکت دی، چې له دې مخکې په ۲۰۱۹ ز. کال نړیوال جام سیالیو کې هم د افغان لوبډلې د مالي ملاتړي په توګه له افغانستان کرکت بورد سره همکار پاتې شوی دی.

د افغانستان کرکت بورد اجرائیوي رییس نصیب خان د دغه تړون له لاسلیکولو خوښي وښوده او څرګندوي: امول شرکت له دې مخکې هم د افغانستان کرکت بورد همکار پاتې شوی او خوښ یوو، چې د سږکال سترو سیالیو لپاره یې هم د مالي ملاتړي په توګه له ځان سره لرو. دا د افغانستان کرکت بورد او زمونږ د همکار، فایربرد سپورتي مدیریتي شرکت لپاره مثبت ګام دی او هیله من یوو، چې په راتلونکي کې هم له نورو شرکتونو سره دغه ډول تړونونه لاسلیک کړو.

دغه راز د یاد تړون په اړه د امول شرکت مدیر ښاغلي جیین مهتا ویلي: سپورت د امول شرکت لپاره له نوي نسل سره د یوځای کېدو یوه اړینه وسیله ده. شیدې د نړۍ اصلي انرژي لرونکي خواړه دي، چې ټول لوبغاړي یې کاروي. امول شرکت له افغانستان سره پخوانۍ اړیکه لري؛ خان عبدالغفار خان، چې په ګاندي هم مشهور و، په ۱۹۶۹ ز. کال کې له امول شرکت لیدنه کړې وه او له داکتر کورین سره یې هم لیدلي وه، چې په یاده لیدنه کې یې زمونږ د شرکت فعالیتونه هم ارزولي وه.

نوموړي ویلي؛ دغه راز په بېلابېلو وختونو کې له افغانستان څخه د شیدو تولیدونکیو څو پلاويو هم له امول شرکته لیدنه کړې ده. امول له تېرو دوه لسیزو راپدیخوا افغانستان ته پودري شیدې او د ماشومانو خواړه صادروي. مونږ ویاړو، چې د افغانستان کرکت ملي لوبډلې د مالي ملاتړ حقوق له ځان سره لرو او په راتلونکي نړیوال جام کې ورته د بریاوو هیله لرو.

د فایربرد سپورتي مدیریتي شرکت استازی سنیل منوچا هم د یاد تړون له لاسلیکولو خوښي څرګنده کړه او وایي: دا زمونږ لپاره د ویاړ ځای دی، چې د افغانستان کرکت بورد او امول شرکت ترمنځ د افغانستان کرکت ملي لوبډلې د مالي ملاتړ تړون په لاسلیکولو کې اړینه ونډه لرو. دا به نه یوازې دا، چې د افغانستان کرکت په ګټه وي، بلکې د دواړو هېوادونو ترمنځ به د اړیکو په ټینګښت او پراختیا کې هم ښه رول ولوبوي.

دا په داسې حال کې ده، چې  د افغانستان کرکت ملي لوبډله د اړوند لوبو د ترسره کولو لپاره هند ته رسېدلې او هلته به د یادو سترو سیالیو لپاره خپلې روزنیزې لوبې لومړی له سویلي آفریقا او سریلانکا سره ترسره کړي او له هغه وروسته به د تلې پر ۱۵ / د اکتوبر پر اوومه نېټه په نړیوال جام کې خپله لومړۍ رسمي سیالۍ په درمشاله کرکت لوبغالي کې د بنګله دېش پر وړاندې ترسره کړي.

د هېواد د تکواندو د ملي لوبډلې لوبډلمشر محسن رضايي د یکشنبې پر ورځ په نیمه پایلوبه کې د جنوبي کوریا د جانګ جون له ماتې وروسته د برونزو مډال وګاټه.

رضايي په لومړي پړاو کې د نړۍ د اتل جانګ جون پر وړاندې ۷-۵ بریا خپله کړه؛ خو په دوه‌یم پړاو کې یې ۱۴-۱۲ ماتې وخوړه او د برونزو تاریخي او ارزښتناک مدال یې خپل کړ.

د راپورونو له مخې؛ د رضايي لاس د سیالیو په لومړي پړاو کې مات شو؛ خو بیا هم وتوانید، چې د سږ کال په لوبو کې د افغانستان لپاره لومړی ماال ثبت کړي.

د تکواندو فدراسیون چارواکو څرګنده کړې؛ افغانستان خپلو سیالانو( تاجکستان، جاپان، قزاقستان او جنوبي کوریا ) ته له ماتې ورکولو وروسته د برونز مدال وګاټه.

دغه رزاز د ورځې په پیل کې د افغانستان رګبي ملي لوبډلې په خپله وروستۍ لوبه کې ماتې وخوړه.

دې لوبډلې د نیپال لوبډلې له ماتولو وروسته بل پړاو ته لار پیدا کړه او له عربي متحده اماراتو سره مخ شوه. په هر حال دې لوبډلې له هڅو سره – سره ماته وخوړله.

د دوشنبې پر ورځ نورو افغانانو هم ښه چانس نه‌درلود؛ لامبو‌وهونکي فهیم انوري، چې په ۵۰ متره فری ستایل او ۱۰۰ متره بریست‌ستروک کې یې برخه اخیستې وه؛ راتلونکو پړاوونو ته له رسېدو پاتې شو.

افغان سوک‌وهونکی محمد خیبر نورستانی هم د ۷۱ کیلو ګرامه وزن په برخه کې د خپل منګولیایي سیال پر وړاندې د مسابقې پر مهال د ټپ له کبله له لوبې ووت.

چين له تېرو څلوېښت کلونو راپدیخوا په اسيايي لوبو کې برلاسی دی او  ۲۰۲۳ کال به یې هم ورته وي.

کوربه هېواد د یکشنبی پر ورځ د شي جین پینګ د پرانیستې له مراسمو څخه څو ساعته وروسته د هانګجو د اولمپیک په مرکزي لوبغالي کی، چې ۸۰ زره خلکو یې ننداره کوله د سرو زرو د ۲۰ مدالونو په ګډون ۳۰ هغه وګټل.

په دغو لوبو کې د سرو زرو لومړنی مدال چینایي جوړې( ژو جیاکی و کیو شین پینگ ) د ښځو په وزن کې  ورسېد.

د ژو جیاکي ملګرې وایي: دا کولی شي د مونږ په چمتووالي کې پر ځان باور رامنځته کې مرسته وکړي.”

په لومړۍ ورځ دوه نور د سرو زرو مدالونه هانګ کانګ ته لاړل؛ د نرینه‌وو په بېړۍ ځغلولو او د نرینه‌وو په توره وهلو کې.

هانګ کانګ، چې د بریتانیا پخوانۍ مستعمره وه؛ په ۱۹۹۷ ز. کال کې بېرته چینايي واکمنۍ ته وسپارل شوه او په ۲۰۱۹ کې د څو میاشتو د دیموکراسۍ پلوه لاریونونو وروسته د بیجینګ تر سختې څارنې لاندې راغله.

چین په عصري پېنځه‌ګونو څانګو کې (۲)، هنري جمناستیک (۱)، د لامبو وهلو (۶)، نیزې وهلو (۲)، ووشو (۲) او بېړۍ ځغلولو (۷) کې د سرو زرو مدالونه ترلاسه کړل.

جانګ یوفي د ښځو د 200 تیتلی جایزه وګټله، هغې ورته سیالۍ، چې دوه میاشتې مخکې یې د جاپان د فوکوکوئوکا په نړیوالو سیالیو کې اتله شوې وه.

هغې ویلي: ما پر رښتیا احساس کاوه، چې دا ډنډ زما لپاره یو څه ورو و او ما خپل مشر ته وویل، چې زه په ښه حالت کې ځان نه احساسوم که نه کولی مې شول ګړندی لاړه شم.

وانګ شون د نرینه‌وو ۲۰۰ ای ایم وګاټه او لی بینجيه د ښځو ۱۵۰۰ وګټل.

جنوبي کوريا په لومړۍ ورځ د سرو زرو پېنځه مدالونه او ټول ١٤ مډالونه وګټل، چې له چين څخه په دوه‌يم مقام کې پاتې شي. سویلي کوریا په عصري پېنځه ګونه کې د سرو زرو دوه مدالونه، دوه نور په تکواندو او یو د تورې وهلو په برخه کې.

جاپان دوه د سرو زرو او په ټولیزه توګه ۱۴ درلودل، یوازې د سویلي کوریا څخه وروسته.

په لومړۍ ورځ یوازې د سرو زرو نور مدالونه تایوان او ازبکستان ته لاړل.

چین پېنځه کاله مخکې د اندونیزیا په اسیایي لوبو کې له جاپان او جنوبي کوریا سره ۳۰۰ مداله، چې په کې د سرو زرو ۱۳۲ مدالونه ول ؛ګټلي وه.

کوربه هېوادونه په دودیز ډول د کوربه ډګر مدال ډنډ ترلاسه کوي؛ نو دا ځل د چین د ځواکمنتیا شونتیا ډېر ده.

په اسيايي لوبو کې د ۴۵ هېوادونو او سيمو ۱۲۵۰۰ ګډونوال برخه لري. د راتلونکي کال په اولمپیک کې به د شاوخوا ۲۰۰ استازو څخه شاوخوا ۱۰۵۰۰ برخه واخلي.

کرکت په اسيايي لوبو کې مخکښ دی او هند او سريلانکا د دوشنبې پر ورځ د ښځو په لوبو کې د سرو زرو لپاره مخ شول او هند ګټونکی شو.

د نارینه وو فاینل لوبه د اکتوبر پر اوومه ده، او ډېري تمه لري، چې فاینل به د پخوانیو سیالانو پاکستان او هند ترمنځ وي.