تازه خبرونه
اتمر په تاجکستان کې د افغانانو ستونزو ته پر پاملرنه ټینګار څرګند کړ
د بهرنیو چارو وزارت چارسمبالی حنیف اتمر د تاجکستان په پلازمېنه دوشنبه کې د افغانستان له یو شمېر افغان کډوالو، زدکړیالانو او سوداګرو سره وکتل.
د بهرنیو چارو وزارت د څرګندونو له مخې؛ په دې کتنه کې، چې د جمعې مبارکې پر ماښام د وږي د میاشتې پر ۲۸ تر سره شوې، د ناستې ګډونوالو پر بېلابېلو موضوعاتو خبرې وکړې او خپلې ستونزې یې نوموړي ته وړاندې کړې؛ د پوهنې وزارت په چوکاټ کې د سامانیانو د لیسې رسمي کیدل، د کرونا په بهیر کې د زدکړیالانو تګ راتګ او د سوداګریزو توکو د آسانه لیږد لپاره په پوله کې د خنډونو او ستونزو لرې کیدل، د دغې ناستې د بحث وړ ټکي وه.
د افغان کډوالو د استازیو خبرو، غوښتنو او وړاندیزونو له اوریدلو څخه وروسته د بهرنیو چارو وزارت چارسمبالي په دوشنبه ښار کې د افغانستان سفیر ته سپارښتنه وکړه، چې له مرکز سره په اړیکه کې د دوی ستونزې حل کړي او ژمنه یې وکړه، چې یادو مسایلو ته به پخپله په کابل کې هم پام راواړوي.
حنیف اتمر تاجکستان ته د خپل سفر د لاسته راوړنو په اړه هراړخیزې خبرې وکړې او په تاجکستان کې یې د میشت افغان کډوالو ونډه د دواړو دوست، هم تاریخه او هم فرهنګه هېوادونو ترمنځ د هراړخیزو اړیکو د پراختیا په برخه کې مهمه وبلله.
نوموړي زدکړې او تحصیل د وطن د سوکالۍ او آبادۍ لامل وباله او له افغان محصلینو یې وغوښتل، چې د زدکړو له بشپړولو وروسته هېواد ته راستانه شي او د افغانستان په آبادۍ او پرمختګ کې ونډه واخلي.
تازه خبرونه
په مسکو کې د افغانستان سفیر له ضمیر کابلوف سره وکتل
په دې لیدنه کې افغان سفیر د روسیې له ولسمشر څخه د هغه د باورلیک د منلو له کبله مننه وکړه او د روسیې مثبت دریځ یې وستایه .
په مسکو کې د افغانستان اسلامي امارت سفیر ګل حسن حسن د افغانستان لپاره د روسیې له ځانګړي استازي ضمیر کابلوف سره ولیدل.
په دې لیدنه کې افغان سفیر د روسیې له ولسمشر څخه د هغه د باورلیک د منلو له کبله مننه وکړه او د روسیې مثبت دریځ یې وستایه .
دواړو خواوو د سوداګرۍ پراختیا، د افغانانو لپاره د ویزې آسانتیا او دوه اړخیزې همکارۍ پورې اړوند مسلو په اړه بحث او خبرې کړې دي.
کابلوف د افغانستان او روسیې ترمنځ مثبتو اړیکو ته په نغوته(اشاره) کې د سیاسي او اقتصادي همکاریو د پراختیا لپاره یې د روسیې لېوالتیا او چمتووالی څرګند کړ.
تازه خبرونه
له تاجکستان سره د بدخشان په پوله کې ۳ قاچاق وړونکي ووژل شول
د احسان الله کامګار د څرګندونو له مخې؛ دغه کسان، چې د بدخشان ولایت د خواهان ولسوالۍ اوسېدونکي وه؛ دوه شپې مخکې یې هڅه کوله نشهیي توکي د تاجکستان خاورې ته ولېږدوي، خو د هغه هېواد د سرحدي ځواکونو له لوري وپېژندل شول او د دواړو لوریو ترمنځ د وسلهوالې نښتې په پایله کې درې واړه قاچاق وړونکي ووژل شول.
د بدخشان ولایت د امنیه قومندانۍ ویاند احسانالله کامګار ویلي، چې د نشهیي توکو ۳ قاچاق وړونکي د تاجکستان له سرحدي ځواکونو سره د نښتې پر مهال وژل شوي دي.
د احسان الله کامګار د څرګندونو له مخې؛ دغه کسان، چې د بدخشان ولایت د خواهان ولسوالۍ اوسېدونکي وه؛ دوه شپې مخکې یې هڅه کوله نشهیي توکي د تاجکستان خاورې ته ولېږدوي، خو د هغه هېواد د سرحدي ځواکونو له لوري وپېژندل شول او د دواړو لوریو ترمنځ د وسلهوالې نښتې په پایله کې درې واړه قاچاق وړونکي ووژل شول.
د امنیه قومندانۍ ویاند زیاته کړې؛ د خواهان ولسوالۍ د امنیه قومندانۍ د راپور له مخې؛ د نښتې له پای ته رسېدو وروسته د دغو کسانو جسدونه د افغانستان سرحدي ځواکونو ته وسپارل شول.
تر اوسه له دغو کسانو سره د شته نشهیي توکو د بنې او کچې په اړه کره معلومات نشته؛ خو په دې اړه څېړنې روانې دي.
تازه خبرونه
د کابل په شهر نو کې د چاودنې له کبله یو چینایي وګړی او شپږ افغانان ووژل شول – پولیس
د نوموړي د څرګندونو له مخې؛ رسټورانټ د عبدالمجید نومي یو مسلمان چینایي، د هغه د میرمنې او عبدالجبار محمود نومي افغان لهخوا اداره کېده.
د کابل پولیسو ویاند خالد ځدراڼ ویلي، چې نن (دوشنبه د مرغومي نههویشتمه) د شهر نو د ګل فروشي د اړوند سیمې په «چاینیز نودل» نومي چینایي او افغان ګډ رسټورانټ کې چاودنه رامنځته شوې ده.
د نوموړي د څرګندونو له مخې؛ رسټورانټ د عبدالمجید نومي یو مسلمان چینایي، د هغه د میرمنې او عبدالجبار محمود نومي افغان لهخوا اداره کېده.
عبدالمجید د چین د سینکیانګ ولایت اوسېدونکي پېژندل شوی. رسټورانټ د چینایي مسلمانانو لپاره ځانګړي خواړه چمتو او وړاندې کول.
د کابل پولیسو ویاند زیاته کړې؛ د چاودنې په پایله کې ایوب نومی یو مسلمان چینایي او شپږ افغانان ووژل شول او ۱۳ نور ټپیان دي.
هغه زیاته کړې، د چاودنې ځای د رسټورانټ پخلنځي ته نږدې و.
ځدراڼ ټینګار کړی، چې د چاودنې بڼه تر دې دمه مشخصه شوې نده او امنیتي ځواکونو یې په اړه پلټنې روانې ساتلي دي.
-
تازه خبرونه5 days agoجاپان په افغانستان کې له روغتیایي برخې سره ۳ میلیون ډالر مرسته وکړه
-
تازه خبرونه5 days agoد ملګرو ملتونو د عمومي منشي سیاسي مرستیاله افغانستان ته سفر کوي
-
تازه خبرونه5 days agoامریکا د افغانستان په ګډون د ۷۵ هېوادونو د وګړو د کډوالۍ ویزې وځنډولې
-
تازه خبرونه5 days agoنږدې یو میلیون غیرقانوني افغانان خپل هېواد ته ستانه شول – ټریبیون ورځپاڼه
-
تازه خبرونه1 day agoد افغانستان لوی درستیز په دفاعي نندارتون کې د ګډون لپاره قطر ته تلی
-
تازه خبرونه11 hours agoد کابل په شهر نو کې د چاودنې له کبله یو چینایي وګړی او شپږ افغانان ووژل شول – پولیس
-
تازه خبرونه2 days agoپه افغانستان کې صنعتي نشهیي توکو وده کړې
-
نړۍ2 days agoاوس د ایران لپاره د نوې رهبرۍ د لټولو وخت دی – ټرمپ
