Connect with us

تازه خبرونه

اروپايي ټولنه ۴۰ زره نور افغان کډوال مني

Published

 on

(Last Updated On: ليندۍ ۲۰, ۱۴۰۰)

اروپايي هېوادونو ته د افغان کډوالو له راتګ وروسته اوس د اروپايي ټولنې ۱۵ غړیو هېوادونو د ۴۰ زره نورو افغانانو د منلو او مېشتېدو هوکړه کړې ده.

د اروپايي اتحادیې د کورنیو چارو کمیشنرې ایلوا یوهانسون د اروپايي اتحادیې د کورنیو چارو وزیرانو له غونډې وروسته له دې اقدام هرکلی کړی دی.

ایلوا جوهانسون ویلي؛ دا د پیوستون یو اغېزمنه هڅه ده، چې نورو ډېرړ افغانانو ته څارل شوې کډوالۍ اجازه ورکړو او په دې توګه یې اروپا ته د نامنظمو راتلو مخه ونیول شي.

د فرانس پرس خبري آژانس د یوه سند له مخې؛ آلمان به ۲۵۰۰۰، هالنډ ۳۱۵۹، هسپانیه او فرانسه ۲۵۰۰ او پاتې نور هېوادونه به لږ شمېر نور افغانان ومني.

د فرانسې ولسمشر امانویل مکرون ویلي؛ افغانانو ته د پناه ورکولو او له لارې مونږ د دوی د بیا مېشتېدنې لپاره زمینه برابروو؛ ځکه، چې مونږ ټول د خپلو اتباعو پر ساتنې باور لرو.

د دغه سند له مخې ۴۰ زره افغانان د بشري مرستو او د ۶۰ زره کسانو د بیا مېشتیدنې یوه برخه ده، چې د اروپايي ټولنې غړیو هېوادونو یې د منلو ژمنه کړې ده.

د اګسټ په میاشت کې له افغانستان څخه د امریکايي ځواکونو له وتلو او کابل ته د اسلامي امارت له بېرته راتګ راپدیخوا د اروپايي ټولنې ۲۴ غړیو هېوادونو ۲۸ زره افغانان له افغانستان ایستلي دي.

تازه خبرونه

په کابل ښار کې د ځمکې کرې نقشه یوازې سمبولیکه بڼه لري – کابل ښاروالۍ

Published

on

(Last Updated On: ليندۍ ۱۷, ۱۴۰۱)

له هغې وروسته، چې د کابل ښار د دهن باغ په اړوند سیمه کې د “ځمکې” په بڼه د یوه څلي پر جوړولو نیوکې ډېرې شوې؛ کابل ښاروالۍ په ډاګه کړه، چې له جوړېدو یې موخه یوازې د ښار ښکلا ده نه سیاسي موخې.

کابل ښاروالۍ ويلي؛ دا اداره یوازې یوه کاري اداره ده او په هیڅ بڼه نشي کولی، چې سیاسي او نظامي بڼه خپله کړي.

د کابل ښاروالۍ د څرګندونو له مخې: د ځمکې په کُره کې، چې کومه نقشه لیدل کیږي؛ یوازې سمبولیکه نقشه ده او حقیقي هم نده.

دغه بنسټ په یوه ویدیويي پیغام کې ویلي: زمونږ موخه دا ده، چې د افغانستان نقشه یو څه زوم (نږدې) او روښانه کړو. په دې برخه کې کوم سیاسي هدف نشته.

نوموړي په دغه پيغام کې زياته کړې: دا ډول نيوکې د کابل ښاروالۍ د ښار ښکلا او د پراختيايي پلانونو د پلي کولو اراده تر پوښتنې لاندې نشي راوستلى.

دا په داسې حال کې ده، چې کابل ښاروالۍ د دهن باغ په اړوند څلور لاري کې د ځمکې اته متریزه څلی جوړ کړی، چې د افغانستان نقشې او کچې پرې بېلابېل غبرګونونه راپارولي دي.

Continue Reading

تازه خبرونه

له افغانستان څخه د وسلو د قاچاق هڅه شنډه شوه

Published

on

(Last Updated On: ليندۍ ۱۷, ۱۴۰۱)

د ننګرهار ولایت سیمه ییزو چارواکو د چارشنبې پر ورځ څرګنده کړې، چې د تورخم پر پوله د ګمرک چارواکو پاکستان ته د وسلو او مهماتو د قاچاق هڅه شنډه کړې ده.

یوه چارواکي، چې وسلې یې نندارې ته وړاندې کړي وایي؛ دا هڅه له هغې وروسته شنډه شوه، چې دوی ته پر انارو د بار لارۍ د ثبت شوي نمبر E-3657 خبر ورکړ شو؛ لارۍ مو له پولې څخه د تېرېدو په حال کې ودروله.

د ګمرک مشر امجد الرحمان ويلي؛ پېښور ته پر لاره لارۍ مو ولټوله؛ په امریکا کې جوړې شوې ۱۶ تودې وسلې او یو شمېر مهمات مو ترې راوویستل، چې د لارۍ په پټو غارونو کې پټې شوې وې.

نوموړي ويلأ؛ نيول شوې وسلې په پاکستان کې منع دي او د ترهګرۍ په اړوند پېښو کې کاریږي.

ویل کیږي، چې د لارۍ موټر چلوونکي د پېښې له ځايه تښتېدلى؛ خو په اړه یې څېړنې روانې دي.

Continue Reading

تازه خبرونه

په افغانستان کې نږدې ۹۰۰ زره ماشومان له ډنګرېدنې ځوریږي – یونیسف

Published

on

(Last Updated On: ليندۍ ۱۶, ۱۴۰۱)

د ملګرو ملتونو د ماشومانو وجهي صندوق (یونیسف) څرګنده کړې، چې په افغانستان کې د ماشومانو د درملنې او له بشري ناورین سره د مبارزې لپاره بېړنۍ مرستې ته اړتیا لري.

یادې ټولنې نن (چارشنبه د لیندۍ ۱۶) په ډاګه کړې، چې په افغانستان کې شاوخوا ۸۷۵ زره ماشومان د وزن له کمېدو سره مخ دي.

د ماشومانو دغه خیریه موسسه وايي، په ۲۰۲۳ ز. کال کې د ماشومانو د درملنې او د بشپړې خوارځواکۍ د مخنیوي لپاره مرستې ته اړتیا لري.

دغه راز یونیسف پرون د یوې بشري غوښتنې له لارې څرګنده کړې، چې ماشومان په ټوله نړۍ کې له یوه تاریخي ناورین سره مخ دي.

دې ټولنې د ۲۰۲۳ ز. کال لپاره د ۱۰ اعشاریه ۳ میلیارد دالرو غوښتنه وکړه، چې په ټوله نړۍ کې پرې د ۱۱۰ میلیون ماشومانو روغتیایي ستونزې حل کړي.

Continue Reading

Trending

Copyright © 2022 Ariana News. All rights reserved!