Connect with us

تازه خبرونه

اروپايي ټولنې د هرات له زلزله ځپلیو سره د ۳.۵ میلیون یورو مرسته اعلان کړه

خپور شوی

د

(Last Updated On: )

د افغانستان په لویدیځ کې د شنبې د ورځې له خونړۍ زلزلې وروسته اروپايي اتحادیې د سې شنبې پر ورځ اعلان وکړ، چې د ۳ اعشاریه ۵ میلیون یورو (نږدې ۲۸۰ میلیون افغانیو) پر ارزښت به د زیانمنو خلکو د بېړنیو اړتیاوو د پوره کولو لپاره بېړنۍ بشري مرستې چمتو کړي.

د اروپايي اتحادیې په اعلامیه کې راغلي؛ اوس‌مهال اصلي اړتیاوې بېړنۍ سرپناه، طبي توکي او په هغه سیمه کې د څښاک پاکو اوبو ته لاس‌رسی دی، چې وچکالۍ هم ځپلې دي.

دا نوې مرسته پر ۸۹ میلیون یورو بشردوستانه مرستو سربېره ده، چې مخکې په ۲۰۲۳ ز. کال کې د بشردوستانه سازمانونو لپاره د اروپایي ټولنې لخوا ځانګړې شوې ده.

د بحران مدیریت کمیشنر جینز لینارچ ویلي؛ په افغانستان کې وروستۍ زلزلې د هغو خلکو کړاوونه نور هم ډېر کړي، چې پخوا هم له یوه ناوړه بشري وضعیت سره مخ ول. اروپايي اتحادیه به د افغانانو ملاتړ د بېلابېلو وسایلو، چې زمونږ  په واک دي؛ روان وساتي. د ۳ اعشاریه ۵ میلیون یورو پر ارزښت دا مرستې به د دې ویجاړونکي ناورین له قربانیانو سره اړینه مرسته وي.

د اروپا د ملکي خوندیتوب او بشري مرستو د عملیاتو عمومي مشرماسیج پوپوفسکي ویلي: د اروپایي اتحادیې ۳.۵ میلیون یورو بېړنۍ مرسته له افغانانو سره زمونږ د پیوستون څرګندونه ده. زه دلته په هرات کې یم؛ د زلزلې ویجاړونکيو انساني اغېزو حیران کړی یم. په دې سختو شرایطو کې زه د بشردوستانه همکارانو له کار ستاینه کوم، چې د ژوند ژغورلو لپاره نه ستړي کیدونکې هڅې کوي.

په افغانستان کې د اروپايي ټولنې چارسمبالې رافایله ایودیس ویلي: نن سهار هرات ته سفر کوم او د دغې زورورې زلزلې له کبله د رامنځته شوې ویجاړۍ او انساني کړاو شاهده یم. د اروپایي اتحادیې د ۳.۵ میلیون یورو مرستې کڅوړه به زمونږ بشردوستانه همکارانو ته دا وړتیا ورکړي، چې له ناورین څخه ژوندي پاتې کسانو سره خپل ملاتړ ګړندی کړي. اروپايي ټولنه او بشري شریکان د افغانستان له خلکو سره کلک ولاړ دي.

تازه خبرونه

تحول: په افغانستان کې د ټا‌پي پروژې د پیلولو لپاره هڅې

Published

on

(Last Updated On: )

Continue Reading

تازه خبرونه

د کانونو او پټرولیم وزارت نوي چارسمبالي په کانونو کې د پانګونو غوښتنه وکړه

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

Published

on

(Last Updated On: )

د کانونو او پټرولیم وزارت نوي چارسمبالي هدایت الله بدري پر کورنیو او بهرنیو پانګوالو غږ وکړ، چې د هېواد د کانونو په برخه کې پانګونه وکړي.

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

هغه په ​​دوامدار ډول په قراردادونو کې پر شفافیت ټینګار وکړ.

بدری وایي: مونږ کورنۍ او بهرنۍ پانګونه راجلبوو. مونږ هڅه کوو، چې د هېواد دننه کانونه پروسس او د اومه توکو د صادراتو مخه ونیسو. مونږ پر بشپړ شفافیت قراردادونه تر سره کوو او خپله تخنیکي وړتیا لوړوو.

په دې مراسمو کې د چارو ادارې مشر ټینګار وکړ، چې په حکومت کې تبدیلي او بدلون یوه عامه خبره ده او د کارونو په ترسره کولو کې هیڅ ډول ستونزې نه رامنځته کیږي.

د چارو ادارې مشر نورالحق انور وايي: د شريعت له مخې امير ټاکونکی او خپل مکلفيتونه لري او څوک، چې ټاکل کېږي هم خپل مکلفيتونه لري. شريعت د دواړو خواوو لپاره خپلې سپارښتنې او هدایتونه واضح کړي دي. تر ټولو مهمه مسله دا ده، چې امیر په خپلو ګمارنو کې د شریعت ټول معیارونه مراعاتوي او څوک، چې په جوړښت کې دننه کیږي په رښتیا هم وړ اهلیت لري.

دغه راز د کانونو او پټرولیم وزارت پخوانی چارسمبالی شهاب الدین دلاور هم په حکومت کې د بدلون راوستل اصولي بولي او وايي، چې دوی د مشرتابه د امر تابع دي.

شهاب الرین دلاور هم د سرې میاشتې ادارې د مشر په توګه خپله دنده پیل کړه.

هغه ويلي: د اسلامي نظام خدمتونه بايد د ټولو لپاره يو شان وي؛ خو لومړيتوب بايد هغو کسانو ته ورکړ شي، چې ډېر ځورېدلي دي.

په دې وروستیو کې د اسلامي امارت رهبر د اسلامي امارت ۹ مسوولان له خپلو پخوانیو دندو ګوښه او پر نویو دندو وګمارل، چې نن یې دې دوه کسانو پر دندو پیل وکړ.

اوږند خبرونه:

اسلامي امارت د کانونو وزارت او د مرکزي بانک چارسمبالي بدل کړل

                                                                    

Continue Reading

تازه خبرونه

پاکستان له افغانستان سره د ستونزو پر حل ټینګار وکړ

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

Published

on

(Last Updated On: )

د پاکستان د خلکو ګوند مشر بلاول بوټو زرداري د دوشنبې پر ورځ (د چنګاښ اتلسمه) په یوه خبري غونډه کې ویلي، چې د پاکستان او افغانستان تر منځ ستونزې یوازې د ساده ناستو له لارې حل کېدی نشي.

هغه د دواړو هېوادونو پر وړاندې د پېچلو مسايلو د حل لارې موندلو پر اړتیا ټينګار وکړ.

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

 هغه وايي: افغانستان ته په سفر کې د چايو پر څښلو ستونزې نه حل کېږي. ما د بهرنیو چارو د وزیر په توګه د چین، پاکستان او افغانستان ترمنځ د خبرو اترو زمینه برابره کړه. د افغانستان او پاکستان ستونزې د حل وړ دي؛ خو باید وپوهیږو، چې ټولې مسلې د افغانستان تر ادارې لاندې ندي.

ویل کیږي، چې اسلامي امارت له ګاونډ هېوادونو سره ښې اړیکې غواړي او باید د افغانستان او نورو هېوادونو ترمنځ د مثبتو اړیکو، ښو سیاسي اړیکو او د باور فضا زمینه رامنځته شي.

اړوند خبرونه:

د پاکستان لنډمهالي حکومت له نورو سره له مشورې پرته افغان کډوال ایستلي – بلاول بوتو زرداري

اسلام‌آباد باید د افغانانو او ترهګرو ترمنځ توپیر ومني – د پاکستان بهرنیو چارو پخوانی وزیر

Continue Reading

Trending

Copyright © 2022 Ariana News. All rights reserved!