Connect with us

نړۍ

اسرائیل غزې ته د مرستې په رسولو کې خنډونه جوړوي – ملګري ملتونه

خپور شوی

د

(Last Updated On: مرغومی ۲, ۱۴۰۲)

د ملګرو ملتونو امنیت شورا غزې ته د بشري مرستو د زیاتوالي غوښتنه کړې؛ خو د دې ادارې مشر ویلي، چې د اسرائیلو پوځي عملیات په سیمه کې د مرستو د وېش پر وړاندې خنډونه جوړوي.

رویترز راپور ورکړی، چې د امریکا د ویټو د زیانونو د مخنیوي له څو ورځو هڅو وروسته؛ امنیت شورا د جمعې پر ورځ یو پرېکړه لیک تصویب کړ، چې په کې غزې ته پر خوندي، بې خنډه او پراخ بشري لاسرسي او د جګړې د تلپاتې پای ته رسولو شرایطو ټینګار شوی دی.

په پخوانۍ مسوده کې د ۱۱ اوونیزې جګړې د سمدستي پای ته رسولو او پر مرستې رسولو د اسرائیلو د څارنې د کمولو غوښتنه شوې وه، چې امریکا ویټو کړه.

امریکا، چې د اسرائیلو متحده ده؛ په وروستي پرېکړه لیک کې له رایې ورکولو ډډه وکړه.

واشنګټن د اوکټوبر د اوومې له حملې وروسته پر ځلونو د حماس پر ضد په جګړه کې له اسرائیلو دفاع کړې ده. په هغه برید کې حماس ۱۲۰۰ کسان ووژل او ۲۴۰ نور یې ونیول.

په ملګرو ملتونو کې د اسرائیلو استازي ګیلاد اردان ویلي، امنیت شورا باید د بندیانو پر خلاصون ډېر تمرکز کړی وای؛ ځکه، چې د مرستو پر میکانیزم تمرکز نااړین دی او اسرائیل د اړتیا له مخې د مرستو رسولو اجازه ورکوي.

حماس ویلي، چې وروستی پرېکړه لیک د سیمې د اړتیاوو د پوره کولو لپاره “ناکافي” و او د “اسرائیلي تېري” د پای ته رسولو نړیوالې غوښتنې یې له پامه غورځولې دي.

د فلسطیني د برحالې ادارې د بهرنیو چارو وزارت له دې پرېکړه لیک هرکلی کړی او وایي، چې دا ګام د تېري د پای ته رسولو، مرستو او د فلسطین د خلکو له ساتنې سره مرسته کوي.

امریکا او اسرائیلو، چې د حماس د له منځه وړلو هوډ یې کړی؛ د اوربند مخالفت کوي او څرګندوي؛ دا به حماس ته اجازه ورکړي، چې بیا تنظیم او وسله‌وال شي.

د اسرائیلو د ځمکنیو او هوایي بریدونو له زیاتېدو سره د جوبایډن ادارې پر زیاتېدونکيو تلفاتو او بشري بحران نیوکه کړې ده.

د ملګرو ملتونو سرمنشي انتونیو ګوترش ویلي، چې د اسرائیلو عملیاتو په غزه کې د بشري مرستو د وېشلو بهیر له خنډونو سره مخ کړی دی. ملګري ملتونه وايي موجوده مرستې یوازې لس سلنه اړتیاوې پوره کوي.

اسرائيل وايي؛ د جګړې له پيل راپدیخوا ۵۴۰۵ مرستندويه لارۍ، چې خوراکي توکي اوبه او طبي توکي لري غزې ته ننوتلي دي.

د غزې د روغتیا وزارت د تلفاتو وروستي ارقام ښيي، چې د اسرائیلو په بریدونو کې ۲۰۵۷ فلسطینیان وژل شوي او ۵۳۳۲۰ نور ټپیان دي. دې بریدونو د غزې لویه برخه ویجاړه کړې او له ۲ اعشاریه ۳ میلیون وګړو ډېر یې بې ځایه کړي دي.

اسرائيلو ویلي، چې د اکټوبر له شلمې څخه د ځمکنيو عملياتو له پيل راپدیخوا يې ۱۴۰ سرتېري وژل شوي دي.

نړۍ

د اسرائيلو په وړانديز کې د فلسطينيانو غوښتنې له پامه غورځېدلي – حماس

Published

on

(Last Updated On: وری ۲۱, ۱۴۰۳)

حماس د سې شنبې پر سهار ویلي: د اسرائیلو وړاندیز، چې له قطري او مصري منځګړیو څخه ترلاسه شوی؛ په کې د فلسطیني ډلو یوه غوښتنه هم په پام کې نیول شوې نده.

د رویټرز د څرګندونو له مخې؛ د دې ډلې په څرګندونه کې راغلې، چې دوی به هغه وړاندیز مطالعه کړي، چې “بې ځایه” ستایل شوی او منځګړیو ته به خپل ځواب وړاندې کړي.

د حماس یوه چارواکي د دوشنبې پر ورځ رویټرز ته ویلي، چې دې ډلې د قاهرې په خبرو اترو کې د اسرائیلو د اوربند وړاندیز رد کړی او د اسرائیلو لومړي وزیر بنیامین نتنیاهو ویلي، چې د غزې د بې ځایه شویو فلسطینیانو پر وروستي پناه ځای رفح د برید لپاره نېټه ټاکل شوې ده.

اسرائیل او حماس د یکشنبې پر ورځ مصر ته د خبرو لپاره مرکچیان واستول، چې په کې قطري او مصري منځګړي او همدارنګه د CIA مشر ویلیم برنز هم ګډونوال و.

د برنز شتون د اسرائیلو د اصلي متحد امریکا لخوا په غزه کې د یرغمل شويو اسرائیليانو پر خوشې کولو او د شپږ میاشتو جګړو له کبله بې کوره شويو فلسطیني ملکي وګړو ته د مرستې پر ترلاسه کولو د ټینګار ښکارندویي وکړه.

د حماس یوه لوړپوړي چارواکي علي بارکه رویټرز ته ویلي: مونږ د اسرائیلو هغه وروستي وړاندیزونه، چې مصري لوري مونږ ته وړاندې کړي؛ ردوو. نن مو سیاسي دفتر غونډه کړې او دا پرېکړه یې وکړه.

ویل کیږي، چې د حماس یوه بل چارواکي له دې مخکې رویټرز ته ویلي؛ په خبرو کې کوم پرمختګ ندی شوی.

Continue Reading

نړۍ

د موزمبیق په سواحلو کې د کښتۍ د ډوبیدو له کبله له ۹۰ ډېر کسان مړه شول

Published

on

(Last Updated On: وری ۲۰, ۱۴۰۳)

د موزمبیق چارواکو په ډاګه کړې، چې د دې هېواد په شمالي ساحل کې د یوې کښتۍ د ډوبیدو له کبله له ۹۰ ډېر کسان مړه شوي دي.

د فرانسې خبري سرچینې څرګنده کړی: دا کښتۍ، چې د کب نیولو لپاره جوړه شوې وه؛ په کې ۱۳۰ کسان سپاره ول او د نامپولا ولایت ته نږدې یوه ټاپو ته د رسیدو په وخت کې له ستونزو سره مخ شوه.

په نامپولا ولایت کې یوه چارواکي جیمي نټو ویلي: دا، چې کښتۍ له مسافرو ډکه وه او د وړلو لپاره مناسبه هم نه‌وه؛ نو ډوبه شوه او ۹۱ کسانو په کې خپل ژوند له لاسه ورکړ.

هغه زیاته کړې، چې په ټپیانو کې ماشومان هم شته دي.

ژغورونکیو پېنځه پاتې کسان موندلي دي.

جیمي نټو ویلي، چې ډېري مسافرو هڅه کوله، چې د کولرا ناروغۍ په اړه د ناسمو معلوماتو له کبله؛ وتښتي.

د حکومتي څرګندونو له مخې؛ د جنوبي افریقا په بې‌وزله هېواد موزمبیق کې د اکتوبر له میاشتې راپدیخوا د کولرا شاوخوا ۱۵۰۰۰ پېښې ثبت شوي او ۳۲ کسان یې مړه کړي دي.

د دغو پېښو یو پر درېیمه برخه د نامپولا په سیمه کې دي.

 

(AFP)

Continue Reading

نړۍ

په ۲۰۲۴ کال کې د نړۍ د شتمنو کسانو نوملړ خپور شو

Published

on

(Last Updated On: وری ۱۶, ۱۴۰۳)

فوربس خپرونې د ۲۰۲۴ ز. کال د نړۍ د میلیارډرانو وروستی کلنی نوملړ خپور کړ، چې شمېر یې د تېر کال پر پرتله له ۱۴۱ کسانو څخه زیات شوی او دا تر بل هر وخت ډېر شتمن کسان دي.

د دغه نوملړ له مخې په نړۍ کې د میلیاردرانو شمېر ټولټال ۲۷۸۱ کسان دي. د دغو کسانو ټوله شتمني له ۱۴ اعشاریه ۲ ټریلیون ډالرو سره برابره ده، چې د ۲۰۲۳ کال پر پرتله ۲ ټریلیون ډالره زیاته شوې ده.

مخکې له دې د میلیارډرانو شمېر او د هغوی د شتمنیو زیاتوالی ریکارډ ماتونکی و؛ په ۲۰۲۱ کال کې ۲۶ میلیارډران په نوملړ کې راغلي وه او د هغوی ټوله شتمني یو اعشاریه یو ټریلیون ډالره زیاته شوې وه؛ خو ۲۰۲۴ کال دغه ریکارډ مات کړ.

په دې نوملړ کې میلیارډران د پخوا پر پرتله نور هم شتمن شوي او دوه پر درېیمه برخه شتمني یې زیاته شوې ده.

د دې نوملړ له ټولو مخکښو ۲۰ کسانو د تېر کال پر پرتله تر ټولو ډېره مالي ګټه کړې او له ۲۰۲۳ کال راپدیخوا یې په خپلو ټولو شتمنیو کې ۷۰۰ میلیارډ ډالر ګټه ډېره کړې ده.

امریکا هم ۸۱۳ میلیارډران لري، چې په نړۍ کې د میلیارډرانو تر ټولو لوی هېواد دی؛ چین ۴۷۳ میلیارډران او هند ۲۰۰ میلیارډران لري، چې د دغو هېوادونو لپاره نوی ریکارډ دی.

فوربس خپرونې د دغو کسانو د شتمنيو د محاسبې لپاره د ۲۰۲۴ کال د مارچ له اتمې څخه د تبادلې ونډې او  نرخونه کارولي دي.

برنارډ ارنولټ او د هغه کورنۍ د ۲۳۳ میلیارډ ډالرو خالص ارزښت لري، چې د نړۍ ترټولو بډایه خلکو کې شمېرل شوي دي.

 ارنولټ د هولډینګ LVMH رییس دی، چې په فرانسه کې د سینګاري شیانو تولیدوونکي شرکتونه لري. دا کورنۍ معمولا د فوربس خپرونې په نوملړ کې د نړۍ د درې بډایه خلکو تر څنګ وه.

ایلان ماسک، چې یو وخت د نړۍ تر ټولو بډایه شخص و؛ د ۱۹۵ میلیارډ ډالرو پر ارزښت خالصه شتمني لرۍ او په نوملړ کې یې دوه‌یم ځای خپل کړی دی. مسک، د Tesla او SpaceX بنسټ ایښودونکي دی او په ۲۰۲۲ کې یې ټویټر پر ۴۴ میلیارډ ډالرو وپېره او نوم یې هم ایکس ته بدل کړ.

فوربس اټکل کوي، چې ماسک د ټولنیزې شبکې شاوخوا ۷۴ سلنه ونډه لري، چې اوس ارزښت نږدې ۷۰ سلنې ته راکښته شوی دی. د ارزښت دا کمښت او نور عوامل لکه د ټیسلا عاید کمېدا په تېرو دوه کلونو کې د ماسک د شتمنیو خالص ارزښت نور هم کم شوی دی.

د امازون بنسټ ایښودونکی جیف بزوس، چې شتمني یې د ۱۹۵ میلیارډ ډالرو خالص ارزښت لري؛ د نړۍ درېیم شتمن کس دی. له ده وروسته د فیسبوک بنسټګر مارک زوکربرګ دی، چې د ۱۷۷ میلیارډ ډالر شتمني لري.

په دې نوملړ کې نور مشهور نومونه دا دي:

۱۰۰. د فاکس نیوز بنسټ ایښودونکی روپرټ مردوک او کورنۍ یې د ۱۹ اعشاریه ۵ میلیارډ ډالرو شتمني لري.

۱۳۷. د امریکا د فوټبال کلب دالاس کاوبای مشر جیري جونز د ۱۳ اعشاریه ۹ میلیارډ ډالرو شتمني لري.

۱۳۳۰. مشهور سندرغاړی Jay-Z د ۲ اعشاریه ۵ میلیارډ ډالرو ارزښت لري.

۱۸۵۱. د ټولنیزو رسنیو مشهور شخصیت کیم کارداشیان، چې د ۱ اعشاریه ۷ میلیارډ ډالر شتمني لري.

۲۵۴۵. سندرغاړی ټیلر سویفټ د ۱ اعشاریه ۱ میلیارد ډالرو شتمني لري.

د نړۍ د میلیارډرانو په نوملړ کې تر ټولو بډایه ښځه په پېنځلسم ځای کې ده، چې د لوریال د بنسټ ایښودونکي لمسۍ فرانسوا بیټینکورټ مایرز ده، چې د نړۍ له ټولو شتمنې میرمنې په توګه د هغې شتمني ۹۹ اعشاریه ۴ میلیارډ ډالراټکل شوې ده.

له بیټینکورټ وروسته څلور بډایه میرمنې دا دي:

۲۱. د والمارټ پلورنځیو بنسټ ایښودونکې الیس والټن د سیم والټن لور د ۷۲ اعشاریه ۳ میلیارډ ډالر شتمني لري.

۲۳. جولیا کوچ او د هغې درې ماشومان، چې د خپل میړه له مړینې وروسته د کوچ صنعت کې ډېره ونډه ورته په میراث پاتې ده او د ۶۴ اعشاریه ۳ میلیارډ ډالر شتمني لري.

۳۵. د مارس د چاکلیټو او خوراکي توکو د شرکت د درېیمې برخې خاونده جاکولین مارس، چې شتمني یې ۳۸ اعشاریه ۵ میلیارډ ډالره ده.

۴۳. د جیف بیزوس پخوانۍ میرمن مکینزي سکاټ، چې د ۳۵ اعشاریه ۶ میلیارد ډالرو پر خالص ارزښت شتمني لري.

Continue Reading

Trending

Copyright © 2022 Ariana News. All rights reserved!