Connect with us

تازه خبرونه

اسلامي امارت د مطبوعاتو پر آزادۍ باور لري – مجاهد

خپور شوی

د

(Last Updated On: سلواغه ۲۴, ۱۴۰۱)

د اسلامي امارت ویاند څرګنده کړې؛ اوسنی نظام د مطبوعاتو پر آزادۍ باور لري او له هغو رسنیو ملاتړ کوي، چې د اسلامي شریعت او ملي ګټو په چوکات کې د ملي ګټو لپاره خپرونې لري او له پروپاګنده ډډه کوي.

ذبیح الله مجاهد دغه څرګندونې نن (یکشنبه د سلواغې ۲۳ ) د لوړو زده‌کړو وزارت په دیني او علمي سیمینار کې کړې دي.

ذبیح الله مجاهد وایي: که اسلامي اصول، ملي ګټې په نظر کې ونیسو، له افواهاتو ډډه وکړو او ناسمو تبلیغاتو مخه ونیسو؛ نظام په کلکه د مطبوعاتو او رسنیو پلوي دی او که رسنۍ په همدې چوکات کې فعالیت وکړي، کومه ستونزه به نه وي او ملاتړ یې کیږي او دا هېوادنۍ رسنۍ دي.

مجاهد په ډاګه کړې؛ له اسلامي اصولو سره سم مسوولین مکلف دي، چې د خلکو پوښتنې پر ورین تندې ځواب او د هغوی پر وړاندې له سخت دریځه کار وانخلي.

 مجاهد زیاته کړې: د نظام چارواکي دې هم زغم او  صبر ولري؛ نیوکې دې پر ورین تندي او صبر واوري. که رښتیا نه وي؛ باید ځواب ورکړي او که رښتیا وي، باید اصلاحاتو رامنځته کړي. دا له نظام سره د ټولنې همکاري ده. کله، چې دا همکاري د رسنیو لخوا راټوله شي؛ مونږ کولی شو یو پرمختللی او باثباته هېواد ولرو.

نوموړي د خپلو خبرو په يوه بله برخه کې د رسنيو پر بې پریتوب ټينګار وکړ او وايي، چې رسنۍ بايد د دولت او خلکو ترمنځ د پله په توګه کار وکړي، چې پر رسنيو باور زيات شي او واکمنان د خلکو ستونزو ته لاسرسی ومومي.

مجاهد وایي: د رسنیو مسوولیت دا دی، چې د نظام او ولس ترمنځ بې طرفه وي او د هیڅ لوري پر وړاندې دریځ ونه‌نیسي. کله، چې دوی پر نظام نیوکه کوي یا د نظام په اړه کوم اعتراض یا پوښتنه لري؛ باید له درېیمې زاویې یې راپورته کړي او خپله یې پر وړاندې دریځ ونه‌نیسي. خپل ځان پخپله هدف ونه‌ګرزوي. کله، چې رسنۍ درېیم‌ګړی شي، نظام هم پر رسنیو باور کوي.

د اسلامي امارت ویاند همداراز ویلي؛ ملي یووالی او له نړۍ سره د اړیکو ټینګول د افغانستان د ملي ګټو برخه ده او مطبوعات اړ دي، چې په هېواد کې ملي یووالی ټینګ کړي؛ کرکې او نفاق ته اجازه ورنکړي.

هغه په ډاګه کړې، چې رسنۍ د نړۍ په هیڅ ځای کې مطلقه آزادي نه‌لري او د قوانینو تابع دي. افغانستان د اسلامي نظام لرونکی دی او اسلامي نظام هم خپل اخلاقي چوکات لري، چې رسنۍ په کې شاملې دي.

تازه خبرونه

چینايي او امریکايي پانګوالو ته د پانګونې د جلب او جذب بهیر وړاندې شو

Published

on

(Last Updated On: ليندۍ ۹, ۱۴۰۲)

د افغانستان د صنایعو او سوداګرۍ وزارت څرګنده کړې؛ نن (چارشنبه د لیندۍ ۸ نېټه ) له چینايي او امریکايي پانګوالو سره یوه غونډه جوړه شوه، چې په کې په افغانستان کې د ترانزیتي پانګونې د جلب او جذب بهیر دغو پانګوالو ته تشریح شو.

د سوداګرۍ او صنایعو وزارت د پانګونې رییس صبغت‌الله اخوندزاده ویلي: په افغانستان کې عمومي امنیت برابر شوی او پانګوال کولی شي په دې هېواد کې اسانه پانګونه وکړي.

دغه وزارت زیاته کړې، ورپسې د صنعت او سوداګرۍ وزارت د پانګونې ریاست په هېواد کې د پانګونې د جلب او جذب د بهیر په اړه پریزنتیشن وړاندې شو او په افغانستان کې د پانګونې فرصتونه او شته پروژې یې له هغوی سره شریکې کړې.

په پای کې د چینایي او امریکايي پانګوالو تخنیکي پوښتنو ته، چې غوښتل یې په انرژۍ، کانونو او ساختماني برخو کې پانګونه وکړي؛ ځواب ورکړ شو.

Continue Reading

تازه خبرونه

د منځنۍ آسیا هېوادونه دې د افغانستان په اړه همکاري زیاته کړي – قرغزستان

Published

on

(Last Updated On: ليندۍ ۸, ۱۴۰۲)

د قرغزستان بهرنیو چارو وزیر د منځنۍ آسیا له هېوادونو وغوښتل، چې د افغانستان په اړه همکاري او همغږي زیاته کړي.

د منځنۍ آسیا د هېوادونو د بهرنیو چارو وزیرانو په کلنۍ غونډه کې د قرغزیستان د بهرنیو چارو وزیر جنبیک کولوبایف ویلي، چې په افغانستان کې سوله او ثبات د سیمې د امنیت او سوکالۍ لپاره اړین دي.

د قرغزستان د بهرنیو چارو وزارت د خبرپاڼې پر بنسټ، کولوبایف د دې ناستې پر مهال په افغانستان کې د یوناما له فعالیتونو ملاتړ څرګند کړ.

په دې غونډه کې، چې د دوشنبې او سې شنبې پر ورځو د قرغزستان په پلازمېنه بشکیک کې جوړه شوې وه؛ د اسلامي امارت هیڅ چارواکي ګډون نه درلود، خو د یوناما مشرې روزا اوتونبایوا په کې ګډون وکړ او په افغانستان کې یې د یوناما د فعالیتونو په اړه معلومات وړاندې کړل.

Continue Reading

تازه خبرونه

د واخان د ورېښمو تاریخي لارې د جوړېدو عملي کار پيل شو- ذبیح الله مجاهد

Published

on

(Last Updated On: ليندۍ ۸, ۱۴۰۲)

د اسلامي امارت ویاند ذبیح الله وايي، چې له نړۍ او په ځانګړي توګه له چین سره د افغانستان د اقتصادي اړیکو د پراختیا لپاره د بدخشان د واخان د ورېښمو لارې د جوړولو کار پیل شوی او چارې یې چټکې روانې دي.

ذبیح الله مجاهد زیاته کړې؛ د اسلامي امارت مشرتابه د هېواد د اقتصادي اړیکو د پراختیا په لاره کې مهم ګامونه اخیستي او هڅه کوي، چې بېلابېلې ترانزیتي لارې پیدا کړي.

د مجاهد د څرګندونو له مخې؛ د دغه سړک له جوړېدو سره به د افغانستان سوداګريزې اړيکې نورې هم پراخې شي.

ذبیح الله مجاهد وایي؛ د چین پولې ته د واخان سړک مساحت پر غالب ګومان ۶۰ کیلومتره دی. همدا اوس هلته د ملي دفاع او ټولګټو چارو وزارت ماشینونه شته او ترې کار اخیستل کېږي.

نوموړي ویلي؛ د واخان دلاري جوړول د افغانستان اسلامي امارت په ستراتیزیکو پروژو کې شامله ده او په واخان مسیر کار هم روان دی له دې پرته د اسلامي امارت رهبرۍ د چابهار پر مسیر هم کار پیل کړی. مونږ هڅه کوو، چې د سیمې او ګاونډ پر کچه د خپلو اقتصادي اړیکو د پراختیا لپاره اقدامت نور هم پراخ کړو.

دغه راز د سوداګرۍ خونې مسوولینو په یوه خبره ناسته کې د اسلامي امارت له مشرتابه غوښتي؛ د واخان لار ژر تر ژره د اقتصادي راکړې ورکړې لپاره برابره کړي، چې د پاکستان اقتصادي انحصار څخه وژغورل شي.

د سوداګرۍ او پانګوني خونې غړی عبید الله څرګنده کړې؛ چین د افغانستان له مهمو اقتصادي شریکانو څخه دی او له کابل څخه تر صفري ټکي ۱۰۰۰ کیلومتره واټن لرو. له اسلامي امارته هیله کوو، چې مونږ ته دورېښمو تاریخي مسیر بېرته پرانزي.

د سوداګرۍ او پانګوني خونې غړی شیرین آقا سخي ویلي؛ د اسلامي امارت له رهبرۍ هیله لرو، چې مونږ د بدخشان له لارې چین سره ونښلوي، چې افغان سوداګر د ګاونډ هېوادونو له مکرر ظلمه  خلاص شو. مونږ چین ته هم صادارت او هم واردات لرو.

په ورته وخت کې بیا اقتصادي شنونکي د افغانستان سوداګرۍ او ترانزیت لپاره د واخان لار تر ټولو مهمه او اړینه بولي.

د اقتصادي چارو کار پوهانو ويلي که له دې مسیر څخه افغانستان له چین  سره ترانزیت پیل کړي؛ نو له دې سره به پر افغانستان او چین سربېره د سیمې د نورو هېوادونو ترمنځ اقتصادي اړیکې پیاوړې او غښتلې شي.

د یادونې ده، چې د واخان مسیر تاریخي ارزښت لري او له دې لارې د افغانستان او چین ترمنځ اقتصادي اړیکې پالل شوې دي.

Continue Reading

Trending

Copyright © 2022 Ariana News. All rights reserved!