Connect with us

تازه خبرونه

اسلامي امارت له افغان رسنیو سره د مالي ملاتړ هڅې پیل کړې

Published

 on

(Last Updated On: کب ۱۶, ۱۴۰۰)

د اسلامي امارت څرګنده کړی؛ دولت له هغو رسنیو سره، چې د اقتصادي ستونزو له کبله یې خپل فعالیت درولی د مالي همکارو په لټه کې دی.

د اسلامي امارت ویاند ذبیح الله مجاهد ويلي؛ دولت له هغو رسنیو سره، چې د اقتصادي ستونزو له کبله یې خپلې هڅې درولی، همکاري کوي.

 د مجاهد په دې اړه د بهرنیو مرستو د راجلبولو هڅې پیل کړي او وایي، چې دولت په دې برخه کې د نړیوالې ټولنې ژمنې هم ترلاسه کړي دي.

سربېره پر دې د اطلاعاتو او فرهنګ وزارت هم هیله څرګنده کړې، چې راتلونکی کال به په هېواد کې د کارونو او د بیارغونې د پیل کال وي او ځینو خصوصي رسنیو ته به د سوداګریزو اعلانونو زمینه هم برابره شي.

د افغانستان د ژورنالیستانو د ملي ټولنې د رسنیو برخې مسوول مسرور لطفي له دولت او مرستندویه بنسټونو غواړي، چې د افغانستان له رسنیزې برخې سره مرسته وکړي، څو دا لاسته راوړنه خوندي پاتې شي.

یوشمېر خبریالان بیا پر رسنیو د لګېدلیو محدودیتونو د لرې کېدو غوښتنه کوي او له اسلامي امارته غواړي، چې د امکان تر حده رسنیو لپاره اطلاعاتو ته د لاسرسي زمینه برابره کړي.

خبریال امیر حسین عطریان وایي؛ د اسلامي امارت له ملاتړ پرته مرستندویه بنستونه له رسنیو سره مرستې نکوي او یا خپلې مرستې حکومت ته نه سپاري.

دا په داسې حال کې ده، چې پر کابل د اسلامي امارت له بیا واکمنېدو وروسته د رسنیو ډېريو کارکوونکیو د اقتصادي ستونزو له کبله خپلې دندې له لاسه ورکړي او په وروستیو دوه اوونیو کې دوه راډیوي شبکو هم خپل فعالیت درولی دی.

تازه خبرونه

Mysterious fires destroy dozens of homes in Jowzjan

Published

on

(Last Updated On: زمری ۲۱, ۱۴۰۱)

More than 50 homes have been destroyed by mysterious fires in a village in Afghanistan’s northern Jowzjan province, officials said this week.

The fires have happened in Bala Mardian village of Faizabad district.

Sirajuddin Ahmadi, police chief of Jowzjan, said that the fires are increasing day by day.

“Yesterday 12 homes caught fire. Today people held Khatm Qur’an ceremony (reading Qur’an) and prayed. Within an hour today, three or four homes caught fire. I hope officials and leaders of the Islamic Emirate of Afghanistan (IEA) will pay special attention to the victims,” Ahmadi said.

There are no reports of deaths caused by the fires.

Noorullah Musafir, the provincial director of labor and social affairs, however, said that some people including women and children were hospitalized.

Meanwhile, local residents said that mysterious creatures could be seen during the fires.

“People are suffering from the problem. They initially thought that it was human, but later it was found that only children and women can see it. A creature is seen in the home, but when we enter the home, no one is there,” a Jowzjan resident said.

Continue Reading

تازه خبرونه

د پیسو د چاپ پر تخنیکي هوکړې کار روان دی- د افغانستان بانک

Published

on

(Last Updated On: زمری ۲۲, ۱۴۰۱)

د افغانستان بانک چارواکو ويلي؛ د نویو بانک نوټونو د چاپ لپاره د یو شمېر هېوادونو او د پیسو د چاپ له دفترونو سره تخنیکي هوکړې ته رسېدلي دي.

د افغانستان بانک مسوولینو د دولتي چارواکو د حساب ورکولو په بهیر کې په ډاګه کړې؛ د افغانۍ د ارزښت د ثبات ساتل، د سوداګریزو بانکونو د فعالیتونو ساتل او دوام، د بانکي خدمتونو وړاندې کول، د بهرنیو راکړو ورکړو آسانتیاوې او د نویو سیستمونو رامنځته کول په تېر کال کې د افغانستان بانک لاسته راوړنې دي.

د افغانستان بانک مشر عبدالقاهر څرګنده کړې؛ د افغانیو د ارزښت د ثبات ساتل، د سوداګریزو بانکونو د پایښت ساتل، د بانکي خدمتونو وړاندې کول، د پولو له لارې د راکړې ورکړې آسانتیا او د نویو سیستمونو رامنځته کول هغه مسایل دي، چې د افغانستان بانک په تېر کال کې ورته پاملرنه کړې ده.

د دغه بانک چارواکي وايي؛ دوی د مندرس او سولیدليو بانکنوټونه راټول او له منځه وړي او د یو شمېر هېوادونو سره د بانک نوټونو او پیسو د چاپولو تخنیکي هوکړې ته رسیدلي دي.

د افغانستان بانک ستر سلاکار لطف الحق نور پسرلی وایي: مونږ زړې پیسې راټولې او وسوځولې، مونږ د پیسو چاپولو له دفترونو او هېوادونو سره هوکړې ته ورسیدو. مونږ هیله من، چې له پلان سره سم پرمخ ولاړ شو او تاسې ته یې پایلې درکړو. مونږ د ملي ګټو پر بنسټ پرمخ ځو او خبرې کوو. هېوادونه او بانکونه له افغانستان سره مرسته کوي.

د دې بانک مسوولینو ويلي، چې د افغانستان د اسعارو د زېرمو د خلاصون لپاره  له اړوند خواوو سره څو کورنۍ او بهرنۍ ناستې شوي او پر تخنیکي مسایلو یې بحثونه کړي دي.

د دغو چارواکو د څرګندونو له مخې، د بانکدارۍ سکتور د ښه والي او د جرمي فعالیتونو د مخنیوي لپاره د ترهګرۍ د تمویل د مخنیوي قانون، د پیسو وینځلو د مخنیوي د اقداماتو تنظیم، د بانکدارۍ سکتور د ستونزې د اوارۍ لپاره د پلان مدیریت او د بانکي سکتور د بیا ژوندي کولو پلان جوړ شوی او د مالي او بانکي سکتور او د بحران د مدیریت پالیسي جوړې شوي او د عملي کیدو په حال کې دي.

دا په داسې حال کې ده، چې د نوبل جایزې ګټونکي په ګډون له اویا يېرو اقتصادي کارپوهانو د امریکا ولسمشر جوبایدن او د دغه هېواد د خزانې وزیر جینت ییلن ته لیک استولی او د افغانستان د اسعارو د زېرمو د خلاصون غوښتنه یې کړې ده.

Continue Reading

تازه خبرونه

زه اوس هم د افغانستان ولسمشر یم

Published

on

(Last Updated On: زمری ۲۰, ۱۴۰۱)

د افغانستان پخواني ولسمشر اشرف غني، چې تېر کال یې د اګست پر ۱۵ له هېواده تېښته کړې؛ په خپلې لومړۍ تلویزیوني مرکه کې وایي: د هېواد د اساسي قانون له مخې اوس هم د هېواد ولسمشر یم.

په راتلونکیو څو ورځو کې د افغانستان د جمهوري نظام د سقوط او له هېواده د پخواني ولسمشر اشرف غني د تېښتې یو کال پوره کېږي.

اشرف غني د جمهوري نظام له سقوط وروسته په خپله لومړنۍ تلویزیوني مرکه کې، چې له A.B.N تلویزیون سره یې کړې؛ ادعا کوي، چې د اساسي قانون له مخې اوس هم د افغانستان ولسمشر ګڼل کېږي او تر هغې، چې د هېواد وګړي په قانوني بڼه بل څوک د ولسمشر په توګه و نه ټاکي، نو پخپل ځای به پاتې وي.

هغه وایي: زه د اساسي قانو پر بنسټ ولسمشر یم او تر هغې، چې د افغانستان خلک په قانوني بڼه بل څوک ونه ټاکي؛ زه ولسمشر یم.

اشرف غني د دې پوښتنې په ځواب کې، چې ولې له افغانستان څخه وتښتېد وايي؛ هغه وروستی کس و، چې له افغانستان څخه ووت. د هغه په خبره؛ دا کار یې، ځکه وکړ، چې د داکتر نجيب الله له برخلیک سره مخ نشي.

هغه زیاته کړې، چې له ده مخکې د ملي دفاع وزير په ګډون د کابينې ډېر غړي له افغانستان څخه تښتېدلي وه.

اشرف غني وایي: زه وروستی کس وم، چې له هېواده ووتم او دا هم د دې لپاره، چې د افغانستان د ولسمشر داکتر نجیب ترخه تجربه تکرار نشي.

دغه راز نوموړي زیاته کړې؛ د نظام په سقوط کې ټولو سیاستوالو ونډه درلوده.

هغه د ملي پخلاینې شورا پخوانی مشر عبدالله عبدالله د جمهوريت د ړنګېدو مسوول بولي او پر زلمی خلیلزاد هم نیوکې کوي.

نوموړی په دې اړه وایي: داکتر عبدالله د جمهوریت د نه ټینګښت مسوول دی. په ځانګړي توګه په وروستیو اووه کلونو کې. دوه یم دا، چې د افغانستان د سولې شورا مسوول وې؛ کوم ګام دې پورته کړ؛ د کاغذ پر مخ دې کومه طرحه وړاندې کړه او یا په عمل کې کله ، چې دوحې ته په ځانګړې الوتکه کې ولاړې او د اختر پر ورځ بېرته راغلې؛ ماته دې وویل، چې طالبان هیځ راز حرکت ته چمتو ندي.

د هېواد یو شمېر وګړي د اشرف غني دغه خبرې د شرم وړ بولي او وايي، چې د اوسنیو ټولو اقتصادي بدمرغیو لامل له افغانستان څخه د اشرف غني وتل دي.

د هېواد یو شمېر نور وګړي بیا وایي؛ اشرف غني د بښنې پر ځای بې ګټې خبرې وکړې، ځکه د ده تېښته د حکومت د سقوط لامل شوه، امنیتي بنسټونه له ماتې سره مخ شول او د نجونو ښوونځي اوس هم تړلي دي.

دوی د اوکراین له ولسمشر زیلینسکي سره د ده د پرتلې په اړه وايي، هغه د یو موټي ولس ولسمشر دی او امر يې د هېواد ټول امنیتي ځواکونه مني.

دا په داسې حال کې ده، چې له افغانستان څخه د اشرف غني له وتلو وروسته د هغه لومړي مرستیال امرالله صالح د افغانستان د اساسي قانون له مخې ځان د ولسمشرۍ مشروع سرپرست اعلان کړی دی.

Continue Reading

Trending

Copyright © 2022 Ariana News. All rights reserved!