تازه خبرونه
اسلامي امارت په بهرنیو بنسټونو کې د ښځو کاري دستورالعمل وروستي کېدو ته نږدې کړی

د ناروې د کډوالو شورا مشر یان اګلاند ویلي؛ د اسلامي امارت لوړپوړیو مشرانو ورته ویلي، چې داسې یو دستورالعمل د وروستي کېدو په حال کې دی، چې ښځې به بیا په نادولتي ټولنو او بنسټونو کې بېرته د کارکولو جوګه کړي.
اسلامي امارت دا موضوع نه رد کړې او نه یې تائید کړې؛ خو د ناروې د کډوالو شورا مشر وايي، چې اسلامي امارت په دې اړه د یو لارښود پر وروستي کولو کار کوي.
هغه په دې وروستیو کې د افغانستان کندهار ولایت ته سفر کړی او د اسلامي امارت له یو شمېر لوړ پوړیو چارواکو سره یې لیدلي.
یان اګلاند څرګنده کړې: په کندهار کې هر ډول پرېکړه به ملي اغېزه ولري. د ښځو د کار لپاره لارښوونې هم وروستي کیدو ته نږدې دي. دا هغه څه دي، چې ما ته ويل شوي؛ خو په دې اړه هیڅ مهالوېش نهدى ورکړ شوى او نه هم په دې اړه نور جزئيات شته. شاید پهدې لارښود کې د حجاب، د کار د ځای، د جنسیت جلا کول او د سفر په وخت د محرم موضوعات شامل وي.
د ناروې د کډوالو شورا رییس خبرداری ورکوي، چې که ښځې او نجونې د کار او زدهکړو اجازه ونلري، د ناروې د کډوالو شورا به د افغانستان لپاره خپله ۴۰ سلنه بودیجه له لاسه ورکړي.
هغه په دې اړه په ډاګه کړې: په داسې حال کې، چې د ناتو غړي هېوادونه او امریکا د اوکراین په جګړه کې میلیاردونه ډالر لګوي او له دغه هېواد سره د میلیاردونو دالرو د مرستې ژمنې کېږي؛ افغانستان باید له پامه ونه غورزوي، ځکه له بېوزلو سره مرستې ته اړتیا ده. افغان چارواکو ته هم وايم، چې په چلند او تګلارې کې بدلون به افغانستان ته د میلیاردونو ډالرو د لیږد زمینه برابره کړي.
افغان کارپوهانو ویلي؛ که ملي ګټې پرې نه زیانمنیږي، باید له نړیوالې ټولنې سره ګډ کار وشي.
د ناروې د کډوالو شورا په افغانستان کې له ۱۵۰۰ کارکوونکیو څخه ۲۲۰ له دندو ګوښه کړي او پېنځه دفترونه یې تړلي دي.
تازه خبرونه
په هرات کې د ټاپي نللیکې ۱۴ کیلومټره کار بشپړ شو – عبدالله یوف
د هرات والي دفتر نن (پنجشنبه) په یوه رسنیزه خبرپاڼه کې څرګنده کړې، چې عبدالله یوف د ټاپي پروژې د پرمختګ په اړه یو لنډ راپور له والي اسلام جار سره شریک کړ.

په افغانستان کې د ټاپي پروژې مشر بګنج عبدالله یوف د هرات له والي نور احمد اسلام جار سره وکتل او په دې ولایت کې یې د نللیکې د غځولو د بهیر له چټکتیا خبر ورکړ.
د هرات والي دفتر نن (پنجشنبه) په یوه رسنیزه خبرپاڼه کې څرګنده کړې، چې عبدالله یوف د ټاپي پروژې د پرمختګ په اړه یو لنډ راپور له والي اسلام جار سره شریک کړ.
د یادې خبرپاڼې له مخې، د ټاپي پروژې مشر د اړینو آسانتیاوو په برابرولو کې د دې ادارې له همکارۍ ستاینه وکړه او اعلان یې وکړ، چې د ۱۴ کیلومټره پایپ ایښودلو کار بشپړ شوی او سربېره پردې د پروژې ۲۴ کیلومټره لار هم پخه شوې ده.
په دې غونډه کې د هرات والي هم د دې پروژې د کار د پرمختګ په برخه کې د ټاپي پروژې د چارواکو له هڅو هرکلی وکړ او په افغانستان کې یې د ټاپي پروژې مشر ته د کار د چټک پرمختګ لپاره د اړینو اسانتیاوو په برابرولو کې د سیمهییزې ادارې له بشپړې همکارۍ ډاډ ورکړ.
تازه خبرونه
طارق علي بخیت د افغانستان په اړه له جاپاني چارواکو سره وکتل
د اسلامي همکاریو ټولنې په یوه رسنیزه خبرپاڼه کې ویلي، چې په دې ناسته کې په ټولیزه توګه د افغانستان پر اوسني وضعیت راوڅرخېدل او د دې ټولنې او جاپان ترمنځ یې د بشري همکاریو د زیاتولو لارې چارې وارزول شوې.

د افغانستان د چارو لپاره د اسلامي همکاریو ټولنې ځانګړي استازي طارق علي بخیت د افغانستان په اړه د جاپان د بهرنیو چارو وزارت د مرستیال کامډا ماسایوکي پر مشرۍ له جاپاني پلاوي سره خبرې اترې کړې دي.
د اسلامي همکاریو ټولنې په یوه رسنیزه خبرپاڼه کې ویلي، چې په دې ناسته کې په ټولیزه توګه د افغانستان پر اوسني وضعیت راوڅرخېدل او د دې ټولنې او جاپان ترمنځ یې د بشري همکاریو د زیاتولو لارې چارې وارزول شوې.
د دې خبرپاڼې له مخې؛ دواړو خواوو د افغانانو د بېړنیو اړتیاوو د پوره کولو لپاره د پرلهپسې همکارۍ پر اړتیا ټینګار وکړ.
په دې رسنیزې خبرپانه کې راغلي، چې په جده کې د جاپان جنرال قونسل او د هغه مرستیال هم په پلاوي کې برخه لرله.
دا په داسې حال کې ده، چې دا ناسته د سعودي عربستان په جده ښار کې د افغانستان د چارو لپاره د اسلامي همکاریو ټولنې د ځانګړي استازي په دفتر کې شوې ده.
تازه خبرونه
افغان بېسیم د ننګرهار په کوزکوڼر ولسوالۍ کې یو نوی سایټ فعال کړ
د افغان بېسیم چارواکو د څرګندونو له مخې؛ د دې سایټ پر جوړولو زرګونو کورنیو مخابراتي او انټرنیټي خدماتو ته لاسرسی موندلی دی.

د افغان بېسیم مخابراتي شرکت چارواکو ويلي، چې د ننګرهار ولایت په کوزکوڼر ولسوالۍ کې یې یو نوی سایټ فعال کړی دی.
د افغان بېسیم چارواکو د څرګندونو له مخې؛ د دې سایټ پر جوړولو زرګونو کورنیو مخابراتي او انټرنیټي خدماتو ته لاسرسی موندلی دی.
دوی زیاته کړې، چې افغان بېسیم به ډېر ژر په دې سیمو کې د ۴جي 4G انټرنیټي خدمتونه هم فعال کړي.
دغه راز د ننګرهار مخابراتو او معلوماتي ټکنالوژۍ ریاست چارواکو ويلي، چې د دې ولایت لرې پرتو سیمو ته د مخابراتي خدمتونو د غځولو لپاره هڅې روانې دي.
له بلې خوا په ننګرهار کې د اټرا ادارې مشر رحیم الله شینواري ویلي، چې د افغان بېسیم د نوي سایټ له فعالیدو سره به ۲۵ زره کورنیو ته مخابراتي او انټرنیټي خدمتونه وړاندې شي.
د کوزکوڼر ولسوالۍ اوسېدونکو د مخابراتي او انټرنیټي خدمتونو ته د لاسرسي له کبله خپله خوښي څرګنده کړې او په ننګرهار کې یې د مخابراتي خدمتونو د نورې پراختیا غوښتنه کړې ده.
دا په داسې حال کې ده، چې په دې وروستیو کلونو کې د افغان بېسیم مخابراتي شبکې خپل مخابراتي او انټرنیټي خدمتونه د هېواد ډېرو لرې پرتو سیمو ته غځولي دي.
-
تازه خبرونه3 days ago
آریانا هوايي شرکت چین ته د اوونیزو الوتنو له زیاتېدا خبر ورکړ
-
سیمه ییز خبرونه5 days ago
د ایران او امریکا له خبرو اترو وروسته د عمان سلطان مسکو ته سفر کوي
-
تازه خبرونه2 days ago
د افغانستان لپاره د امریکا نوې استازې یوه افغانيالاصله میرمن غوره شوه
-
سیمه ییز خبرونه2 days ago
په هندي کشمیر کې وسلوالو له ۲۰ ډېر سیلانیان ووژل
-
لوبی1 day ago
د افغانستان الف کرکټ لوبډلې د سریلانکا پر وړاندې ماتې وخوړه
-
تازه خبرونه4 days ago
پاکستان له ۲۰۲۳ کال راپدېخوا نږدې یومیلیون افغان کډوال جبري ایستلي
-
نړۍ5 days ago
په ټوله امریکا کې زرګونو لاریون کوونکو د ټرمپ پر ضد لاریون وکړ
-
تازه خبرونه2 days ago
په روسیه کې د افغانستان محصولات نندارې ته وړاندې کېږي