تازه خبرونه
اسلامي امارت په کابل کې سفارتي کچې ته د هند له ماموریت لوړولو هرکلی وکړ
له هندو ورځپاڼې سره په مرکه کې سهیل شاهین ویلي؛ “دا د دوه اړخیزو اړیکو د عادي کولو، د باور جوړولو، سوداګرۍ او همکارۍ پراخولو او په سیمهییزه سوله کې د رغنده رول لوبولو لپاره یو ښه ګام دی. زه له دې پرېکړې هرکلی کوم او هیله من یم، چې د افغانستان او هند ترمنځ ښې اړیکې به پراخې شي.”
په قطر کې د افغانستان اسلامي امارت سفیر سهیل شاهین د هند له دې پرېکړې، چې خپل تخنیکي مامریت یې د سفارت کچې ته لوړ کړ؛ هرکلی کړی او دا یې “د سیمهییزې سولې او همکارۍ پر لور یو ګام” وباله.
له هندو ورځپاڼې سره په مرکه کې سهیل شاهین ویلي؛ “دا د دوه اړخیزو اړیکو د عادي کولو، د باور جوړولو، سوداګرۍ او همکارۍ پراخولو او په سیمهییزه سوله کې د رغنده رول لوبولو لپاره یو ښه ګام دی. زه له دې پرېکړې هرکلی کوم او هیله من یم، چې د افغانستان او هند ترمنځ ښې اړیکې به پراخې شي.”
شاهین، چې اوسمهال په قطر کې د افغانستان د سفیر په توګه دنده ترسره کوي؛ دا پرېکړه یې د دواړو هېوادونو ترمنځ په بېلابېلو برخو کې د اړیکو لپاره “لازمه او اړینه” وبلله.
د اسلامي امارت بهرنیو چارو وزیر امیر خان متقي او هندي چارواکو ترمنځ د وروستیو هوکړو پر بنسټ نوي ډیلي د سېشنبې پر ورځ (د تلې نههیشتمه / د اوکټوبر یوویشتمه) له کابل سره خپلې رسمي ډیپلوماټیکې اړیکې بیا پیل کړې او خپل تخنیکي ماموریت یې د سفارت کچې ته لوړ کړ.
د هند بهرنیو چارو وزارت د خبرپاڼې له مخې؛ “سفارت به د افغانستان په هر اړخیزه پراختیا، بشري مرستو او ظرفیت لوړولو پروګرامونو کې ډېر اغېزمن رول ولوبوي.”
هند د ۲۰۲۱ کال په زمري / اګست کې د پخواني حکومت له نسکورېدو وروسته په مزار شریف، جلالآباد، کندهار او هرات کې خپلې قونسلګرۍ وتړلې؛ خو د ۲۰۲۲ کال په جون کې یې کابل ته یو تخنیکي ماموریت راواستاوه، چې بشري مرستې او قونسلي چارې آسانه کړي.
د نوي ډیلي دا نوې هڅه د افغانستان او هند په اړیکو کې د نوي پًړاو د پیل په توګه لیدل کیږي؛ هغه اړیکې، چې له تېرو دوه لسیزو راپدېخوا د تعلیمي، پراختیایي او کلتوري همکاریو پر بنسټ ولاړې دي.
دا په داسې حال کې ده، چې قطر هم مردف القاشوطي د افغانستان لپاره د خپل هېواد ځانګړی سفیر ټاکلی دی.
تازه خبرونه
له ۲۰۰ ډېر له بنده خوشې شوي کډوال هېواد ته راستانه شول
د کندهار او نیمروز ولایتونو د کډوالو چارو ریاستونو د بیا میشتېدنې ریاستونو د څرګندونو له مخې؛ ۲۲۴ کسان په پاکستان کې له دوه میاشتو بند تېرولو وروسته د سپین بولدک له لارې او ۴ نور هېوادوال په عراق کې د درې میاشتو بند له تېرولو وروسته د نیمروز له لارې خپل هېواد ته راستانه شوي دي.
د کډوالو او راستنېدونکو چارو وزارت ویلي؛ په روانه اوونۍ کې ۲۲۸ افغان کډوال، چې په عراق او پاکستان کې بندیان ول؛ خوشې شوي او افغانستان ته راستانه شوي دي.
د کندهار او نیمروز ولایتونو د کډوالو چارو ریاستونو د بیا میشتېدنې ریاستونو د څرګندونو له مخې؛ ۲۲۴ کسان په پاکستان کې له دوه میاشتو بند تېرولو وروسته د سپین بولدک له لارې او ۴ نور هېوادوال په عراق کې د درې میاشتو بند له تېرولو وروسته د نیمروز له لارې خپل هېواد ته راستانه شوي دي.
یاد کسان د سپین بولډک او نیمروز د بیا میشتیدنې ریاستونو له نوملیکنې او د وزارت همکارو ادارو څخه د مرستې ترلاسه کولو وروسته خپلو اصلي ځایونو ته ولېږدول شول.
تازه خبرونه
په افغانستان کې ټولګډونه حکومت جوړول د جګړې د مخنیوي لپاره اړین دي – ایران
ایرواني د چارشنبې پر ورځ( د لیندۍ نولسمه / د ډسمبر لسمه ) د ملګرو ملتونو د امنیت شورا په غونډه کې «په افغانستان کې وضعیت» تر سرلیک لاندې وینا کې ویلي: « د داسې یو ټولګډونه حکومت جوړول، چې رښتیا هم د خلکو استازیتوب وکړي؛ د تلپاتې سولې او ثبات، د جګړې د بیا راڅرګندېدو او د پراخو کډوالو د بهیر د مخنیوي، امنیتي تضمین، اقتصادي پرمختګ او د بشري حقونو په ځانګړي توګه د ښځو او نجونو د حقونو د درناوي لپاره اړین دي.»
په ملګرو ملتونو کې د ایران استازی امیر سعید ایرواني ويلي؛ په افغانستان کې د ټولو خلکو استازیتوب کوونکي حکومت جوړول د دې لپاره اړین دي، چې جګړه بیا رامنځته نشي.
ایرواني د چارشنبې پر ورځ( د لیندۍ نولسمه / د ډسمبر لسمه ) د ملګرو ملتونو د امنیت شورا په غونډه کې «په افغانستان کې وضعیت» تر سرلیک لاندې وینا کې ویلي: « د داسې یو ټولګډونه حکومت جوړول، چې رښتیا هم د خلکو استازیتوب وکړي؛ د تلپاتې سولې او ثبات، د جګړې د بیا راڅرګندېدو او د پراخو کډوالو د بهیر د مخنیوي، امنیتي تضمین، اقتصادي پرمختګ او د بشري حقونو په ځانګړي توګه د ښځو او نجونو د حقونو د درناوي لپاره اړین دي.»
دغه ایراني ډیپلومات همداراز ټینګار کړی؛ له اوسنیو افغان چارواکو سره د هغو بشري او اقتصادي بحرانونو د حل لپاره معنا لرونکې خبرې او عملي تعامل اړین دی، چې د افغانستان او سیمې ثبات ګواښي.
نوموړي زیاته کړې: بشري مرستې باید هیڅکله سیاسي نشي، بندیزونه باید د اقتصادي ثبات یا پراختیا پر وړاندې خنډ جوړ نکړي او د افغانستان هغه ملي شتمني، چې په بهر کې کنګل شوې باید ژر تر ژره آزادې او د افغانانو بېړنۍ اړتیاوې پوره شي.
ایراني استازي د افغان نجونو او ښځو پر وضعیت هم اندېښنه ښودلې او له اسلامي امارت څخه یې وغوښتل، چې پر هغو لګېدلي محدودیتونه لرې کړي.
ایرواني همداراز د افغانستان او پاکستان ترمنځ د وروستیو امنیتي پېښو په اړه اندېښنه څرګنده کړې او څرګندوي؛ د ایران امنیت د دواړو ګاونډیانو له امنیت سره په نه بېلېدونکي توګه تړلی دی.
هغه ویلي: «د افغانستان خاوره باید د ترهګرۍ یا د ګاونډ هېوادونو پر ضد د تاوتریخوالي پر مرکز بدله نشي او واکمن چارواکي باید د ترهګرو ډلو له هر ډول ملاتړ د مخنیوي بشپړ مسوولیت پر غاړه واخلي.»
دا په داسې حال کې ده، چې اسلامي امارت د افغانستان اوسنی حکومت ټولګډونه بولي او وايي، چې د ښځو او نجونو حقونه د شریعت له مخې رعایتېږي او اجازه نهورکوي، چې د افغانستان خاوره د نورو هېوادونو پر ضد وکارول شي.
تازه خبرونه
د افغانستان علماوو له هېواد او شرعي نظام څخه د دفاع فرضیت اعلان کړ
د هغه پرېکړه لیک له مخې، چې آریانا نیوز ترلاسه کړی راغلي؛ تېره ورځ په کابل پوهنتون کې د هېواد له زر ډېرو عالمانو او مشایخو د افغانستان د حریم د نقض په غبرګون کې یو پرېکړه لیک وړاندې کړ، چې په کې راغلي؛ له خپلو حقونو، ارزښتونو او شرعي نظام دفاع فرض عین ده او د تېري پر وړاندې دفاع مقدس جهاد دی.
د افغانستان د ټولو ولایتونو یو شمېر علماوو د اسلامي نظام د دفاع او حريم د ساتنې په اړه د خپلې ناستې پرېکړه اعلان کړې ده.
د هغه پرېکړه لیک له مخې، چې آریانا نیوز ترلاسه کړی راغلي؛ تېره ورځ په کابل پوهنتون کې د هېواد له زر ډېرو عالمانو او مشایخو د افغانستان د حریم د نقض په غبرګون کې یو پرېکړه لیک وړاندې کړ، چې په کې راغلي؛ له خپلو حقونو، ارزښتونو او شرعي نظام دفاع فرض عین ده او د تېري پر وړاندې دفاع مقدس جهاد دی.
په دې پرېکړه لیک کې ټينګار شوي؛ هیچاته به اجازه ورنکړ شي، چې د افغانستان خاوره د نورو هېوادونو پر ضد وکارول شي او که څوک دغې پرېکړې ته پاملرنه نهکوي؛ اسلامي امارت حق لري، چې پر وړاندې یې تصمیم ونیسي.
د عالمانو په دې غونډه کې له اسلامي امارت غوښتنه وشوه، چې د اسلامي امارت د رهبر د سپارښتنې له مخې هیچاته اجازه ورنهکړ شي، چې نورو هېوادونو ته د پوځي هڅو د ترسره کولو لپاره ولاړ شي.
دا غونډه په داسې وخت کې ترسره کېږي، چې د امنیتي مسلو په اړه د افغانستان او پاکستان ترمنځ تاوتریخوالی بېساري کچې ته لوړ شوی دی.
له ۲۰۰ ډېر له بنده خوشې شوي کډوال هېواد ته راستانه شول
د آیاسآی پخوانی مشر فیض حمید پر ۱۴ کاله بند محکوم شو
په افغانستان کې ټولګډونه حکومت جوړول د جګړې د مخنیوي لپاره اړین دي – ایران
د افغانستان علماوو له هېواد او شرعي نظام څخه د دفاع فرضیت اعلان کړ
ټرمپ د بېړنۍ ویزې ته د ۱ میلیون ډالرو طلايي کارت پروګرام پیل کړ
آریانا ټلویزیون د ۲۰ آوریز نړیوال کرکټ سیالیو د خپراوي حق بیا ترلاسه کړ
افغان لوبغاړي د ۲۰۲۵ سنوکر نړیوال جام ۳۲ کسیز پړاو ته ورسېدل
د هند او افغانستان استازو د اړیکو پر پیاوړتیا خبرې وکړې
تمه ده نن د تورخم لار پرانیستل شي
په روان اتلانو لیګ کې عینو مېنې او صرافان هرات لوبې وګټلې
تحول: افغانستان ته د پاکستان بیاځلې ګواښنه
څار: د افغانستان په اړه د ملګرو ملتونو د ناستې ارزونه
تحول: د تهران او کابل د اړیکو د پیاوړتیا لپاره هڅې
څار: د افغانستان او پاکستان پر خبرو اترو ټینګار
تحول: د دوحې په ناسته کې د افغانستان په اړه خبرې
-
نړۍ2 days agoټرمپ د بېړنۍ ویزې ته د ۱ میلیون ډالرو طلايي کارت پروګرام پیل کړ
-
سیمه ییز خبرونه4 days agoپه پاکستان کې ۱۰ پوځیانو ته مرګ او ژوبله اوښتې
-
تازه خبرونه4 days agoد پاکستان د درملو صادرات له ۲۰۰ میلیون ډالرو زیان سره مخ شول
-
سوداگري4 days agoد پاکستان او افغانستان سوداګر میلیارډونه ډالر زیانمن شول
-
تازه خبرونه3 days agoیوناما د افغانانو د حقونو د ساتنې غوښتنه وکړه
-
تحول5 days agoتحول: د تهران او کابل د اړیکو د پیاوړتیا لپاره هڅې
-
تازه خبرونه3 days agoافغانستان د بې نظمه او جرم ځپلو هېوادونو په نوملړ کې راغی- ټرمپ
-
تازه خبرونه2 days agoپه افغانستان کې ټولګډونه حکومت جوړول د جګړې د مخنیوي لپاره اړین دي – ایران