Connect with us

تازه خبرونه

اشرف غني خپله د سولې درې پړاویزه طرحه په ډاګه کړه

خپور شوی

د

(Last Updated On: )

ولسمشر اشرف غني خپله د سولې درې پړاویزه طرحه د افغان سولې د لارې نخچه تر سرلیک لاندې وړاندې او په داګه کړه.

د ولسمشر غني په څوارلس پاڼیزه طرحه کې د سولې لپاره درې برخې؛ سیاسي هوکړه، د سولې حکومت جوړیدل / دولت جوړونه او بازار رامنځته کول وړاندې شوي دي.

ولسمشر غني د چارشنبې پر ورځ په ارګ کې یو شمېر حکومتي چارواکو ته د افغان سولې لپاره د امریکا د طرحې پر وړاندې خپله د سولې بدیله طرحه وړاندې کړه.

د ولسمشر اشرف غني د سولې طرحې د درې واړو برخو جزئیات دادي:

 الف: سیاسي هوکړه

۱- د سولې پر مطلوب حالت هوکړه.

۲- د نړیوالو تر څارنې لاندې پر اوربند هوکړه.  

۳- د سولې حکومت پر اصولو هوکړه.

۴- د سولې نړیوال او سیمه ییز ضمانت او له ترهګرۍ سره مبارزه.

۵- د لویې جرګې لخوا د پورتینو څرګندونو منل   

ولسمشر اشرف غني دا ټینګار هم په ډاګه کړی، چې : ماته د نظام شتون اړین دی نه د فرد.

د ولسمشر د سولې د طرحې په دوه یمه برخه کې د سولې پر حکومت ټینګار شوی دی.

ب- د سولې حکومت

۱- مطلوب حالت ته د رسیدو لپاره د عملي ستراتیژۍ جوړول.

۲- د اساسي قانون حاکمیت او عملي کول.

۳- د حکومتولۍ او پراختیا پروګرامونه.

۴- امنیت، اوربند او له ترهګرۍ سره مبارزه.

۵- د ټاکنو تر سره کولو

او د طرحې په درېیم پړاو کې د سولې رامنځته کول، دولت جوړونه او بازر جوړونه ده، چې په کې پر لاندې برخو ټینګار شوی دی.

۱- د اساسي قانون چوکاټ.

۲- سیاسي هوکړه.

۳- د کورني بیځایه شویو او کډوالو ځای په ځای کول.

۴- امنیت.

۵- د پراختیايي پروګرامونو لپاره د حکومت لومړیتوبونه.

ولسمشر اشرف غني ویلي: د څلوېښت کلن تاوتریخوالي پای ته رسول مو موخه ده؛ نه هغه سوله، چې په هېواد کې د بلې جګړې پیلیزه وي.

د ولسمشر محمد اشرف غني د سولې په طرحه کې د انتقالي حکومت یادونه نده شوې.

د مشرانو جرګې لومړی مرستیال محمد علم ایزدیار وایي: دا طرحه د ولسمشر خپله خبره ده او خپله ګټه یې په کې ډېره ده.

د ولسمشر محمد اشرف غني د سولې پر طرحې سربېره لږ تر لږه دېرش نورې حرحې د ملي پخلاینې شورا د  ۱۵ کسیزې کمېټې تر کتنې لاندې نیول شوې دي.

د مصالحې عالی شوری  دا کمېټه هڅه کوي، چې دا طرحې چاڼ او د استانبول غونډې ته ترې د حکومت او جمهوریت له پتې واحده طرحه جوړه کړي.

تازه خبرونه

د غبرګولي پر اوومه د ۱۴۰۴ کال د کانکور ازموینه اخیستل کیږي

د دې ادارې چارواکو ویلي، چې د سږ کال کانکور ازموینه به د غبرګولي پر اوومه پیل شي او د چنګاښ  تر شلمې پورې به روان وي.

Published

on

(Last Updated On: )

د ملي ازموینو ادارې د یکشنبې پر ورځ (د غویی اوومه) په یوه خبري کنفرانس کې د ۱۴۰۴ کال د کانکور ازموینې نېټه او جزئیات اعلان کړل.

د دې ادارې چارواکو ویلي، چې د سږ کال کانکور ازموینه به د غبرګولي پر اوومه پیل شي او د چنګاښ  تر شلمې پورې به روان وي.

د دې ادارې د چارواکو د څرګندونو له مخې؛ سږ کال به د کانکور ازموینه په پېنځه پړاوونو کې ترسره شي.

د ازموینو اداره وايي، چې د سږ کال د کانکور ازموینې لپاره ښه چمتووالی نیول شوی او د موجوده نصاب پر بنسټ، د پوهنې وزارت په پښتو، فارسي، عربي او انګلیسي ژبو کې نوي او معیاري پوښتنې جوړې کړې دي.

د ورکړ شویو جزئیاتو له مخې؛ لومړۍ پړاو به د غبرګولي پر اوومه، اتمه او نهمه ترسره او دوه‌یم پړاو به د همدې میاشتې پر اتهءویشتمه، نهه‌ویشتمه او دېرشمه ترسره شي.

ویل کیږي، چې د کانکور ازموینې درېیم پړاو به په تخار، جوزجان، بادغیس، کندوز، سرپل، هرات، بلخ، فاریاب، سمنګان او بدخشان ولایتونو کې ترسره او څلورم پړاو به په کابل کې ترسره شي.

د ازموینو ادارې ویلي؛ پېنځم پړاو، چې د چنګاښ پر شلمه به په کابل ولایت کې ترسره شي؛ په ځانګړي توګه د دیني مدرسو، ځانګړو ښوونځیو (څوارلسم پاس)، ولایتي غیر حاضر، بهرنیو فارغانو او د شپې ښوونځیو لپاره دی.

Continue Reading

تازه خبرونه

د ثور اوومه د یرغل او اتمه یې پر وړاندې د آزادۍ ورځ ده – اسلامي امارت

د غویی د اوومې او اتمې تاريخي ورځو په اړه افغانستان اسلامي امارت په نننۍ( د غویی اوومه) خپره شوې خبرپاڼه کې څرګندوي: «د ثور پر اوومه شوروي اتحاد د لښکرو لخوا د وخت د حکومت پرضد نظامي کودتا وشوه او د يو مسلمان ملت پر حريم د تېري لپاره زمینه مساعده شوه.»

Published

on

(Last Updated On: )

اسلامي امارت له نن پوره ۴۷ کلونه مخکې د ۱۳۵۷ لمريز لېږدیز کال د غویی(ثور) اوومه او ورپسې د افغانستان پرحریم د شوروي اتحاد تېری غندي او د غویی اتمه بیا د هېواد د آزادۍ تاریخي ورځ بولي.

د غویی د اوومې او اتمې تاريخي ورځو په اړه افغانستان اسلامي امارت په نننۍ( د غویی اوومه) خپره شوې خبرپاڼه کې څرګندوي: «د ثور پر اوومه شوروي اتحاد د لښکرو لخوا د وخت د حکومت پرضد نظامي کودتا وشوه او د يو مسلمان ملت پر حريم د تېري لپاره زمینه مساعده شوه.»

د اسلامي امارت د خبرپاڼې له مخې؛ «دا کار د دې لپاره وشو، چې د افغانستان خاوره خپله مستعمره او خلک يې د ځان غلامان وګرځوي او خپله مفکوره پرې تحميل کړي؛ خو د افغانستان آزادي غوښتونکو مسلمانانو پر تش لاس د شلمې پېړۍ د شوروي استعمار خوب رښتيا کېدو ته پرې نښود؛ په ميړانه يې پوره (۱۴) کاله مبارزه وکړه او بالاخره يې د ۱۳۷۱ لمريز لېږدیز کال د غویی پر اتمه خپله آزادي او استقلال تر لاسه کړ.»

د خبر پاڼې له مخې: هغه مهال د افغانستان مظلوم او ځورېدلي خلک خوښ ول، چې د خپل څوارلس کلنې مبارزې د ثمره يې تر لاسه کړه او نور به په وطن کې د آزادۍ، آرامۍ او د خپلې خوښې شرعي نظام تر سيوري لاندې ژوند ته پرېښودل شي؛ خو «څو جاه طلبو او د قدرت تږيو يې يو ځل بيا سپېڅلي آرمانونه د تنظیمي جګړو او خپلمنځي اختلافاتو په اور کې لولپه کړل» او د افغانستان د خلکو سترې هيلې او د سوچه شرعي نظام د راتګ او استحکام اميدونه خاورې شول.

ویل کیږي، چې اوس اسلامي امارت د خپل هېواد د خپلواکۍ د اعادې، وحدت او اتفاق راوستلو، د هرج و مرج له منځه وړلو او شرعي نظام د نفاذ لپاره رامنځتهشوی او خپلهدف ته رسیدلی دی. اوس د دې وخت دې، چې له دې شرعي نظام څخه کلکه ساتنه وشي او د یو باثباته او د اسلامي نظام د لرونکي افغانستان د دوام او قوام لپاره ټول افغانان سره یو موټی او متعهد واوسئ.

Continue Reading

تازه خبرونه

په کاناډا کې د ونکوور پر فلیپیني ننداریزو مراسمو د یوه موټر ورختلو مرګ او ژوبله رامنځته کړه

پولیسو په ایکس پاڼه کې د موټر چلوونکی له نیولو خبر ورکړی دی.

Published

on

(Last Updated On: )

پولیسو د یکشنبې پر ورځ ویلي، چې یو موټر چلوونکی د کاناډا په لویدیځ ښار کې د ونکوور د سړک غاړې پر فلیپیني ننداریزو مراسمو خپل موټر وروړ او یو شمېر کسانو ته یې مرګ او ژوبله واړوله.

پولیسو په ایکس پاڼه کې د موټر چلوونکی له نیولو خبر ورکړی دی.

یوه عیني شاهد ویلي، چې پر ګڼه ګوڼه له ورختلو مخکې یې په دې ننداریزه سیمه کې یو تور موټر په بې نظمه حالت کې ولیده.

د وینکوور سان ورځپاڼې ویلي، چې زرګونه خلک په سیمه کې ول.

Continue Reading
Advertisement

Trending

Copyright © 2025 Ariana News. All rights reserved!