سوداگري
افغانان د خپلو شتمنیو د خوندي کولو لپاره ډیجیټل اسعار اخلي

د بلومبرګ نیوز یوه څېړنه ښيي، چې افغانان د خپلو شتمنیو د ساتنې لپاره د ډیجیټلي اسعارو پېرودلو ته مخه کړې ده.
د شبکې د څرګندونو له مخې؛ د ډیجیټل اسعارو ډېري پېرودونکي په بازار کې د بدلونونو د رامنځته کېدو پر علت له زیانونو څخه د مخنیوي لپاره د بټکوین پر ځای د پوره ثبات لرونکيو اسعارو پېرودل غوره کوي.
د میهان کریپټو شرکت لرونکی حبیب الله تیموري، چې په هرات کې د ډیجیټل اسعارو پېرودلو خدمتونه وړاندې کوي وايي؛ په افغانستان کې شپږ شرکتونه د دغو اسعارو پېرودل آسانه کوي، چې څلور یې په یوازې په هرات کې دي.
د تیموري د څرګندونو له مخې، د ډیجیټل اسعارو غوښتنه ډېره ده.
هغه ويلي: پخوا به کله، چې دا ډول بحران رامنځته شو؛ خلکو يا خپلې نغدې پيسې او ګاڼې ښخولې او يا به يې په بالښتونو کې ساتل، خو اوس یې د ډيجيټل اسعارو اخيستلو ته مخه کړې ده.
په هرات کې د معاملاتو د رهنما لرونکي ناصر علي لومړی د اکټوبر په میاشت کې د میهن صرافۍ ته ولاړ او د ډیجیټل اسعارو له ۴۵ دقیقو روزنې لپاره یې ۱۵۰ افغانۍ ورکړې؛ بیا یې په بایننس کې یو حساب پرانیست، چې د ډیجیټل اسعارو د سوداګرۍ ترټولو لوی اپلیکیشن دی.
هغه د نومبر په میاشت کې د ۳۰ زره ډالرو زیرمې راټولې کړې او تر ټولو باثباته ډیجیټلي Tether یې و پېره او میهن کریپټو له هغه سره د معاملې په راجوړولو کې مرسته وکړه.
د نومبر په میاشت کې د انډونیزیا د مذهبي مشرانو شورا اعلان وکړ، چې د مسلمانانو لپاره دې پر ډیجیټل اسعارو بندیز ولګول شي؛ ځکه، چې دا پیسې د اعتبار وړ ندي او خپل شرط او تاوان لري.
حبیب الله تیموري، چې د ډیجیټل اسعارو سوداګرۍ سره یې سوداګرۍ وده کړې؛ خو باور لري، چې د افغانستان له اقتصاد سره مرسته کوي.
سوداگري
افغان لارۍ چلوونکیو ته شپږ میاشتنۍ ویزې ورکوو – پاکستان

د پاکستان لومړي وزیر شهباز شریف چارواکو ته لارښوونه کړې، چې د افغانستان لاریو چلوونکیو ته دې شپږ میاشتنۍ ویزې ورکړ شي.
د پاکستان نیوز څرګنده کړې؛ دوی ته لومړی شپږ میاشتنۍ ویزې ورکول کیږي، چې وروسته به بیا یو کلنې شي.
د ویزې لپاره د نوم، انځور، پاسپورټ او د اړوند شرکت ثبتولو ته اړتیا ده.
له دې کاره موخه له افغانستان سره د سوداګرۍ پراختیا ده.
سربېره پردې د سوداګرۍ د آسانتیاوو لپاره د پاکستان د بهرنیو چارو وزارت او د پانګونې بورډ به د آنلاین ویزې سیسټم رامنځته کړي.
شهباز شریف ویلي: مونږ باید د افغانانو لپاره د سوداګریزې ودې ټول خنډونه لرې او ورته په پاکستان کې د پانګونې لپاره مناسب چاپېریال برابر کړو.
دا په داسې حال کې ده، چې د پاکستان لومړي وزیر تېره ورځ له افغانستان څخه د ډبرو سکرو د واردولو د هڅو نه یوازې چټکتیا وغوښته، بلکې ټینګار یې کړی، چې د ډالرو پر ځای باید کلدارې ورکړ شي، چې دا هڅه په افغانستان کې له بېلابېلو غبرګونونو سره مخ شوه.
سوداگري
ملي پانګوال دې په اقتصادي ځانبسیاینه کې ونډه واخلي ـ اسلامي امارت

د افغانستان اسلامي امارت د رییس الوزرا اقتصادي مرستیال د افغان انویست نومي سهامي شرکت د پرانستلو پرمهال له ملي پانګوالو وغوښتل، چې په اقتصادي ځانبسیاینه کې ونډه وا خلي.
دا شرکت، چې د خصوصي سکټور د دیارلس ملي پانګوالو لخوا جوړ شوی؛ په لومړیو کې به د ۲۵۰ میلیون ډالرو پر پانګونه د خپلو فعالیتونو بهیر پیل کړي او له اسلامي امارته د ملاتړ غوښتنه کوي.
د رییس الوزرا اقتصادي مرستیال ملا عبد الغني برادر وايي؛ تر هغې، چې افغانان پخپله د افغانستان په آبادۍ کې ونډه وانخلي نور هېوادو نه به د افغانستان آبادۍ ته رانشي.
ښاغلي برادر په هیواد کې د ننه او بهر له ټو لو افغان پانګوالو غوښتنه کړې، چې را شي او د هېواد په اقتصادي ځانبسیاینه کې و نډه واخلي او ژمنه کوي، چې د خصوصي سکتور د مالي او ځاني امنیت خوندیتوب یې د اسلامي امارت له مسوولیتونو څخه دی.
د رییس الوزرا لومړی مرستیال ملا عبدالغني برادر وایي: مونږ تل د خصوصي سکتور د ستونزو د حل لپاره چمتو یوو او له دې وروسته هم د هېواد له پانګوالو غواړو، چي د هېواد د اقتصادي آبادۍ لپاره راشي او په پانګونه کې یې ونډه وا خلي.
د افغان انویست شرکت مسوولین وایي؛ افغان سوداګرو پرېکړه وکړه، چې د هېواد د اقتصادي ثبات او پانګونې د پیل لپاره د اشرکت رامنځته کړي. د دې شرکت لومړنۍ پانګونه ۲۵۰ میلیون ډالرو ته رسیږي، چې په څلور بروخو( کرنې، کانونو، انرژۍ د تولید او ساختمان) کې به پانګونه کیږي.
د افغان انویست شرکت مشر شېرباز کمین زاده ویلي؛ مونږ غواړو، چې اسلامي امارت له دې شرکته ملاتړ وکړي او په راتلونکي کې دا شرکت د لویو پروژو د عملي کولو جوګه شي.
د سوداګرۍ او پانګونې خونې مرستیال خیرالدین مایل وایي: مونږ د خپل هېواد او ولس د آبادۍ لپاره ژمن یو. دا شرکت به هم د هېواد د آبادۍ لپاره زیاتې هڅې وکړي، چې په هېواد کې پانګونه وده او پراختیا پیدا کړي.
د افغانستان اسلامي امارت د یو شمېر سکتوري وزارتونو وزیرانو هم د دې شرکت په پرانست غونډه کې دا شرکت د پانګونې د نوي پیل لپاره اړین و باله او زیاتوي، چې خصوصي سکتور باید دا شرکت هېواد د آبادۍ پر نیت فعال کړي او دوی هم له دې شرکت سره د خپلې هر اړ خیزې همکارۍ ژمنه وکړه.
د کانونو او پټرولیم وزارت چارسمبالي شیخ شهاب الدین دلاور څرګنده کړې: زه له خصوصي سکتور سره د همکارۍ ژمنه کوم، چې په هېواد کې به مو د پانګونې د ودې او پراختیا لپاره زمینه برابره شي او هیله لرم، چې بهرني پانګوال هم له تاسې سره ونډوال شي.
د صنعت او سوداګرۍ وزارت سرپرست نورالدین عزیزي ویلي؛ مونږ خوښ یوو، چې د خصوصي سکتور غړي په هېواد کې د پانګونې لپاره یو داسې ابتکار وکړ، چې مونږ خپل راتلونکي ته نور هم هیله من کوي. دا شرکت به په هېواد کې د پانګونې نوی بهیر پیل کړي.
د اقتصادي چارو کارپوهان پدې باور دي، چې د دا سې سهامي شرکتونو رامنځته کول کولی شي د هېواد په اقتصاد کې مثبت اغېز رامنځته کړي او همداراز هیله څرګندوي، چې ښايي بهرني پانګوال هم د پانګونې لپاره لیوالتیا پیدا کړي.
سوداگري
په هېواد کې له اوبو څخه د برښنا د تولید پر ۱۶ پروژو کار روان دی

د اوبو او انرژۍ وزارت مسوولینو ويلي؛ په روان کال کې له اوبو څخه د انرژۍ د تولید شپاړلس پروژې تر لاس لاندې دي او له لمر، ګازو او ډبرو سکرو څخه د برښنا د ترلاسه کولو لپاره مو پانګوال پانګونې ته هڅولي دي.
د افغانستان اوبو او انرژۍ وزارت مسوولینو څرګنده کړې، چې په هېواد کې د برښنا د تولید لپاره نه ستړې کېدونکې هڅې روانې دي او پدې اړه یې کورني او بهرني پانګوال پانګوني ته هم هڅولي دي.
د اوبو او انرژۍ وزارت مسوولینو زیاته کړې؛ د روسيي، ایران، امریکا، چین او ترکیې هېوادونو ځینو پانګوالو د انرژۍ په تولید کې پانګونې ته لیوالتیا ښودلې؛ خو تر اوسه د کومې ځانګړې پروژې د ترسره کولو لپاره ورسره هوکړې رسیدلي نه یوو.
د اوبو او انرژۍ وزارت ویاند مولوي اخترمحمد نصرت وایي: مونږ سره کورني او بهرني پانګوال که هغه د روسیې دي که د چین، که د تر کیې؛ د بېلابېلو هېوادونو له پانګوالو سره مو خبري رواني دي او په اړوند برخو کې یې پانګونې ته لیوالتیا ښودلې ده.
د اقتصادي چارو کارپوهانو هم ويلي، چې که په هېواد کې د انرژۍ د تولید په اړه پانګوال پانګونې ته وهڅول شي افغانستان به له اقتصادي بحران څخه وایستل شي او له بېلابېلو سرچینو څخه د انرژۍ تولید کولی شي د هېواد په اقتصاد وده او پراختیا کې رغنده او اړین اغېزه ولري.
د اقتصادي چارو شنونکی تاج محمد تلاش وایي: افغانستان د انرژۍ د تولید لپاره خورا زیاتې سرچینې لري، چي باد، لمر، د ډبرو سکاره او ګاز یې د یادونې دي. که له دغو سرچینو د برښنا تولید رامنځته کړو؛ نو هېواد به مو د انرژۍ له بحران خلاص او او قتصاد به مو له ودې او پراختیا هم برخمن شي.
د هېواد د خصوصي سکتور غړيو هم ويل؛ي که د انرژۍ په دغو برخو کې د حکومت لخوا د پانکوالو لپاره آسانتیاوې زیاتې شي؛ نو دوی هم چمتو دي، چې په کور دننه په بېلابېلو برخو کې د انرژۍ د تولید لپاره پانګونه وکړي.
دا په داسې حال کې ده، چې افغانستان دمګړۍ دېره برښنا له ګاونډ هېوادونو واردوي، چې د اقتصاد وزارت د معلوماتو له مخې مونږ د کال ۲۵۰ میلیون ډالرنورو هېوادونو ته د برښنا لګښت ورکوو.
-
تازه خبرونه4 days ago
د پکتیکا ولایت د ګیان ولسوالۍ زلزله ځپلي اوس هم خوراکي توکو او سرپناه ته اړ دي
-
تازه خبرونه5 days ago
د پکتیکا او خوست ولایتونو زلزله ځپلي د بیات بنیاد له مرستو برخمن شول
-
تازه خبرونه4 days ago
د افغانستان په وروستۍ زلزله کې ۲۸۸ ماشومانو ته مرګ و ژوبله اوښتې
-
تازه خبرونه4 days ago
هند په کابل کې خپلې سفارتي چارې بیا پیل کړې
-
تازه خبرونه3 days ago
د کولرا له خطر سره مخ په زرګونه زلزله ځپلي پاکې اوبه او خوراکي توکي غواړي
-
تازه خبرونه4 days ago
تایوان د افغانستان له زلزله ځپلیو سره یو میلیون ډالري مرسته اعلان کړه
-
تازه خبرونه2 days ago
افغاني سرې میاشتې ټولنې زلزله ځپلیو ته لس میلیون افغانۍ ځانګړې کړې
-
تازه خبرونه2 days ago
د نشه يي توکو د کښت، توليد او قاچاق پر وړاندې کلکه مبارزه روانه ده