تازه خبرونه
افغانستان او ازبکستان پر سرحدي همکاریو خبرې وکړې
د ملي دفاع وزارت چارسمبالي محمد یعقوب مجاهد تېره ورځ د ازبکستان د استخباراتو او سرحدي ځواکونو له رییس عبدالسلام عزیزوف او مل پلاوي سره د لیدنې پر مهال پر سرحدي مسایلو، دوه اړخیزو اړیکو، اقتصادي او ټرانزیټي همکاریو هر اړخیزې خبرې وکړې.
ملي دفاع وزارت په ایکس پاڼه کې لیکلي؛ په دې کتنه کې د ملي دفاع وزارت چارسمبالي ویلي: مونږ له تېر یو کال راپدیخوا په سرحد کې ډېر کار کړی او تصمیم لرو، چې په راتلونکي کې ډېر نور کارونه وکړو.
د اسلامي امارت امنیتي او دفاعي ځواکونه د پراختیایي پروژو د تطبيق او پانګونې په برخه کې هر ډول همکارۍ او ملاتړ ته چمتو دي.
ویل کیږی، چې ازبکستاني لوري هم له اسلامي امارت سره د اړیکو د پیاوړتیا او په بېلابېلو برخو کې د افغانستان له خلکو سره د همکاریو ډاډ حرګند کړ.