Connect with us

تازه خبرونه

افغانستان ته د بشري ځواک د رالېږلو په اړه د عمران خان له خبرو ناسم تعبیر شوی – ا.ا

خپور شوی

د

(Last Updated On: )

د پاکستان لومړی وزیر عمران خان غوښتي، چې د بشري ناورین د اواري لپاره دې افغانستان ته بشري ځواکونه ولېږل شي.

د پاکستان د لومړي وزیر دفتر په ډاګه کړې؛ لومړي وزیر اړوند چارواکو ته لارښوونه وکړه، چې له دوستو هېوادونو سره پر دوه اړخیزو همکاریو غور وکړي او همدارنګه وړ او روزل شوي افراد په ځانګړي توګه د طب، معلوماتي ټکنالوژۍ، مالیې او حسابدارۍ په برخو کې افغانستان ته د یوه بشري ناورین د مخنیوي لپاره ولیږي.

په ورته وخت کې اسلامي امارت د ځینو رسنیو څرګندونې په دې اړه ناسم تعبیر بولي او وايي؛ پاکستانيو چارواکو پر ګاونډ هېوادونو غږ کړی، چې له افغانانو سره مرسته وکړ؛ نه دا، چې دا هېواد افغانستان ته بشري ځواک رالیږي.

د اسلامي امارت د ویاند د مرستیال انعام الله سمنګاني ویلي؛ نن سبا په نړۍ کې د مسلکي کسانو تګ راتګ  یوه عادي خبره ده او که له افغانستان سره په دې برخه کې د ګاونډ هېوادونو مرسته وشي، کومه ستونزه به نه وي.

یو شمېر خلک پدې باور دي، چې پاکستان تل د افغانستان په اړه دوه مخی سیاست کړی او تل یې د افغانستان له جغرافیې څخه د ځان په ګټه کار اخیستی دی.

د کابل اوسیدونکی نعمت الله امیري آریانا نیوز ته ویلي؛ د پاکستان کار د افغانستان په چارو کې ښکاره لاسوهنه ده. د افغانستان یو وګړی هم نه غواړي، چې بهرني ځواکونه مو هېواد ته راشي.  

د ځینو څرګندونو له مخې؛ پاکستان د افغانستان یو له هغو ګاونډیانو څخه دی، چې له خپل ۷۴ کلن پیدایښته راپدیخوا د افغانستان په اړه له خلکو او حکومتونو سره په سیاست کې ښکېل پاتې دی.

تازه خبرونه

د کانونو او پټرولیم وزارت نوي چارسمبالي په کانونو کې د پانګونو غوښتنه وکړه

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

Published

on

(Last Updated On: )

د کانونو او پټرولیم وزارت نوي چارسمبالي هدایت الله بدري پر کورنیو او بهرنیو پانګوالو غږ وکړ، چې د هېواد د کانونو په برخه کې پانګونه وکړي.

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

هغه په ​​دوامدار ډول په قراردادونو کې پر شفافیت ټینګار وکړ.

بدری وایي: مونږ کورنۍ او بهرنۍ پانګونه راجلبوو. مونږ هڅه کوو، چې د هېواد دننه کانونه پروسس او د اومه توکو د صادراتو مخه ونیسو. مونږ پر بشپړ شفافیت قراردادونه تر سره کوو او خپله تخنیکي وړتیا لوړوو.

په دې مراسمو کې د چارو ادارې مشر ټینګار وکړ، چې په حکومت کې تبدیلي او بدلون یوه عامه خبره ده او د کارونو په ترسره کولو کې هیڅ ډول ستونزې نه رامنځته کیږي.

د چارو ادارې مشر نورالحق انور وايي: د شريعت له مخې امير ټاکونکی او خپل مکلفيتونه لري او څوک، چې ټاکل کېږي هم خپل مکلفيتونه لري. شريعت د دواړو خواوو لپاره خپلې سپارښتنې او هدایتونه واضح کړي دي. تر ټولو مهمه مسله دا ده، چې امیر په خپلو ګمارنو کې د شریعت ټول معیارونه مراعاتوي او څوک، چې په جوړښت کې دننه کیږي په رښتیا هم وړ اهلیت لري.

دغه راز د کانونو او پټرولیم وزارت پخوانی چارسمبالی شهاب الدین دلاور هم په حکومت کې د بدلون راوستل اصولي بولي او وايي، چې دوی د مشرتابه د امر تابع دي.

شهاب الرین دلاور هم د سرې میاشتې ادارې د مشر په توګه خپله دنده پیل کړه.

هغه ويلي: د اسلامي نظام خدمتونه بايد د ټولو لپاره يو شان وي؛ خو لومړيتوب بايد هغو کسانو ته ورکړ شي، چې ډېر ځورېدلي دي.

په دې وروستیو کې د اسلامي امارت رهبر د اسلامي امارت ۹ مسوولان له خپلو پخوانیو دندو ګوښه او پر نویو دندو وګمارل، چې نن یې دې دوه کسانو پر دندو پیل وکړ.

اوږند خبرونه:

اسلامي امارت د کانونو وزارت او د مرکزي بانک چارسمبالي بدل کړل

                                                                    

Continue Reading

تازه خبرونه

پاکستان له افغانستان سره د ستونزو پر حل ټینګار وکړ

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

Published

on

(Last Updated On: )

د پاکستان د خلکو ګوند مشر بلاول بوټو زرداري د دوشنبې پر ورځ (د چنګاښ اتلسمه) په یوه خبري غونډه کې ویلي، چې د پاکستان او افغانستان تر منځ ستونزې یوازې د ساده ناستو له لارې حل کېدی نشي.

هغه د دواړو هېوادونو پر وړاندې د پېچلو مسايلو د حل لارې موندلو پر اړتیا ټينګار وکړ.

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

 هغه وايي: افغانستان ته په سفر کې د چايو پر څښلو ستونزې نه حل کېږي. ما د بهرنیو چارو د وزیر په توګه د چین، پاکستان او افغانستان ترمنځ د خبرو اترو زمینه برابره کړه. د افغانستان او پاکستان ستونزې د حل وړ دي؛ خو باید وپوهیږو، چې ټولې مسلې د افغانستان تر ادارې لاندې ندي.

ویل کیږي، چې اسلامي امارت له ګاونډ هېوادونو سره ښې اړیکې غواړي او باید د افغانستان او نورو هېوادونو ترمنځ د مثبتو اړیکو، ښو سیاسي اړیکو او د باور فضا زمینه رامنځته شي.

اړوند خبرونه:

د پاکستان لنډمهالي حکومت له نورو سره له مشورې پرته افغان کډوال ایستلي – بلاول بوتو زرداري

اسلام‌آباد باید د افغانانو او ترهګرو ترمنځ توپیر ومني – د پاکستان بهرنیو چارو پخوانی وزیر

Continue Reading

تازه خبرونه

له ۲۴ سلنې ډېر افغان ماشومان له رواني ناروغیو کړیږي – یونیسف

 یونیسف ويلي، چې د جنګ، کډوالۍ، بې ځایه کېدا، بې‌وزلۍ زیاتېدو او د ناچاودېدونکیو توکو د چاودنې خطرونو دغه ماشومان له رواني ناروغیو سره مخ کړي دي.

Published

on

(Last Updated On: )

د ماشومانو لپاره د ملګرو ملتونو وجهي صندوق (یونیسف) په خپل یوه راپور کې اندېښنه ښودلې، چې د افغانستان له ۱۷ کلنو ټیټ عمره ماشومانو څلیریشت سلنه له رواني رنځ څخه کړېږي، چې د نړۍ پر کچه ۱۰ سلنه زیاتوالی ښيي.

د دغه راپور د څرګندونو له مخې ۱۵ سلنه افغان ماشومان خفګان لري.

 یونیسف ويلي، چې د جنګ، کډوالۍ، بې ځایه کېدا، بې‌وزلۍ او د ناچاودېدونکیو توکو د چاودنې خطرونو دغه ماشومان له رواني ناروغیو سره مخ کړي دي.

ملګرو ملتونه ویلي، چې د نجونو پر منځنیو ښوونځیو، لیسو او پوهنتوني زده‌کړو د طالبانو بندیز د راتلونکي په اړه د ډېرو افغان ماشومانو ناهیلي رامنځته کړې، چې روغتیايي او نور لومړنیو خدمتونو ته لاسرسی یې هم ننګولی دی.

یونیسف وايي، چې تېر کال یې څلور میلیون ماشومانو او د هغو له پالونکیو رواني ملاتړ کړی دی او په راتلونکي کال کې ۳ اعشاریه ۶ میلیون کسان به تر ملاتړ لاندې ونیول شي.

دغه بنسټ په افغانستان کې د روان پوهانو او رواني روزونکیو له کمښت سره مخ دي. سره له دې، چې دوی تېرکال په دې برخه کې ۳ زره کسان هم روزل شوي دي.

اړوند خبرونه:

د بغلان روزنتون ماشومانو د آسانتياوو غوښتنه وكړه

له ماشومانو سره د تاوتریخوالي په اړه د م.م راپور د اسلامي امارت او ولس پر ضد پروپاګند دی

Continue Reading

Trending

Copyright © 2022 Ariana News. All rights reserved!