Connect with us

لوبی

افغانستان له سريلانکا سره د درې یوې ورځنیو سیالیو د لوبغاړيو نوملړ په ډاګه کړ

خپور شوی

د

(Last Updated On: غویی ۲۶, ۱۴۰۲)

د افغانستان کرکت بورد د غوراوي کمیټې له سري لانکا سره د درې یوې ورځنیو سیالیو لپاره د افغان لوبغاړیو ۱۵ کسیز نوملړ په ډاګه کړ.

د افغانستان کرکت لوبډله به د سریلانکا په همبانتوتا ښار کې د دې هېواد له ملي لوبډلې سره د جون پر دوه‌یمه، څلورمه او اوومه خپلې اړوند لوبې وکړې.

د افغانستان کرکت بورد په اعلامیه کې راغلي:  لوبډلې ته چټک توپ اچوونکی عبدالرحمن رحماني اضافه شوی؛ خو ګلبدین نایب، یمین احمدزی، ضیاءالرحمن اکبر او شاهدالله کمال، چې د سري لانکا پروړاندې د یو ورځنیو سیالیو د تېرې لوبلړۍ غړي وه؛ دا ځل د احتیاطي لوبغاړیو په توګه له لوبډلې سره مل دي.

د افغانستان کرکت بورد عمومي رییس میرویس اشرف وايي: ښه به وي، چې په دې سیالیو کې نوې څېرې وړاندې شي. د نړیوال جام لپاره چمتووالی له وخته پیل شوی او مونږ له هر فرصت څخه پر ګټه اخیستنه باید د کرکت ملي لوبډلې لپاره غوره لوبډله جوړه کړو.

میرویس اشرف زیاته کړې؛ اوسمهال د افغانستان د سوپر کولا یو ورځنیو سیالیو په لړ کې د کرکت لوبغاړي له یو بل سره لوبې کوي، چې بې له شکه د سریلانکا پر وړاندې د راتلونکیو سیالیو په پایلوبه کې به اغېزمن رول ولوبوي.

د لوبغاړیو په نوملړ کې:

حشمت الله شهیدي (لوبډلمشر) رحمت شاه، رحمان الله ګربز(وکت ساتونکی) ابراهیم ځدراڼ، ریاض حسن، نجیب الله ځدراڼ، محمد نبي، اکرام علي خېل (وکت ساتونکی)، عظمت الله عمرزی، راشد خان، مجیب الرحمن، نور احمد، عبدالرحمن ، فضل الحق فاروقي او فرید احمد ملک راغلي دي.

د احتیاطي لوبغاړيو نوملړ کې:

ګلبدین نایب، شاهدالله کمال، یامین احمدزی او ضیا الرحمن اکبر شته دي.

 

لوبی

اجی جدیجا د نړیوال جام لپاره د افغانستان کرکت ملي لوبډلې د سلاکار روزونکي په توګه وټاکل شو

Published

on

(Last Updated On: تله ۱۰, ۱۴۰۲)

د افغانستان کرکت بورد څرګنده کړې، چې د هند د کرکت ملي لوبډلې پخوانی لوبډلمشر او توپ‌وهونکی اجي جدیجا د ۲۰۲۳ نړیوال جام لپاره د افغان ملي لوبډلې د سلاکار روزونکي په توګه ټاکل شوی دی.

جدیجا له ۱۹۹۲ څخه تر ۲۰۰۰ ز. کال پورې د هند د کرکت ملي لوبډلې د غړي په توګه لوبېدلی او په دې پېر کې یې ښې کړنې او ډېرې لاسته راوړنې لري.

نوموړي د هند لپاره په ۱۵ تست لوبو کې ۵۷۵ منډې او په ۱۹۶ یو ورځنیو لوبو کې ۵۳۵۹ منډې جوړې کړې دي. نوموړي په دې سیالیو کې ۶ « سل منډې» او ۳۴ « پنځوسیزې» جوړې کړې دي.

جدیجا په ۱۳ نړیوالو سیالیو کې د هند د کرکت ملي لوبډلې لوبډلمشر پاتې شوی او اته لوبې یې ګټلي او پېنځه یې بایللي دي.

د يادونې ده، چې د روان کال په نړيوال جام کې به د افغانستان لومړۍ لوبه به د راتلونکې شنبې پر ورځ ( د اکتوبر ٧ ) له بنګله دېش سره وي.

Continue Reading

لوبی

د افغانستان الف کرکت ملي لوبډله د عمان پر وړاندې د لوبې لپاره مسقط ته ځي

Published

on

(Last Updated On: تله ۱۰, ۱۴۰۲)

د افغانستان کرکت بورد څرګنده کړې، چې د هېواد افغان ابدالیان یا الف لوبډله به د عمان پر وړاندې د روان اکتوبر په میاشت کې د دوه یو ورځنیو او پېنځه شل اوریزو لوبو د ترسره کولو لپاره د دغه هېواد پلازمېنې مسقط ته سفر وکړي.

دا تورنمنت او سیالۍ به د تلې له ۱۷ څخه د لړم تر لومړۍ  / د اکتوبر له ۹ څخه تر ۲۳ پورې ترسره شي.

د افغانستان کرکت بورد د دوشنبې پر ورځ څرګنده کړه، چې د دواړو هېوادونو د کرکت بوردونو د مشرتابه د پرېکړې له مخې به یادې لوبې د عمان هېواد پر کوربه‌توب د دواړو هېوادونو د اړیکو د پراختیا، د کرکت د ودې او په راتلونکې کې د دوه اړخیزو همکاریو لپاره ترسره شي.

د مهالوېش له مخې به دوه یو ورځنۍ سیالۍ د تلې له ۲۰ څخه تر ۲۳ / د اکتوبر پر ۱۲ او ۱۵ او پېنځه شل اوریزې سیالۍ به د اکتوبر پر ۱۷، ۱۸، ۲۰، ۲۱ او ۲۳ ترسره شي.

د افغانستان د کرکټ بورد اجرائیوي رییس نصیب خان ویلي؛ دا د افغانستان لپاره د ویاړ ځای دی، چې د کرکت په پراختیا او له نورو هېوادونو سره د نږدې اړیکو او د کرکت د ودې په برخه کې یې رغنده رول لوبولی دی. مونږ د کرکت د نورې پراختیا او پرمختیا ته ژمن یوو او هیله لرو، چې زمونږ لوبغاړي د عمان له لوبډلې سره غوره خاطرې شریکې او غوره کرکټ وکړي.

هغه همدا راز زیاته کړې: عمان د افغانستان لپاره یو له دوستو هېوادونو څخه دی او په یاد هېواد کې کرکت د افغانستان د کرکت په څېر په چټکۍ سره وده کوي. زه هیله من یم، چې دا سیالۍ به له عمان سره زمونږ د ښو اړیکو پر لوري یو بل مثبت ګام وي.

دا لومړی ځل دی، چې عمان د افغانستان د الف لوبډلې کوربه‌توب کوي.

 

Continue Reading

لوبی

د افغانستان او سویلي افریقا تمریناتي لوبه د سخت باران له کبله ونه‌شوه

Published

on

(Last Updated On: تله ۸, ۱۴۰۲)

د کرکت نړیوال جام په تمریناتي پړاو کې د جمعې پر ورځ د افغانستان او جنوبي افریقا لوبه د باران له کبه ترسره نه‌شوه.

د اسوشیتید پریس د څرګندونو له مخې، دواړه لوبډلې مخکې له دې، چې لوب‌څاري مازیګر مهال ۳:۴۵ د پرله پسې باران او لوند لوبغالي له کبله د لوبې نه‌کول اعلان کړي؛ د دواړو لوبډلو لوبغاړي په هوټل کې ول.

سویلي افریقا د دوشنبې پر ورځ له نیوزیلند سره بله روزنیزه لوبه کوي او افغانستان به د سې شنبې پر ورځ له سریلانکا سره لوبه کوي.

کرکت نړیوال جام به د پنجشنبې پر ورځ د هند په احمد آباد ښار کې د نیوزیلند او انګلستان تر منځ په لومړۍ لوبه پیل شي.

په یوه بله روزنیزه لوبه کې، چې په ګوواهاتي کې ترسره شوه؛ سریلانکا خپل ټول لوبغاړي له لاسه ورکړل او په ۴۹.۱ اورونو کې یې ټولټال ۲۶۳ منډې جوړې کړې. پاتوم نیسانکا ۶۸ او دانانجایا د سلوا ۵۵ منډې وکړې. د بنګله دېش له لوري مهدي حسن درې لوبغاړي وسوځول.

په حیدراباد کې پاکستان نیوزیلند ته د پېنځه لوبغاړو پر سوځیدو ۳۴۵ منډې هدف وټاکه. محمد رضوان ۱۰۳ او بابر اعظم ۸۰ منډې جوړې کړې.

Continue Reading

Trending

Copyright © 2022 Ariana News. All rights reserved!