لوبی
افغانستان له سريلانکا سره د درې یوې ورځنیو سیالیو د لوبغاړيو نوملړ په ډاګه کړ

د افغانستان کرکت بورد د غوراوي کمیټې له سري لانکا سره د درې یوې ورځنیو سیالیو لپاره د افغان لوبغاړیو ۱۵ کسیز نوملړ په ډاګه کړ.
د افغانستان کرکت لوبډله به د سریلانکا په همبانتوتا ښار کې د دې هېواد له ملي لوبډلې سره د جون پر دوهیمه، څلورمه او اوومه خپلې اړوند لوبې وکړې.
د افغانستان کرکت بورد په اعلامیه کې راغلي: لوبډلې ته چټک توپ اچوونکی عبدالرحمن رحماني اضافه شوی؛ خو ګلبدین نایب، یمین احمدزی، ضیاءالرحمن اکبر او شاهدالله کمال، چې د سري لانکا پروړاندې د یو ورځنیو سیالیو د تېرې لوبلړۍ غړي وه؛ دا ځل د احتیاطي لوبغاړیو په توګه له لوبډلې سره مل دي.
د افغانستان کرکت بورد عمومي رییس میرویس اشرف وايي: ښه به وي، چې په دې سیالیو کې نوې څېرې وړاندې شي. د نړیوال جام لپاره چمتووالی له وخته پیل شوی او مونږ له هر فرصت څخه پر ګټه اخیستنه باید د کرکت ملي لوبډلې لپاره غوره لوبډله جوړه کړو.
میرویس اشرف زیاته کړې؛ اوسمهال د افغانستان د سوپر کولا یو ورځنیو سیالیو په لړ کې د کرکت لوبغاړي له یو بل سره لوبې کوي، چې بې له شکه د سریلانکا پر وړاندې د راتلونکیو سیالیو په پایلوبه کې به اغېزمن رول ولوبوي.
د لوبغاړیو په نوملړ کې:
حشمت الله شهیدي (لوبډلمشر) رحمت شاه، رحمان الله ګربز(وکت ساتونکی) ابراهیم ځدراڼ، ریاض حسن، نجیب الله ځدراڼ، محمد نبي، اکرام علي خېل (وکت ساتونکی)، عظمت الله عمرزی، راشد خان، مجیب الرحمن، نور احمد، عبدالرحمن ، فضل الحق فاروقي او فرید احمد ملک راغلي دي.
د احتیاطي لوبغاړيو نوملړ کې:
ګلبدین نایب، شاهدالله کمال، یامین احمدزی او ضیا الرحمن اکبر شته دي.
لوبی
په افغانستان فوټسال لیګ کې اتهڅلوېښتمه لوبه مساوي او نههڅلوېښتمه هغه نورزاد وګټله
په نننۍ نههڅلوېښتمه لوبه کې نورزاد افسي لوبډلې امید افسي ته ۴ پر صفر ماتې ورکړه.

لوبی
افغان کرکټ لوبڅار بسم الله جان شینواری د ۴۱ کلونو پر عمر ومړ
د افغانستان کرکټ بورډ د هغه مړینه لویه او نه جبرانېدونکې ضایعه بولي او د شینواري کورنۍ، خپلوانو او خواخوږو ته یتسلیت وړاندې کوي.

د افغانستان کرکټ بورډ د خبرپاڼې له مخې؛ لوبڅار بسم الله جان شینواری تېره شپه د ورپېښې ناروغۍ له کبله وفات شوی دی.
د افغانستان کرکټ بورډ د هغه مړینه لویه او نه جبرانېدونکې ضایعه بولي او د شینواري کورنۍ، خپلوانو او خواخوږو ته یې تسلیت وړاندې کوي.
د کرکټ بورډ لخوا په خپره شوې خبرپاڼه کې راغلي، چې بسم الله جان شینواري د لوبځار په توګه د خپلو بریاليو هڅو پر مهال په ۳۴ نړیوالو یو ورځنیو (ODI) ۲۶ نړیوالو شل اوریزو (T20) ۳۱ فرسټ کلاس، ۵۱ لیست A لوبو او ۹۶ کورنیو شل اوریزو لوبو کې د لوبڅارۍ دنده ترسره کړې ده.
د کرکټ بورډ چارواکو د دې سترې ضایعې په اړه د ژورې خواشینۍ څرګندولو تر څنګ د کرکټ په وده او پراختیا کې د شینواري له ارزښتناک رول او مسلکي خدماتو ستاینه کړې ده.
اروا ښاد شینواری د افغانستان یو له تجربه لرونکو لوبڅارانو څخه و، چې په خپل پېر کې یې د ملي او نړیوالو سیالیو لوبڅاري کړې ده.
ټاکل شوې، چې ارواښاد شینواری نن له غرمې مخکې د ننګرهار ولایت په سپين غر ولسوالۍ کې خاورو ته وسپارل شي.
لوبی
د ۲۰۲۵ کال د آسیا مرکز په ملتونو جام کې د افغان فوټبال ملي لوبډلې د سیالانو نومونه ښکاره شول
د افغانستان فوټبال فډراسیون اعلان کړی، چې د B ګروپ د سیالیو کوربه به تاجکستان وي.

د ۲۰۲۵ کال د آسیا مرکز په ملتونو جام کې د افغانستان فوټبال ملي لوبډله به د تاجکستان، ایران او مالیزیا پر وړاندې؛ په B ګروپ کې سیالي وکړي.
د افغانستان فوټبال فډراسیون اعلان کړی، چې د B ګروپ د سیالیو کوربه به تاجکستان وي.
د دې ټورنمنټ په A ګروپ کې به د ازبکستان، قرغزستان، ترکمنستان او عمان ملي لوبډلې له یو بل سره مخامخ شي.
دا سیالي د اته لوبډلو په ګډون د ۲۰۲۵ کال د اګست له ۹ څخه د سپټمبر تر اتمې به د ازبکستان او تاجکستان پرکوربتوب ترسره کیږي.
-
تازه خبرونه4 days ago
له افغانستان وتل مو د تاریخ له شرمه ډکه شېبه وه – ټرمپ
-
تازه خبرونه4 days ago
د محرم لسمه د امن په فضا کې ترسره شوه
-
تازه خبرونه4 days ago
په تېرو ۱۰۰ ورځو کې د دوغارون له لارې ۴۹۰ زره افغانان ستانه شول
-
تازه خبرونه3 days ago
په اسلام آباد کې د افغانانو په ګډون د ویزو د جعل کارۍ یوه ډله ونیول شوه
-
تازه خبرونه4 days ago
د کونړ ولایت په لرې پرتو ولسوالیو کې پر ۳۵ پرمختیایي پروژو کار پیل شو
-
تازه خبرونه4 days ago
په ټګزاس کې د سیلابونو له کبله د مړو شمېر ۷۸ کسانو ته ورسېد
-
تازه خبرونه3 days ago
د چین یو خصوصي شرکت په بېلابېلو ولایتونو کې ګډ بازارونه، لارې او صنعتي پارکونه جوړوي
-
تازه خبرونه1 day ago
د کال تر پایه ممکن یو میلیون نور افغانان هم له ایران څخه هېواد ته راستانه شي