Connect with us

لوبی

افغانستان له نیډرلینډه درې یو ورځنۍ لوبې وګټلې

خپور شوی

 په

(Last Updated On: سلواغه ۶, ۱۴۰۰)

د قطر په پلازمېنه دوحه کې د افغانستان او نیډرلینډ درېیمه یو ورځنۍ لوبه ترسره او افغان لوبډلې د دغې  لړۍ وروستۍ لوبه د ۷۵ منډو پر توپیر وګټله.

افغانستان لومړی د منډو جوړولو پرېکړه وکړه او په پنځوس آورونو کې يې د پېنځه لوبغاړیو له سوزېدو سره هالینډ ته د ۲۵۵ منډو هدف وټاکه.

سیاله لوبډله بریالۍ نشوه، چې ټاکلی هدف پوره کړي؛ په ۴۳ آورونو کې یې ټوله لوبډله وسوزېده او ۱۷۹ منډې یې جوړې کړې.

فغانستان له دې مخکې د دغې لوبلړۍ دواړه تر سره شوې لوبې ګټلې دي.

د افغانستان او نېدرلنډ تر منځ دا لوبې د کرکټ نړیوالې شورا د ۲۰۲۳ کال د نړیوال جام د غوراوي لپاره تر سره کېږي.

افغانستان په درې واړو لوبو کې ۶۰ نومرو پر لرلو د سوپر ليګ په لښتیلیک کې پېنځم ځای خپل کړ.

د جنورۍ پر ۲۱ لومړۍ لوبه افغانستان د ۳۶ منډو په توپیر سره او د جنورۍ پر ۲۳ تر سره شوې دوه یمه لوبه هم افغانستان د ۴۸ منډو په توپیر ګټلې ده.

دغه لوبلړۍ د جنورۍ له ۲۱ پیل شوې وه او د همدې میاشتې پر ۲۵ د افغانستان پر بري پای ته ورسېده.

لوبی

کرکټ کولی شي د هند او افغانستان اړیکې ټینګې او پیاوړې کړي _ انس حقاني

خپور شوی

په

توسط

(Last Updated On: غبرګولى ۷, ۱۴۰۱)

د افغانستان د اسلامي امارت یوه لوړپوړي غړي انس حقاني ویلي، کرکټ کولی شي د هند او افغانستان ترمنځ اړیکې ټینګې او پیاوړې کړي.

انس حقاني له هندي ټلویزیوني چینل سي ان ان  نیوز– ۱۸ سره په مرکه کې ویلي، چې هند کولی شي د سولې او پرمختګ په اړه خپله پالیسي د پخواني حکومت په څېري.

حقاني زیاته کړې: مونږ هیله لرو، چې هند په کابل کې خپل سفارت بیا پرانیزي او له افغانستان سره خپلې دوستانه اړیکې ټینګې کړي. د اسلامي امارت دروازې د هرچا پر وړاندې پرانیستې دي او زمونږ تر څنګ دې خپلې پخوانۍ اړیکې روانې وساتي.

د نوموړي د څرګندونې له مخې، پرته له شکه کرکټ هند او افغانستان نښلوي او د دواړو ولسونو د خلکو د خوښۍ سبب ګرځي.

حقاني دا هم ویلي: مونږ هیله من یوو، چې د هند کرکټ به د افغانستان له اړوند ستونزو سره مرسته وکړي او دا بهیر د دواړو هېوادونو د اړیکو او همکاریو سبب شي.

Continue Reading

لوبی

زمبابوی ته د سفر لپاره د افغان کرکټ لوبډلو نوملړ په ډاګه شو

خپور شوی

په

توسط

(Last Updated On: غبرګولى ۳, ۱۴۰۱)

د افغانستان کرکټ بورډ غوراوي کمیټې د زمبابوې پر وړاندې د درې یو ورځنیو او درې شل آوریزو لوبو لپاره د ملي لوبغاړیو نوملړ اعلان کړ.

ټاکل شوې دغه لوبې به د غبرګولي پر ۱۴ پیل او تر ۲۴ به روانې وي.

د افغانستان کرکټ بورډ څرګنده کړې، چې د یو ورځنیو نړیوالو سیالیو لپاره په دغه نوملړ کې رحمان الله ګوربز، ریاض حسن، ابراهیم ځدراڼ، حشمت الله شهیدي (روزونکی)، رحمت شاه، نجیب الله ځدراڼ، شاهد کمال، اکرام علي خېل او محمد نبي شامل دي. عظمت الله عمرزی، راشد خان، مجیب الرحمن، ضیاء الرحمن اکبر، فضل الحق فاروقي، فرید ملک او یامین احمدزی هم په پام کې نیول شوي، چې پر دې سربېره نور احمد او نجات مسعود هم د احتیاطي لوبغاړیو په نوملړ کې شته دي.

همدارنګه د شل آوریزو سیالیو په نوملړ کې رحمان الله ګوربز د (ویکټ کیپر) په توګه، حضرت الله ځاځی، عثمان غنی، احسان الله جنت، نجیب الله ځدراڼ، دروېش رسولی، کریم جنت، محمد نبی (روزونکی)، عظمت الله عمرزی، شرف الدین اشرف شامل دي. افسر ځاځی، راشد خان، نور احمد، فضل فاروقي، فرید ملک او نجات مسعود شامل دي. په داسې حال کې، چې سید احمد شېرزاد او ظاهر خان په احتیاطي نوملړ کې دي.

افغان لوبغاړي، چې دا مهال په هېواد کې دننه تمرین کوي، د جون پر ۴، ۶ او ۹ به د زمبابوی پر وړاندې په یو ورځنیو نړیوالو لوبو کې لوبېږي. په داسې حال کې، چې د جون پر ۱۱، ۱۲ او ۱۴ نېټه به د زمبابوی پر وړاندې د ۲۰ آوریزو لوبو په لړ کې میدان ته ننوځي.

د افغانستان کرکټ بورډ په ډاګه کوي؛ د دغو سیالیو د لړۍ یو ورځنۍ لوبې د ۲۰۲۳ کال نړیوال جام ته د غوراوي لوبو یوه برخه ده او راتلونکي نړیوال جام ته د بشپړ چمتووالي پر موخه د ۲۰ آوریزو لوبو لړۍ ده او د یادو لوبو په درجه بندۍ کې شامل دي.

د افغانستان کرکټ بورډ زیاته کړې، چې د زمبابوی پر وړاندې به ټولې یادې لوبې د پلازمېنې په هراري لوبغالي کې ترسره شي، چې یو ورځنۍ سیالۍ به د افغانستان پر وخت شاوخوا ۱۱:۴۵ پیل شي او دغه ۲۰ آوریزه نړیواله سیالۍ به د افغانستان پر وخت په ۳:۳۰ بجو پیل شي.

Continue Reading

لوبی

هندوکش د زرغون افغانستان د یو ورځني جام اتلولي وګټله

خپور شوی

په

توسط

(Last Updated On: غویی ۳۱, ۱۴۰۱)

د جمعې پر ورځ د خوست په کرکټ لوبغالي کې هندوکش له پامیر لوبډلې څخه د زرغون افغاستان د یو ورځنیو سیالیو اتلولي وګټله.

د لوبې د پچې له ګټلو وروسته پامیر لوبډلې په ۳۹ آورونو کې د ۴ لوبغاړیو پر سوځېدو ۱۷۲ منډې جوړې کړې.

د هندوکش ته ابراهیم ځدراڼ ۶۰ او بهیر شاه ۵۵ منډې جوړې کړې.

د پامیرته سمیع الله شینواري ۵۵ ناسوځېدلې منډې وکړې، ورپسې ګلبدین نایب ۴۴ منډې جوړې کړې، نایب هم درې لوبغاړي وسوځول، چې په دغه لوبه کې تر ټولو زیاتې منډې جوړونکي لوبغاړي دي.

د زرغون افغانستان د سیالیو په پایلوبه کې په زرګونه د کرکټ مینه والو ګډون کړی و.

د لومړي وزیر مرستیال عبدالسلام حنفي په شمول د افغانستان اسلامي امارت لوړپوړیو چارواکو هم ګډون درلود.

مولوي عبدالسلام حنیفي ویلي، چې اسلامي امارت په هېواد کې د ټولو ورزشکارانو لپاره په هره برخه کې لازمې آسانتیاوې برابرې کړي او د دوی د هڅونې او روزنې په برخه کې به لا ډېره پاملرنه وشي.

د زرغون افغانستان يو ورځنۍ سيالۍ د غويی پر اتمه پيل شوي، چې د ميوند په ګډون درې لوبډلو په کې برخه لرله.

ټولټال اووه لوبې په ۱۲ ورځو کې ترسره شوې دي.

دغو لوبډلو د ملي کچې ټول موجود لوبغاړي په ګوته کړل؛ ځکه، چې دوی راتلونکیو نړیوالو لوبو ته چمتو کوي

Continue Reading

Trending

Copyright © 2022 Ariana News. All rights reserved!