لوبی
افغانستان له نیډرلینډه دوه یمه یو ورځنۍ لوبه د ۴۸ منډو پر توپیر وګټله

د افغانستان او نیډرلینډ ترمنځ د درې یو ورځنیو لوبو څخه، چې دوه ورځې مخکې پیل شوي؛ افغان لوبډله بریالۍ شوه، چې له لومړۍ لوبې وروسته د دوه یمې سیالۍ بریا هم خپله کړي.
افغانستان د یکشنبې پر ورځ د سلواغې پر ۳ او د جنورۍ پر ۲۳هالنډ ته د قطر پر کوربتوب په دوه یمه یوه ورځنۍ لوبه کې د ۴۸ منډو پر توپیر ماته ورکړه.
په دوه یمه یو ورځنۍ لوبه کې افغانستان توپ وهنه پیل کړه او په ۵۰ آورونو کې یې د رحمان الله ګربز پر ۱۰۳ منډو نیډرلینډ لوبډلې ته د ۲۳۸ منډو هدف وټاکه؛ خو په ۱۸۹ منډو کې د هالنډ ټوله لوبډله و سوزېده او نوموړی په دغو نړیوالو لوبو کې له دوه یمې سلیزې جوړولو نه یوازې برخمن شو، بلکې د لوبې غوره لوبغاړی هم ونومول شو.
دغه راز حشمت الله شهیدي هم ۵۴ منډې وکړې او د لوبډلمشر په توګه یې دوه یمه پنځوسیزه هم جوړه کړه.
رحمت شاه، نجیب ځدراڼ او راشید خان هم په ترتیب ۳۵، ۲۰ او ۱۴ منډې وکړې.
همدارنګه توپ اچوونکیو هر یوه مجیب الرحمن څلور، فرید ملک دوه، یمین احمدزي او راشد خان یو- یو مخالف لوبغاړي وسوزول.
افغانستان د ۲۰۲۳ زېږدیز کال د یوې ورځنیو سیالیو نړیوال کپ ته د ورتګ لپاره ۲۳ لوبې لري، چې تر دې دمه یې پېنځه لوبې کړې او پېنځه واړه یې ګټلې او په دې اړه له ۵۰ نمبرو برخمن شوی هم دی.
د کرکټ بورډ د څرګندونو له مخې؛ د دواړو لوبډلو ترمنځ به د یادې لوبلړۍ وروستۍ لوبه د راتلونکې سې شنبې پر ورځ د دوحې په ایشین ټاون کرکټ لوبغالي کې ترسره شي.
لوبی
افغانستان په لومړۍ لوبه کې بنګله دېش پر ۷ ویکټو مات کړ

افغانستان د شنبې پر ورځ په ابوظبۍ کې له ۱۹ کلنو څخه د ټیټ عمره لوبډلو د درې اړخیزو سیالیو لومړۍ لوبه له بنګله دېش څخه پر ۷ ویکتو وګټله
بنګله دېش د پچې له ګټلو وروسته لومړی توپ وهنه وکړه او په ۲۲.۵ آوورونو کې یې د ټولو لوبغاړیو پر سوځېدو ۷۵ منډې جوړې کړې.
بشير احمد څلور او کامران هوتک درې لوبغاړي وسوځول او خلیل احمد هم دوه ویکتې واخیستې.
افغانستان دغه هدف په ۹.۵ آوورونو کې د لوبغاړیو پر سوځېدو پوره کړ، چې سهیل خان ۳۳ او محمد هارون ۲۱ منډې جوړې کړې.
افغانستان به د چارشنبې پر ورځ خپله بله لوبه له سریلانکا سره ترسره کړي.
لوبی
بنګله دیش د افغانستان له ۱۹ کلنو ټیټ عمرو سره د یو ورځنیو لوبو لړۍ ۱-۱ مساوي کړه

د بنګله دېش له ۱۹ کلنو ټیټ عمرې لوبډلې د چارشنبې پر ورځ په ابوظبي کې د افغانستان له ۱۹ کلنو ټیټ عمره ځوانانو ته په دوهیمه یو ورځنۍ لوبه کې د ۶۳ منډو پر توپیر ماتې ورکړه او د دوو لوبو لړۍ یې ۱-۱ مساوي پای ته ورسوله.
د افغانستان لوبډلې وړمه ورځ بنګله دېش ته ماتې ورکړې وه او په دې حساب د دواړو هېوادونو ترمنځ د دوه لوبو لړۍ یوه – یوه مساوي شوه.
بنګله دیش په ابوظبي کې د پچې له ګټلو وروسته لومړی توپ وهنه پیل کړه او په ۴۹.۳ آوورونو کې یې خپل ټول لوبغاړي له لاسه ورکړل؛ خو ۲۳۱ منډې یې جوړې کړې.
د دوی لپاره محمد شهاب جیمز ۹۸ منډې کړې او ورپسې پرویزالرحمن جبون ۴۸ هغه جوړې کړې.
د افغانستان لپاره یما عرب څلور او فریدون داوودزي دوه ویکتې واخیستې.
په ځواب کې افغانستان په ۴۵.۴ آوورونو کې د ټولو لوبغاړیو پر سوځېدو ۱۶۸ منډې جوړې کړې، ۸۸ منډې یې سهیل خان ترسره کړې دي.
دواړه لوبډلې به اوس د سریلانکا له ۱۹ کلنو ټیټ عمرو سره په درې اړخیزه سیریز کې برخه واخلي، چې د شنبې پر ورځ په ابوظبي کې پیل شي.
لوبی
د افغانستان له ۱۹ کلنو ټیټ عمره کرکت ملي لوبډلې بنګله دېش ته ماتې ورکړه

د افغانستان له ۱۹ کلنو ټیټ عمره کرکت ملي لوبډلې د دوشنبې پر ورځ په متحده عربي اماراتو کې په لومړۍ یو ورځنۍ لوبه له بنګله دېش لوبډلې څخه د ۱۵۸ منډو پر توپیر وګټله.
د بنګله دېش لوبډلې د لوبې پچه وګټله او لومړی یې د توپ اچونې پرېکړه وکړه. افغانستان په ټولو ټاکل شویو۵۰ آوورونو کې د ۶ لوبغاړیو له سوځېدو سره ۲۷۱ منډې جوړې کړې.
د ټاکل شوي هدف په ټاکلو سره افغان لوبډلې د بنګله دېش ټول لوبغاړي په داسې حال کې وسوځېول، چې ۱۱۳ منډې یې جوړې کړې وې.
سهیل خان سلیزه ووهله او د لوبې غوره لوبغاړی اعلان شو.
سلیمان عربزي او محمد هارون پر ترتیب ۵۵ او ۴۳ منډې وکړې.
یما عرب ۴ لوبغاړي، فریدون داودزي ۳ او ناصر حسن ۲ لوبغاړي وسوځول.
افغان لوبډلې د بنګله دېش ټول لوبغاړي په داسې حال کې وسوځول، چې ۱۱۳ منډې یې جوړې کړې وې.
دواړه لوبډلې به د چارشنبې پر ورځ خپله دوهیمه یو ورځنۍ لوبه وکړي.
-
سوداگري4 days ago
د اسلامي امارت مشرتابه د ګمرکونو له مسوولینو سره وکتل
-
تحول5 days ago
تحول: کابل ته د عربي متحده اماراتو د دیني پلاوي سفر
-
روغتيا3 days ago
شونې ده، چې کرونا ویروس له کاونده سپيو رامنځته شوی وي
-
سوداگري2 days ago
د کندوز ولایت د صنعت او سوداګرۍ ریاست په عوایدو کې ۴۸ سلنه زیاتوالی راغلی
-
نړۍ2 days ago
په اکوادور کې زلزلې ۳۹۴ کسانو ته مرګ و ژوبله اړولې
-
تازه خبرونه3 days ago
له اسلامي امارت سره تعامل دې د دې ټولنې عمومي منشي وارزوي – د م.م امنیت شورا
-
تازه خبرونه3 days ago
په مزارشریف ښار کې د داعش یو شمېر غړي ووژل شول
-
تازه خبرونه3 days ago
په افغانستان کې مو مرستې د بودجې د نشتوالي له کبله کمې شوي