لوبی
افغانستان په فوټسال لوبه کې استرالیا ته ۵-۴ ماتې ورکړه
(Last Updated On: وری ۷, ۱۴۰۳)
د افغانستان فوټسال ملي لوبډلې د استرالیا پر وړاندې څلور اړخیزه نړیواله سیالي د یو ګول پر توپیر وګټله.
په دې لوبه کې، چې نن (دوشنبه) په تایلینډ کې ترسره شوه، د افغانستان له لوري په لومړۍ نیمايي کې څلور ګولونه امید غضنبري، سید مجتبی حسیني، اکبر کاظمي او مهران غلامي ووهل.
اسټرالیا لوبه په دوهیمه نیمايي کې مساوي کړه او په وروستۍ دقیقه کې مهدي نوروزي د افغانستان لپاره د بریا ګول ترسره کړ.
په همدې حال کې د افغانستان لومړۍ لوبه د مالیزیا پر وړاندې ۳-۳ مساوي شوې وه.
د افغانستان راتلونکې لوبه د چارشنبې پر ورځ له کوربه لوبډلې تایلینډ سره ده.