Connect with us

لوبی

افغانستان په لومړۍ یوه ورځنۍ لوبه کې سریلانکا ته ماتې ورکړه

خپور شوی

د

(Last Updated On: )

د افغانستان د کرکت ملي لوبډلې د جمعې پر ورځ په لومړۍ یوه ورځنۍ لوبه کې کوربه هېواد سریلانکا ته د ۶۰ منډو پر توپیر ماتې ورکړه.

د لوبې پچه افغان لوبډلې وګټله او لومړی یې توپ وهنه وکړه، چې په ټاکلو پنځوس آورونو کې یې د اته لوبغاړیو پر سوځېدو ۲۹۴ منډې جوړې کړې.

ابراهیم ځدراڼ په ۱۲۰ توپونو ۱۰۶ منډې وکړې، رحمان الله ګربز او رحمت شاه هر یو په ترتیب سره ۵۳ او ۵۲ منډې جوړې کړې.

د سریلانکا لوبډلې په اته دېرشم آور کې خپل ټول لوبغاړي له لاسه ورکړل او ورکړ شوي هدف ته ونه رسیدل.

د سریلانکا لوبډلې لپاره پیتم نیسانکا تر ټولو زیاتې ۸۵ منډې جوړې کړې.

د افغان لوبډلې د توپ اچونې په برخه کې فضل الحق فاروقي تر ټولو زیاتې څلور ویکتې واخیستې، ګلبدین نایب درې، یمین احمدزي دوه او راشد خان یوه وېکته واخیسته.

د افغانستان او سریلانکا ترمنځ به دوه یمه لوبه د یکشنبې پر ورځ ترسره شي.

لوبی

رئیس خان هوتک د آریانا سنوکر اتلولۍ سیالیو په پای لوبه کې د نوید نادري سیال شو

هوتک به په پای لوبه کې له نوید نادري سره مخ شي. د نیمه پای لوبې په لومړۍ لوبه کې نادري زلمی سلام خیل ته د ۵-۳ پر توپیر ماتې ورکړه.

Published

on

(Last Updated On: )

رئیس خان هوتک د آریانا سنوکر اتلولې سیالیو په نیمه پای لوبه کې د نادرخان روحاني پر وړاندې د ۵-۴ پایلې وتوانید، چې نه ستړې کېدونکې سیالي وکړي او پای لوبې ته لار ومومي.

هوتک به په پای لوبه کې له نوید نادري سره مخ شي. د نیمه پای لوبې په لومړۍ لوبه کې نادري زلمی سلام خیل ته د ۵-۳ پر توپیر ماتې ورکړه.

په ټول افغانستان کې د سنوکر مینه‌وال کولی شي، چې د دوشنبې د ورځې زړه‌راکښونکې لوبه پر ژوندۍ بڼه له آریانا ټلویزیون، د آریانا سپورټ فیسبوک پاڼې، د آریانا سپورټ یوټیوب چینل او د آریانا ټلویزیون له اوبپاڼې څخه وګوري.

دا سیالي د مازیګر پر څلور نیمو بجو پیلېږي؛ خو اړوند خپرونه یې له درې نیمو بجو خپرېږي؛ له مونږ سره اوسئ!

Continue Reading

لوبی

مجيب الرحمان د ممبئی انډينز لوبډلې سره يو ځای شو

مجيب له هغو ځوانو افغان لوبغاړو څخه دی، چې د افغانستان استازيتوب يې ډېر ژر پيل کړ او د توپ اچونې په برخه کې يې ډېره ژر خپله اغېزمنتیا وښودله او

Published

on

(Last Updated On: )

د افغانستان کرکټ ملي لوبډلې ورو توپ اچونکی مجيب الرحمان، د الله محمد غضنفر د ځای ناستي په توګه، چې یاد لوبغاړی د ټپ له کبله د ۲۰۲۵ آی پي ايل لیګ سیالیو څخه بهر شوی؛ د ممبئی انډينز لوبډلې لخوا وګمارل شو.

مجيب له هغو ځوانو افغان لوبغاړو څخه دی، چې د افغانستان استازيتوب يې ډېر ژر پيل کړ او د توپ اچونې په برخه کې يې ډېره ژر خپله اغېزمنتیا وښودله او

په ۱۷ کلنۍ کې يې آی پي ايل کې لومړۍ سیالي ترسره کړه.

مجيب تر اوسه پورې له ۳۰۰ څخه ډېرو ۲۰ اوريزو لوبو کې ګډون کړی او نږدې ۳۳۰ وېکټې يې اخيستې دي.

د هند ممبي د ۲۰۲۵ کال د IPL په داوطلبۍ کې الله محمد غضنفر پر ۴.۸ کروړه روپیو خپل کړ؛ خو له بده مرغه هغه به د ټپ له کبله له دې سیالۍ برخمن نشي.

مجیب الرحمن، چې تر اوسه یې د آی پي ایل ۱۹ لوبې کړي؛ د ۲ کروړه هندي روپیو په بدل کې د هغه پر ځای معرفي شوی دی.

Continue Reading

لوبی

د ۲۰۲۵آریانا سنوکر اتلولۍ کوارټر فاینل پای ته ورسېد

په دوه‌یمه زړه راکښونکې او په زړه پورې لوبه کې نوید نادري وکولی شول، چې محمد میر نورزي ته ۵-۴ ماتې ورکړي او نیمه پای لوبې ته ولاړ شي.

Published

on

(Last Updated On: )

زلمي سلام خېل د آریانا سنوکر اتلولۍ د کوارټر فاینل د نن په زړه پورې لوبه کې ظریف افضلي ته ۵ـ۳ ماتې ورکړه او نیمه پای لوبې ته یې لاره پیدا کړه.

په دوه‌یمه زړه راکښونکې او په زړه پورې لوبه کې نوید نادري وکولی شول، چې محمد میر نورزي ته ۵-۴ ماتې ورکړي او نیمه پای لوبې ته ولاړ شي.

نن په درېیمه او وروستۍ لوبه کې نادر روحاني صالح محمد محمدي ته ۵- ۱ ماتې ورکړه او نیمه پای لوبې ته یې لاره پیدا کړه.

په ټول افغانستان کې د سنوکر مینه‌وال کولی شي دا په زړه پورې سیالۍ پر ژوندۍ بڼه د آریانا ټلویزیون، د آریانا سپورټ فیسبوک پاڼې، د آریانا سپورټ یوټیوب پاڼې او د آریانا تلویزیون ابپاڼې له لارې وګوري.

 

Continue Reading
Advertisement

Trending

Copyright © 2024 Ariana News. All rights reserved!