تازه خبرونه
افغان میرمنې د خپلو مدني آزادیو غوښتونکې شوې

په سلګونه افغان میرمنو د یکشنبې پر ورځ د لویې جرګې په خیمه کې د ( افغانستان د اسلامي جمهوریت په ساتنه کې د افغان میرمنو غږ) تر سرلیک لاندې د اوربند، د جګړې درول او د وینو تویولو پای ته رسولو غوښتنه وکړه.
په دې ناسته کې د ۳۴ ولایتونو ۱۵۷۰۰ میرمنو برخه اخیستې وه.
دغه کنفرانس پرون د ښځو چارو وزارت لخوا ترسره شوی؛ دوی د ۹ مادو په پرېکړه لیک کې څرګنده کړې، چې دوی ویر ته ناستې دی که څه هم په جګړه کې نه وې.
دوی هغو جنګونو ته په نغوته کې، چې بې ځایه شوي، پلرونه، میړونه، زامن، وروڼه، خویندې، نیاګانې او د کورنۍ نورغړي یې له لاسه ورکړي دي.
دوی وایي؛ ښځې غواړي، چې د سولې او نړۍ په خبرو اترو کې ښکېلې خواوې د دوی غږونه واوري.
د اوربند غوښتنه، د مسلمانانو پر وړاندې د مسلمانانو پر جګړې بندیز، په ټول هېواد کې له دیني عالمانو څخه سولې ته کار، د ملي او مذهبي ارزښتونو خوندي کول، د ملي یووالي د پیاوړي کولو او د جوماتونو له لارې د یو بل منل هغه څه دي، چې مبیرمنو په ۹ ماده ییز پرېکړه لیک کې پرې ټینګار کړی دی.
سربېره پردې دوی غواړي د تېرو ۲۰ کلونو حقونه او لاسته راوړنې خوندي وساتي او ملي حاکمیت او ځمکنۍ بشپړتیا ته درناوی وشي.
دوی د اساسي قانون ساتنه ملي دنده ګڼي، چې د سولې په خبرو کې د دوی مدني او سیاسي حقونه خوندي کړي.
دوی ویلي: مونږ افغان میرمنې، د تلپاتې سولې او وقار ترلاسه کولو لپاره د افغانستان د اسلامي جمهوریت له خوځښتونو او هوډه ملاتړ کوو او د تلپاتې سولې لپاره دې خوځښتونو ته پر اړتیا ټینګار غواړو.
دوی ویلي: مونږ افغان میرمنې د افغانستان د سولې بهیر لپاره د ګاونډ هېوادونو او سیمې ملاتړ غواړو او مونږ له نړیوالې ټولنې هم غواړو، چې تلپاتې سوله تامین کړي او د خپلو امنیتي ځواکونو د پیاوړتیا لپاره په ګډه کار وکړو.
افغان میرمنې ټینګار کوي، چې د هوډ منو میرمنو په توګه غواړي په سوله کې ژوند وکړي او پوه شي، چې ژبني، قومي او مذهبي توپیرونه ټول منل شوي دي؛ ځکه د دوی په وینا زمونږ ښکلا په ژبني، قومي او مذهبي تنوع او ملي یووالي کې نغښتی ده.
تازه خبرونه
پاکستان یو میلیون او ۳۰۰ زره افغان کډوال له خپلې خاورې ایستلي دي
پاکستان د کابل او اسلامآباد ترمنځ د سړو اړیکو او مخ پر زیاتېدونکو امنیتي اندېښنو وروسته پرېکړه کړې، چې غیر قانوني کډوال وباسي.

د پاکستان کورنیو چارو وزیر ملي شورا ته په یوه راپور کې ویلي، چې پاکستان د ۲۰۲۳ کال له نومبر راپدېخوا ۱.۳ میلیون افغان کډوال جبري ایستلي دي.
پاکستان د کابل او اسلامآباد ترمنځ د سړو اړیکو او مخ پر زیاتېدونکو امنیتي اندېښنو وروسته پرېکړه کړې، چې غیر قانوني کډوال وباسي.
د پاکستان د کورنیو چارو وزیر ویلي، چې افغان کډوال په دې موده کې د پاکستان میلمانه ول او باید “په بشپړ وقار او درناوي” سره خپل هېواد ته راستانه شي؛ خو کډوالو ويلي، چې دوی د جبري ایستلو په لړ کې له نیولو، ځورونو او کړولو سره مخ شوي دي.
د پاکستان کورنیو چارو وزیر محسن نقوي دا هم ویلي، چې له ۲۰۰۷ کال راپدېخوا د ملګرو ملتونو د کډوالو ادارې (UNHCR) د پروګرام له مخې له ۱.۳۷ میلیون څخه ډېر افغان کډوال، چې POR کارتونه یې لرل هېواد ته ستانه شوي دي.
دغه راز د پاکستان حکومت تائید کړې، چې د ای سي سي کارت د اعتبار موده به نهغځوي.
د مهاجرت نړیوال بنسټ (IOM) ويلي، چې سږ کال د اپریل له لومړۍ نېټې څخه د می تر دولسمې پورې له پاکستان څخه له ۱۲۸ زره څخه ډېر افغانان ایستل شوي دي.
پاکستان په تېرو دوه میاشتو کې د افغان کډوالو د جبري ایستلو دوهیم پړاو هم پیل کړی دی، چې په کې یې زرګونه افغان کډوال جبري افغانستان ته شړلي دي.
د اسلامي امارت د ویاند مرستیال حمدالله فطرت هڅه کوي، چې د هېواد په ۳۱ ولایتونو کې د ۵۸ استوګنځایونو پر جوړولو سره د کډوالو د استوګنې ستونزه حل کړي.
د کډوالو او راستنېدونکو چارو وزارت چارسمبالي(سرپرست) د اطلاعاتو او کلتور وزارت د ځوانانو له مرستیال سره په لیدنه کې د راستنېدونکو لپاره د تعلیمي فرصتونو برابرول مهم وګڼل او د وزارت د همکارۍ غوښتنه یې وکړه.
محمد یونس راشد دا هم ویلي، چې دوی به ځانګړي پروګرامونه طرحه کړي او د ځوانانو له ټولنې سره د یوځای کولو لپاره به همکاري وکړي.
دا په داسې حال کې ده، چې کابل تل له اسلامآباد څخه غوښتي، چې کډوالو ته په تدریجي ډول د راستنېدو اجازه ورکړي؛ خو پاکستان د افغانستان غوښتنه نده منلې.
تازه خبرونه
په نږدې راتلونکي کې به د مرکزي او جنوبي آسیا د نښلولو په اړه د ترمذ خبرې لومړۍ ناسته ترسره شي
دا ناسته به د ازبکستان د ولسمشرۍ، بهرنیو چارو وزارت، د ازبکستان سوداګرۍ او صنایعو خونې پر مشرۍ د سټراټیژیکو او بین المللي مطالعاتو د انسټیټیوټ پر نوښت ترسره شي.

د مرکزي او جنوبي آسیا ترمنځ د اړیکو په اړه د “ترمذ خبرې” لومړۍ ناسته به د روان کال د می له نولسمې تر یوویشتمې د ازبکستان په ترمذ ښار کې د “سولې، دوستۍ او سوکالۍ د ګډې فضا رامنځته کول” تر سرلیک لاندې جوړه شي.
دا ناسته به د ازبکستان د ولسمشرۍ، بهرنیو چارو وزارت، د ازبکستان سوداګرۍ او صنایعو خونې پر مشرۍ د سټراټیژیکو او بین المللي مطالعاتو د انسټیټیوټ پر نوښت ترسره شي.
ویل کیږي، چې د مرکزي او جنوبي آسیا هېوادونو، اروپا، د ګډو ګټو خپلواکو هېوادونو، د آسیا- اوقیانوسیه سیمې، امریکا او منځني ختیځ څخه شاوخوا ۲۰۰ استازي به په دې فورم کې برخه واخلي او د ګډونوالو تر منځ به د سیاسي، اقتصادي او سوداګریزو کړیو استازي، مالي ادارې، نړیوال او سیمهییز بنسټونه او همدارنګه د نړۍ پر کچه د معتبرو مطالعاتو او څېړنیزو مرکزونو نومیالي کارپوهان شتون ولري.
د دې خبرو اترو اصلي هدف د ازبکستان د ولسمشر شوکت میرضیایف پر نوښت د بحث او نظرونو تبادلې لپاره د څو اړخیزې ناستې رامنځته کول دي، چې د مرکزي او سویلي آسیا ترمنځ اړیکې پیاوړې شي؛ دا نوښت، چې په ۲۰۲۲ کال کې د ملګرو ملتونو د عمومي اسامبلې لخوا ملاتړ شوی.
په دې غونډه کې به ګډونوال د مرکزي او جنوبي آسیا ترمنځ د سیمهییزې همکارۍ اوسنی حالت او امکانات بیاکتنه وکړي. د دې بحثونو اصلي تمرکز به د امنیت، ثبات او دوامداره پرمختګ د ډاډمن کولو لپاره د همکارۍ پیاوړتیا وي او همدارنګه په اقتصادي وده کې د خصوصي سکټور او مالي ادارو رول پراخول وي.
د دې غونډې له مهمو متوقع پایلو څخه به یوه د یوې ګډې خبرپاڼې خپرېدل وي، چې له اړخونو څخه د مرکزي او سویلي آسیا ترمنځ د باور، خبرو او همکارۍ د پیاوړتیا لپاره همغږي وغواړي.
تمه کیږي، چې د ترمذ خبرې به د سیمهیزو اړیکو د ودې لپاره د یو دایمي پلیټ فارم په توګه کار وکړي او د یوریشیا په ټوله وچه کې د سولې، امنیت او ثبات د ډاډمنولو لپاره یو لید وړاندې کړي.
دا غونډه به د سرخاندریا ولایت په ترمذ ښار کې موقعیت لرونکي “ترمذ نړیوال سوداګریز مرکز” کې ترسره شي.
تمه ده، چې د افغانستان یو لوړ پوړی پلاوی هم په دې خبرو اترو کې برخه واخلي.
تازه خبرونه
د اوبو او انرژۍ وزارت چارسمبالي په تاشکند کې له افغان پانګوالو سره وکتل
د اوبو او انرژۍ وزارت نن (چارشنبه د غویی څلیریشتمه) په یوه خبرپاڼه کې څرګنده کړې، چې په دې غونډه کې عبداللطیف منصور تاشکند میشتو افغان پانګوالو ته ډاډ ورکړ، چې اسلامي امارت به په هېواد کې د دوی د پانګونې لپاره اړینېآسانتیاوې برابرې کړي.

د اوبو او انرژۍ وزارت چارسمبالي(سرپرست) عبداللطیف منصور ازبکستان ته د خپل رسمي سفر په لړ کې د افغانستان سفارت ته ولاړ او په تاشکند کې یې د اسلامي امارت له سفیر عبدالغفار بحر، د سفارت له چارواکو او یو شمېر افغان پانګوالو سره ولیدل.
د اوبو او انرژۍ وزارت نن (چارشنبه د غویی څلیریشتمه) په یوه خبرپاڼه کې څرګنده کړې، چې په دې غونډه کې عبداللطیف منصور تاشکند میشتو افغان پانګوالو ته ډاډ ورکړ، چې اسلامي امارت به په هېواد کې د دوی د پانګونې لپاره اړینېآسانتیاوې برابرې کړي.
هغه له هغو وغوښتل، چې د هېواد د اوبو او انرژۍ په سکټورونو کې پانګونه وکړي او زیاتوي، چې افغانستان اوس د امنیتي پلوه د پانګوالو لپاره ښه فرصت برابروي.
هغه ټینګار کړی، چې اسلامي امارت د خصوصي سکټور ملاتړ ته ژمن دی او پانګوالو ته یې قانوني، تخنیکي او اداري آسانتیاوې برابرې کړې دي.
-
نړۍ3 days ago
امریکا او حماس په غزه کې د اوربند په اړه خبرې کوي
-
سیمه ییز خبرونه4 days ago
د هند او پاکستان د اوربند له هوکړې وروسته د چاودنو راپورونه ورکړ شول
-
تازه خبرونه23 hours ago
ایران د افغانستان د اوسپنې په کانونو کې ۵ میلیارډ ډالر پانګونه کوي
-
سیمه ییز خبرونه2 days ago
ټرمپ منځني ختیځ ته د څو ورځني سفر لپاره سعودي عربستان ته ورسېد
-
تازه خبرونه2 days ago
د ازبکستان او اروپايي ټولنې ځانګړو استازو د افغانستان په اړه خبرې وکړې
-
سیمه ییز خبرونه1 day ago
ایراني او اروپايي ډیپلوماټان په استانبول کې خبرې وکوي
-
سوداگري3 days ago
امریکا او چین د تعرفو پر لنډمهاله کمولو هوکړې ته ورسېدل
-
سیمه ییز خبرونه4 days ago
ټول پیلوټان بېرته خپل کور ته راستانه شول – د هند هوايي ځواک