Connect with us

لوبی

افغان پلاوي د المپیک نړیوالې کمېټې له چارواکو سره وکتل

Published

 on

(Last Updated On: لړم ۲۹, ۱۴۰۰)

اسوشیټیډ پریس څرګنده کړې؛ د افغانستان اسلامی امارت به افغان ورزشکارانو ته اجازه ورکړی، چی په نړیوالو لوبو کی برخه واخلی.

تېره پنجشنبه د افغانستان اسلامي امارت ګومارل شوي پلاوي په قطر کې د المپیک نړیوالې کمېټې له چارواکو سره وکتل.

د افغانستان اسلامي امارت د بدني روزنې او سپورت چارسمبالي انجنیر نظرمحمد مطمتین پر مشرۍ یوه پلاوي د المپیک د نړیوالې کمېټې له مسوولینو سره وکتل.

د المپیک نړیوالې کمیټې (آی او سي) او د آسیا المپیک شورا (آی او سي) ژمنه کړې، چې د افغان لوبغاړیو او روزونکیو لپاره به د روزنې زمینه برابره کړي.

د یادې کمېټې د څرګندونو له مخې؛ په دې کتنه کې د المپيک نړيوالې ټولنې مسوولينو له افغان المپيک سره د همکاريو پر دوام ټينګار وکړ او څرګندوي، چې د افغان ورزشکارانو لپاره به ورزشي وسايل برابر کړي.

د افغانستان د المپيک ملي کمېټې د بدني روزنې او ورزش چارسمبالي د المپيک نړيوال سازمان او آسيايي المپيک د مسوولينو له دغې هڅې هرکلى وکړ او له قطري المپيک څخه يې هم مننه وکړه، چې د دغو غونډو لپاره يې زمينه برابره کړې ده.

نوموړي زیاته کړې؛ د المپیک نړیوالې کمېټې او متحدینو یې  ژمنه کړې، چې د افغانستان له المپیک سره به هراړخیزې مرستې روانې ساتي.

له بلې خوا د المپیک نړیواله کمېټه په پام کې لري، چې افغانستان ته د بدني روزنې د وضعیت د لیدلو او څېړلو لپاره یو باصلاحیته استازی راواستوي.

دغه راز دې څانګې ملي ټیمونو ته د بورسونو ژمنه هم کړې ده.

د بدني روزنې ریاست وايي، په بېلابېلو ورزشي برخو کې د ملي لوبډلو لپاره د سکالرشیپونو د پروګرامونو ژمنه هم شوې او په دې اړه پرېکړه شوې، چې د افغانستان د المپیک ټاکنې دې د المپیک له منشور سره سم ژر تر سره ترسره شي.

همدارنګه په تېرو درې مياشتو کې د هېواد د بدني روزنې د بېلابېلو څانګو ورزشکارانو د افغانستان لپاره د پاکستان او ترکيې له سياليو څخه ښې پايلې ترلاسه کړې دي.

دا په داسې حال کې ده، چې د اشرف غني له تېښتې او د اسلامي امارت د بیا واکمنېدو وروسته د افغانستان د بدني روزنې او سپورت المپیک کمېټې پخوانی مشر له هېواده تښتېدلی دی.

لوبی

ایرلیند افغانستان ته د شل آوریزو سیالیو په لومړۍ لوبه کې پر اوو ویکتو ماتې ورکړه

Published

on

(Last Updated On: زمری ۱۹, ۱۴۰۱)

ایرلیند د سې شنبې پر ورځ په بیلفاست کې د شل آوریزو نړیوالو سیالیو په لومړۍ لوبه کې افغانستان ته پر اووه ویکتو ماتې ورکړه.

جورج داکرل ګټونکي څلوریزه ووهله او ایرلینډ ته یې د ۱۶۹ هدف له ټاکلو وروسته د درې لوبغاړیو له سوځېدو سره ۱۷۱ منډې جوړې کړې.

افغانستان په وروستیو دوه اورونو کې د اووه لوبغاړیو له سوځېدو سره ۱۶۸ منډې جوړې کړې، چې ابراهیم ځدراڼ په ۱۸ توپونو ۲۹ ناسوځېدلې منډې ترسره کړې.

د افغانستان له لوري تر ټولو زیاتې منډې جوړونکي عثمان غني په ۴۲ توپونو د دوه شپږیزو او شپږ څلوریزو پر مرسته ۵۹ منډې وکړې.

د افغانستان په لوبډله کې د راشد خان او محمد نبي په ګډون تجربه کاره ستوري شته؛ خو ترڅنګ یې یو شمېر ځوانو لوبغاړیو ته هم په لوبډله کې حق ورکړشوی دی.

دواړه خواوې به د پنجشنبې پر ورځ د دوی د پېنځه لوبو په لړۍ کې د دوه یم ځل لپاره د ستارمونت ښار په ورته ملکي خدماتو کرکت کلب ځای کې سره وګوري.

Continue Reading

لوبی

د کرکت پخوانی نړیوال لوبڅار په ترافیکي پېښه کې مړ شو

Published

on

(Last Updated On: زمری ۱۹, ۱۴۰۱)

د کرکت نړیوال پخوانی  لوبڅار رودي کویرتزن د سې شنبې پر ورځ د اسد اتلسمه په خپل هېواد جنوبي آفریقا کې له یوې ترافیکي پېښې له کبله مړ شو.

۷۳ کلن کویرتزن د اته کلونو لپاره د کرکت د نړیوالې شورا له غوره لوبڅارو څخه و د ۳۳۱ لوبو څارنه یې کړې؛ خو پاکستاني څارونکي حليم ډار ترې دا مقام تر لاسه کړ.

د  کرکت رسنیزې برخې ESPN د څرګندونو له مخې، حلیم ډار ویلي: دا لومړی د هغه کورنۍ او بیا د سویلي آفریقا او کرکت لپاره یوه لویه ضایعه ده.

هغه زیاته کړې: زه په ډېرو لوبو کې د هغه تر څنګ ولاړ وم. هغه نه یوازې یو ښه څارونکی و، بلکې یو ښه همکار هم و.

د کویرتزن زوی رسنیو ته ویلي، چې پلار یې له خپلو څو ملګرو سره د ګلف یوې سیالۍ ته تللی و.

کویرتزن کور ته پر لاره و، چې له ترافیکي پېښې سره مخ او مړ شو.

Continue Reading

لوبی

افغانستان د هند د شطرنج په نړیوال جام کې ګډون کوي

Published

on

(Last Updated On: زمری ۴, ۱۴۰۱)

د افغانستان د بدني روزنې او سپورت عمومي ریاست ويلي، سبا (چارشنبه د زمري ۵ ) به په هند کې د شطرنج لوبډلو ۴۴ نړیوال تورنمنت په رسمي بڼه پیل شي.

دا سیالۍ هر دوه کاله وروسته ترسره کیږي، چې سږ کال په کې د نرینه وو ۱۸۸ هېوادونه برخه اخلي.

د افغانستان د بدني روزنې ریاست وايي، له خوښۍ ځای دی، چې افغانستان به هم د دغو هېوادونو ترمنځ سیالي وکړي.

له افغانستان څخه په دې لوبو کې لاندې اووه کسان ګډون کوي:

۱. لوبغاړو مشرعبیدالله قریشي

۲. لوبډلمشر خیبر فرازي

۳. لوبغاړی وهاب الدین میرزاد

۴. لوبغاړی حبیب الله امیني

۵. لوبغاړی محمد سپهر سخاوتي

۶. لوبغاړی محمد یوسف مرادي

۷. لوبغاړی سلیمان احمد اشرفي

د افغانستان د بدني روزنې عمومي مشر زياته کړې؛ دغه نړيوالې سيالۍ به د سويس د سيستم له مخې په يوولس پړاوونو کې تر سره شي، چې د سرو زرو، سپينو زرو او برونزو مډالونو له سياليو وروسته به د نړۍ د شطرنج لوبډلې اتل، دوه يم مقام او درېيم مقام خپل کړي. دغه راز په پېنځه کټګوریو کې، یاد شوي مډالونه به هم ورکړ شي.

غوره لوبغاړیو ته ځانګړي مډالونه هم ورکول کیږي.

دا سیالۍ به د اګست پر ۱۰ پای ته ورسیږي.

Continue Reading

Trending

Copyright © 2022 Ariana News. All rights reserved!