Connect with us

تازه خبرونه

افغان حکومت به د سولې د خبرو په بهانه انس حقاني چا ته د ډالۍ په توګه ورنکړي- مرتضوي

خپور شوی

 په

(Last Updated On: کب ۴, ۱۳۹۷)

د ولسمشر د ویاند مرستیال ویلي، چې افغان حکومت به د سولې د خبرو په بهانه انس حقاني چا ته د ډالۍ په توګه ورنکړي او په دې اړه به د افغانستان د قوانینو پر بنسټ پرېکړه وشي.

ولسمشرۍ ماڼۍ دا ټینګار هم وړاندې کړ، چې د هیڅ هېواد په سپارښتنه  او په هیڅ صورت کې به انس حقاني د سولې په پلمه د چا لپاره ډالۍ ورنکړ شي.

د شنبې پر ورځ( د کب ۴) د آریانا نیوز په یوه مناظره کې د ولسمشر د ویاند مرستیال سید شاه حسین مرتضوي دغه څرګندونې د طالبانو په مرکچي ډله کې د انس حقاني د نوم شاملولو په غبرګون کې کړي او د حکومت پر مخالفو سیاستوالو، چې د مسکو په ناسته کې یې له طالبانو سره مخامخ خبرې درلودې نیوکه کړې او دوی ته د بې پروګرامه او امتیاز غوښتوونکي اپوزیسون خطاب وشو او وایي، چې دغه سیاسي شخصیتونه  د افغانستان په مهمو ناستو کې د خلکو د استازیتوب توان نلري.  

د ولسمشر د ویاند مرستیال د طالبانو د مرکچي ډلې مشر عباس ستانکزی شرابي بولي او وایي،  چې د مسکو په ناسته کې یې سیاست والو ته د اسلام پېژندنې درس ورکړ.

د ولسمشر د ویاند مرستیال سید شاه حسین مرتضوي وایي؛ ښاغلی ستانکزی، چې د ملا محمد عمر په پېر کې یې د شراب څښلو پر جرم ټيټه دنده درلوده؛ افغان سیاستوالو ته یې د اسلام پېژندنې درس ورکړ؛ خو زمونږ دغو ښاغلیو، چې ۱۷ کاله په حکومت کې دنده لرله د ستانکزي پر وړاندې یې د ولسمشر غني له حکومته دفاع ونکړه او د خپلو کارنامو او کړنو ننګه یې وړاندې کړه.                    

په پاکستان کې د افغانستان پخواني سفیر او د مسکو ناستې برخوال عمر زاخېلوال د نوموړي خبرو ته په غبرګون کې څرګنده کړه؛ هغو کسانو، چې تاسې وایئ ستانکزي درس ورکړ؛ هغوی د اوسني نظام بنسټوال دي. په مسکو کې یې لکچر ندی اوریدلی، بلکې طالبانو ته یې لکچر ورکړی دی.   

داسې ښکاري، چې د سولې بهیر په تړاو د حکومت او سیاسي څېرو تر منځ اجماع شتون نلري او دواړه خواووې متفاوت نظریات لري. هغه څه، چې د سولې هڅو په وړاندې یو کلیدي او کړکیچ زیږونکی خنډ ګڼل کیږي.

سیاسي فعال وحید مژده وایي؛ اشرف غني ونشو کولی، چې اجماع رامنځته کړي؛ شرایط تر ډېره  د داکتر نجیب پېر ته ورته ښکاري. که حالات همداسې روان وي، هغه وخت کودتا وشو اوس کیدی شي ستر سیاسي بحرانونه رامنځته شي.           

داسې خبرې کیدې، چې له امریکا سره د طالبانو د مذاکراتو په لړ کې له زندان څخه د حقاني شبکې د مشر سراج الدین حقاني د زوی او د سراج الحق حقاني د ورور انس حقاني خوشې کولو ته زمینه برابره کړي؛ ځکه د هغه نوم د مرکچي پلاوي په نوملړ کې راغلی دی.

تازه خبرونه

اسلامي امارت له رسنیو خپل ملاتړ روان ساتي – مجاهد

خپور شوی

په

توسط

(Last Updated On: غویی ۲۹, ۱۴۰۱)

د اسلامي امارت ویاند ویلي، چې حکومت له رسنیو او خبریالانو سره همکاري کوي او رسنۍ دې هم په خپلو خپرونو کې اسلامي ارزښتونه، د رسنیو اصول او ملي ګټې په پام کې ونیسي.

د اسلامي امارت ویاند ذبیح الله مجاهد نن پنجشنبه د غويي ۲۹ د مطبوعاتو د آزادۍ د نړیوالې ورځې په نمانځغونډه کې څرګنده کړې چې د رسنیو د سرغړونو کمیسیون نن خپل کار پیل کړی او اطلاعاتو ته د لاسرسي هغه به هم په نږدې راتلونکي کې خپل کار پیل کړي.

د ذبیح الله مجاهد د څرګندونو له مخې؛ اسلامي امارت د اسلامي شریعت په چوکاټ کې د رسنیو ملاتړ ته ژمن دی. نوموړي پر رسنيو غږ وکړ، چې په خپلو خپرونو کې ملي ګټې او اسلامي ارزښتونه پام ونيسي.

نوموړی وایي: حکومت له رسنیو سره اقتصادي ملاتړ ته دوام ورکوي او مونږ غواړو، چې د رسنیو ستونزې صفر ته راکښته کړو.

هغه له رسنیو وغوښتل، چې د اسلامي اصولو پر بنسټ د رسنیو فعالیت تروان وساتل شي.

د اطلاعاتو او فرهنګ وزارت د معلوماتو له مخې، د تېر حکومت له نسکورېدو وروسته اوسمهال په هېواد کې ۱۹۸ چاپي او غږیزې رسنۍ شته، چې ۱۷۰ رسنۍ له اقتصادي ستونزو له کبله تړل شوې دي.

د اطلاعاتو او فرهنګ وزارت د خپرونو مشر عبدالحق حماد ويلي: ډېري رسنۍ، چې بندې دي؛ مسوولين يې له افغانستان څخه وتلي او نورې يې د بهرنيانو په ملاتړ پورې تړلې وې، چې اوس فعالې ندي.

په افغانستان کې وروستیو سیاسي پرمختګونو د رسنیو پر وضعیت هم اغېز کړی، چې د راپورونو له مخې د یو شمېر رسنیو د تړل کېدو له کبله د رسنیو شاوخوا ۶۰۰۰ کارکوونکطو خپلې دندې له لاسه ورکړې دي.

Continue Reading

تازه خبرونه

امریکا له پاکستان سره د اړیکو پراخولو هڅه کوي – انتوني بلینکن

خپور شوی

په

توسط

(Last Updated On: غویی ۲۹, ۱۴۰۱)

د امریکا د بهرنیو چارو وزیر انتوني بلینکن د چارشنبې پر ورځ د پاکستان له بهرنیو چارو وزیر بلاول بوټو زرداري سره د اړیکو او ملګرتیاوو پر پراخولو خبرې وکړې.

د امریکا د بهرنیو چارو وزیر له خپل پاکستاني سیال سره په افغانستان کې د ثبات پر ټینګښت ټینګار کړی دی.

د امريکا د بهرنيو چارو وزير ويلي، چې پاکستان د امريکا لپاره د يوه ستراتيژيک ملګري په توګه خپل دريځ ساتلى او واشنګټن ژمن دی، چې د پاکستان له نوي حکومت سره د دواړو هېوادونو لپاره د ترهګرۍ د خطر په ګډون پر سيمه ييزو ستونزو کار وکړي.

د پاکستان د بهرنیو چارو وزیر، چې ظاهراً د خواړو د خوندیتوب په نړیواله غونډه کې د ګډون لپاره امریکا ته تللی، وايي؛ له امریکا سره د اړیکو بیارغول او د باور رامنځته کول یې بنسټیزه موخه ده.

امريکا ته له تللو يو ساعت وروسته بلاول بوټو زرداري له خپل امريکايي سيال انتوني بلينکن سره ليدنه وکړه، چې له امريکا سره يې د پياوړیو او ښو اړيکو پر لرلو ټينګار وکړ.

د پاکستان د بهرنیو چارو وزیر بلاول بوټو ویلي؛ پاکستان د ترهګرۍ په ګډون له ډېرو ستونزو سره مخ دی او نن زه خوشحاله یم، چې دواړه هېوادونه د خپلو اړیکو نوی پړاو پیلوي او مونږ د ښې او پراخې همکارۍ او اړیکو هیله لرو.

په دې کتنه کې دواړه هېوادونه دې هوکړې ته ورسېدل، چې له ترهګرۍ سره به ګډه مبارزه کوي.

دوی په افغانستان کې د ثبات پر تامین هم ټینګار شوی دی.

د امریکا د بهرنیو چارو وزیر انتوني بلینکن وایي: مونږ پر ډېرو مسایلو خبرې وکړې او دواړه هېوادونه په ګډه کار کوي. مونږ د امنیتي مسایلو، تروریزم او د دواړو هېوادونو ترمنځ د پراخو او هر اړخیزو اړیکو  پر پیاوړتیا وغږیدو.

له دې لیدنې مخکې دواړو لوریو د دوه اړخیزو اړیکو، سیمه ییزو پرمختګونو او د افغانستان پر وضعیت خبرې وکړې.

د امریکا او ترکیې د بهرنیو چارو وزیرانو هم د خواړو د خوندیتوب د نړیوالې غونډې په څنډه کې د افغانستان په اړه خبرې کړې دي.

Continue Reading

تازه خبرونه

د خوراکي توکو د نړیوال بحران مخه باید ونیول شي – م.م

خپور شوی

په

توسط

(Last Updated On: غویی ۲۹, ۱۴۰۱)
د م.م عمومي منشي انتونیو ګوترش په نیویارک کې د نړۍ د خوراکي توکو د تامین په یوه لویه غونډه کې ویلي، جګړې په لسګونه میلیون انسانان د خوراکي‌ توکو د کموالي له تهدید سره مخ کړي‌ دي.

نوموړي زیاته کړې؛ له دغه کړکیچ وروسته ممکن خوارځواکي، لوږه او پراخه  قحطي د کلونو لپاره پاتې شي.

ګوتیریش او نورو چارواکو له روسیې وغوښتل، چې د اوکراین د غله جاتو صادراتو ته اجازه ورکړي. روسیه او اوکراین یوازې د نړۍ ۳۰ سلنه غنم تولیدوي.

پر اوکراین د روسیې برید او په ځواب کې پرهغه هېواد د نړیوالې ټولنې اقتصادي بندیزونه د دې لامل شول، چې د دواړو هېوادونو د غنمو، کیمیاوي سرې او نورو توکو د صادراتو په بهیر کې خنډ او خنډ رامنځته شي.

دغه بدلونونه همدارنګه د نړۍ په پرمختللیو هېوادونو کې د خوراکي‌ توکو او تېلو د قیمتونو د لوړیدو لامل شوي دي.

د ملګرو ملیتونو سرمنشي انتونیو ګوترش وایي: په اوکراین کې کړکېچ او روانې جګړې پر میلیونونه خلک د خوراکي توکو له ناامنۍ یا د خوارځواکۍ، لوږې او پراخې قحطۍ سره مخ کړي دي. یو داسې بحران، چې که حل نشي، کیدای شي د کلونو لپاره دوام وکړي.

 د افغانستان  په  بازارونو کې هم خلک د لومړینو خورا کې توکو د قیمتونو له لوړیدو اندېښنه ښیي او له  اسلامي امارته غوښتنه کوي، چې په هېواد کې د خواړو توکو د قیمتونو د کنټرول تر څنګ باید د ستراتیژیکو زیرمو په منظم  کولو کار پیل کړي، چې د خواړو له مصونیت برخمن پاتې شوو.

د کابل اوسیدونکي غلام سخي ویلي؛ مونږ ورځ تر بلي د خوراکي توکو له ستونزو سره مخ کیږو. اوس زمونږ هر څه  مخ پر قیمته کیدو ډي؛ اوړه، غوړي، وریجي او داسي نور توکي. 

د بلخ اوسیدونکي قربان ویلي؛ کار نشته، غربي نشته. بیخي حیران یم، چې څه چاره وکړم. هره ورځ قیمتونه پر لوړیدو روان دي. سړی څه وکړي په دې برخه کې هیڅ نه پو هیږو.

د اقتصادي چارو کارپوهان د افغانستان له اسلامي امارته غوښتنه کوي، چې د خواړو د راتلونکي نړیوال بحران د مدیریت لپاره باید د سترا تیژیکو او لومړینو تو کو زیرمې جوړې کړي.

Continue Reading

Trending

Copyright © 2022 Ariana News. All rights reserved!