Connect with us

نړۍ

امریکا، جنوبي کوریا او جاپان د دفاعي توغندیو ګډه روزنه ترسره کړه

Published

 on

(Last Updated On: زمری ۲۵, ۱۴۰۱)

له پنځو کلونو وروسته امریکا، جنوبي کوریا او جاپان د شمالي کوریا او چین د ګواښونو په غبرګون کې د بالستیک توغندیو پر ضد ګډه دفاعي روزنه ترسره کړه.

پنټاګون د سې شنبې پر ورځ (د زمري پېنځه ویشتمه) اعلان وکړ، چې دغه هېواد له جنوبي کوریا او جاپان سره په ګډه د هاوايي له سواحلو د بالستیک توغندیو پر ضد دفاعي پوځي روزنه ترسره کړې ده.

د رویترز د څرګندونو له وخې، دا پوځي روزنه تېره اوونۍ ترسره شوې او ښيي، چې د شمالي کوریا او چین له ګواښونو سره د مقابلې لپاره د دغو درې هېوادونو ګډه روزنه یو ځل بیا پیل شوې ده.

د پنټاګون په څرګندونو کې راغلي: په دې څو مليتي پوځي روزنه کې، چې د اګست له ۸ څخه تر ۱۴ پورې د توغندیز ګواښ، د بالستیک توغندیو څارل او پوځي لاسوهنې د مخنیوي لپاره درې واړو هېوادونو د شمالي کوریا ننګونو ته د ځواب ویلو لپاره د ګډ امنیت ساتنې او د نړیوال قانون پر بنسټ د اړوند سیستم پیاوړتیا ته ژمن پاتې دي.

دا لومړی ځل دی، چې درې واړه هېوادونه له ۲۰۱۷ کال راپدیخوا ګډه پوځي روزنه ترسره کوي. د سیول او توکیو ترمنځ اړیکې په ۲۰۱۹ کې ډېرې خړې پړې وې. په ۱۹۴۵-۱۹۱۰ کلونو کې د کوریا ټاپو وزمه جاپان ونیوله او له همغه وخته پرې اړیکې تر ټولو ټیټې کچې ته رسېدلي دي.

کله، چې د جنوبي کوریا نوي محافظه کاره ولسمشر یون سوک یول د می په میاشت کې واک تر لاسه کړ؛ نو خپل دا ټینګار یې څرګند کړ، چې د ګډو پوځي روزنو له بیا پیلولو یا پراخولو سره به د شمالي کوریا  له ګواښونو سره د مقابلې لپاره له جاپان او امریکا سره اړیکې پراخې او پیاوړې کړي.

نړۍ

شمالي کوریا یو ناپېژندل شوی بالستیک توغندی توغولی

Published

on

(Last Updated On: تله ۳, ۱۴۰۱)

د جنوبي کوریا پوځ ویلي، شمالي کوریا د جاپان ختیځ سمندرګي ته یو ناپېژندل شوی بالستیک توغندی توغولی دی.

د جنوبي کوریا پوځ په یوه بیان کې ویلي؛ د توغندي پر کچه، لوړوالي او چټکتیا دمګړۍ څېړنې روانې دي.

د رویترز خبري آژانس د راپور له مخې؛ ویل کیږي، چې د شمالي کوریا توغندی د جاپان له ځانګړې اقتصادي سیمې بهر غورځېدلی دی.

دا ازمایښت یوه ورځ وروسته له هغه کیږي، چې د سویلي کوریا پوځ د شنبې پر ورځ ویلي، چې شمالي کوریا د هېواد ختیځ ساحل ته څېرمه له یوه اوبتله د بالستیک توغندي د توغولو هڅه کوي.

د رونالډ ریګن یو ایس ایس الوتکې لېږدوونکې بېړۍ د امریکا او جنوبي کوریا ترمنځ په ګډو روزنیزو هڅو کې د ګډون لپاره پرون د جنوبي کوریا د بوسان بندر ته ننوتې ده.

د دغه راپور له مخې؛ امریکايي چارواکي د شمالي کوریا وروستي پرمختګونه له نږدې څاري.

د امريکا د پوځي سرچينو د څرګندونو له مخې؛ د شمالي کوریا د شمال ختيځ د سينپو په ساحلي ښار کې د دغه هېواد د اټومي ازموينې د فعاليتونو نښې ليدل شوې دي.

د امریکا د ولسمشر مرستیاله کمالا حارث د دوشنبې پر ورځ د تلې څلورمه جاپان ته په څلور ورځني سفر ځي او بیا به جنوبي کوریا هم سفر وکړي.

هاریس جاپان ته په خپل سفر کې د جاپان د پخواني لومړي وزیر په جنازه کې ګډون کوي.

هارس به د پنجشنبې پر ورځ (د تلې ۷ ) د جنوبي کوریا له ولسمشر یون سوک یول سره هم وګوري.

دا په داسې حال کې ده، چې سویلي کوریا او امریکا به د روانې میاشتې په پای کې د امریکا د اټومي الوتکې لېږدوونکې بېړۍ په روزنیزو هڅو کې برخه واخلي.

Continue Reading

نړۍ

اوکراین د روسیې لخوا د خپلو ۲۱۵ جنګي بندیانو د خوشي کولو اعلان وکړ

Published

on

(Last Updated On: وږی ۳۱, ۱۴۰۱)

د اوکراین یوه جګپوړي چارواکي د وږي پر ۳۰ ویلي؛ روسیې د لوړ پوړیو نظامي چارواکو په ګډون ۲۱۵ اوکراینیان خوشې کړي، چې د ماریوپول په بندري ښار کې له اوږدې جګړې وروسته نیول شوي وه.

د ولادیمیر زیلینسکي د دفتر مشر اندري یرماک ویلي؛ اوکراین هم ۵۵ روسي بندیان خوشي کړي دي.

د رویترز د راپور له مخې؛ ولادیمیر یرماک زیاته کړې، چې په خوشې شویو بندیانو کې د ازوف د یوې پوځي فرقې د قومندان او مرستیال په ګډون هغه سرتېري شته، چې په ماریوپول کې یې د روسي ځواکونو پر ضد زیاتې جګړې کړي دي.

رویترز څرګنده کړې، چې د اوکراین د وسلوالو ځواکونو یو قومندان سرګې ولینسکي هم په خوشې شویو کسانو کې دی.

په خوشې شویو کسانو کې هغه کسان هم شته، چې د اوکراین په ماریوپول ښار کې د فولادو د فابریکې د محاصرې پر مهال د څو اوونیو لپاره د روسي ځواکونو پر وړاندې ټینګار کړی و.

یرماک زیاته کړې؛ د دې د روسیې د دې کار په بدل کې کیف هم ۵۵ روسي بندیان خوشې کړي او همدارنګه د یوه روسي پلوه ګوند مشر ویکتور میدویدچوک، چې د خیانت له تورونو سره مخ دی هم خوشې کړی دی.

له دې مخکې سعودي عربستان اعلان کړی و، چې روسیې د سعودي د ولیعهد محمد بن سلمان پر منځګړتوب په اوکراین کې نیول شوي لس بهرني جنګيالي خوشې کړي دي.

Continue Reading

نړۍ

شمالي کوریا پر روسیې د وسلو او مهماتو پلورل رد کړل

Published

on

(Last Updated On: وږی ۳۱, ۱۴۰۱)

شمالي کوریا د چارشنبې پر ورځ ( د وږي ۳۰) په ډاګه کړې، چې روسیې ته یې هیڅکله وسلې او مهمات ندي لېږلي او نه یې هم پلان لري.

دغه هېواد امریکا ته خبرداری ورکړی، چې د هېواد د ورانولو په هدف د افواهاتو له خپرولو دې ډډه وکړي.

د رویترز خبري آژانس په ډاګه کړې؛ د شمالي کوریا رسمي خبري آژانس د شمالي کوریا د دفاع وزارت د څرګندونو له مخې څرګنده کړې؛ په دې وروستیو کې امریکا او نورو مخالفو ځواکونو د ملګرو ملتونو د امنیت شورا له پرېکړه لیک څخه سرغړونه کړې او د وسلو د معاملې په اړه ګونګوسي خپاره کړي. مونږ هیڅکله هم روسیې ته مهمات یا وسلې صادرې کړې ندي او مونږ داسې کوم پلان نلرو.

د روانې میاشتې په پیل کې د امریکا د بهرنیو چارو وزارت مرستیال ویاند ویدانت پتېل ​​ادعا کړې وه، چې روسیه له شمالي کوریا څخه په میلیونونو راکتونه او توپونه اخلي، چې د اوکراین په جګړه کې ترې کار واخلي.

له هغې وروسته د سپینې ماڼۍ د امنیت شورا ویاند جان کربي اعلان وکړ؛ شونې ده، چې روسیه له شمالي کوریا څخه دا ډول وسلې وپېري.

هغه زیاته کړې؛ داسې کومه نښه نشته، چې دا وسلې خامخا اخیستل شوې وي او یا په اوکراین کې کارېدلي وي.

روسیې هم دا ډول ادعاوې رد کړي او له امریکا یې غوښتي، چې په دې اړه شواهد وړاندې کړي.

روسیې او شمالي کوریا په دې وروستیو کې خپلې اړیکې پیاوړې کړې دي.

تېره میاشت د روسیې ولسمشر ولادیمیر پوتین د شمالي کوریا د خپلواکۍ د ورځې په مناسبت د شمالي کوریا مشر کیم جونګ اون ته یو لیک استولی و، چې په کې یې لیکلي وه؛ دواړه هېوادونه به د ګډو هڅو له لارې خپلې هر اړخیزې او رغنده دوه اړخیزې اړیکې پراخې کړي.

د پوتین په ځواب کې، کیم جونګ اون لیکلي: په ورته وخت کې له موجوده ګواښونو سره د مبارزې لپاره ګډې هڅې، ستراتیژیکې او تاکتیکي همکارۍ، د دواړو هېوادونو ترمنځ ملاتړ او پیوستون نوې کچې ته رسیدلی دی.

Continue Reading

Trending

Copyright © 2022 Ariana News. All rights reserved!