Connect with us

تازه خبرونه

امریکایي بندیان به د بندي افغانانو په بدل کې خوشې شي- ذبیح الله مجاهد

د اسلامي امارت ویاند ذبیح الله مجاهد وایي؛ د امریکا یوازې دوه وګړي له مو په بند کې دي او د محمود شاه حبیبي پر نوم کوم څوک له په بند کې نلرو.

خپور شوی

د

(Last Updated On: )

د افغانستان له زندانونو څخه د درې امریکايانو د خلاصون په اړه د امریکا له پرله پسې غوښتنو وروسته د اسلامي امارت ویاند ويلي؛ په افغانستان کې یوازې د امریکا دوه وګړي بندیان دي، چې د ګوانټانامو د افغان بندیانو په بدل کې به خوشې شي.

د اسلامي امارت ویاند وايي، چې محمود شاه حبیبي نومی کوم سړی له اسلامي امارت سره بندي ندی.

د افغانستان لپاره د امریکا ځانګړي استازي په دې وروستیو کې ویلي وه، چې دوی په افغانستان کې د امریکا د درې وګړیو د خوشې کولو او له خپلو کورنیو سره یې د یوځای کولو لپاره کار کوي.

د افغانستان لپاره د امریکا ځانګړي استازي ټام ویسټ ویلي، چې دوی هڅه کوي د اسلامي امارت له منګولو درې بندي امریکايان خوشي کړي او خپلو کورنیو ته یې وسپاري.

ټام ویسټ د جورج ګلزمین، محمود شاه حبیبي او ریان کوربیټ نومونه اخیستي.

ټام ویسټ وایي: مونږ به هڅه وکړو او باید هر هغه څه ته دوام ورکړو، چې مونږ یې کولی شو دوی ( محمود شاه حبیبي، ریان کوربیټ او جورج ګلزمین ) باید خپلو کورنیو ته وسپارو. زمونږ فکرونه او دعاګانې نن ورځ د ریان کوربیټ، محمود حبیبي او د دوی له کورنیو سره دي.

د اسلامي امارت ویاند ذبیح الله مجاهد وایي؛ د امریکا یوازې دوه وګړي له مو په بند کې دي او د محمود شاه حبیبي پر نوم کوم څوک له په بند کې نلرو.

ذبیح الله مجاهد زیاته کړې، چې له امریکا سره د بندیانو تبادله؛ ځکه غواړي، چې افغان بندیان د امریکا له زندانونو په ځانګړي توګه د ګوانتانامو له زندانه راخوشي شي.

امریکايي چارواکو پر ځلونو ویلي، چې له کابل سره د واشنګټن د اړیکو پر وړاندې یو له خنډونو څخه د بندیانو مسله ده.

کارپوهان په دې باور دي، چې اسلامي امارت باید د بندیانو د خلاصون لپاره له امریکا سره خبرې وکړي.

ویل کیږي، چې د امریکا وګړو د اسلامي امارت له قوانینو سرغړونه کړې او له همدې کبله زنداني شوي دي.

تازه خبرونه

ملا برادر د قطر له لومړي وزیر سره وکتل

په دې کتنه کې دواړو خواوو د افغانستان او قطر د اړیکو، اقتصادي مسلو او پانګونې په اړه خبرې وکړې.

Published

on

(Last Updated On: )

د  ریاست الوزراء اقتصادي مرستیالۍ خبر ورکړی، چې نن (پنجشنبه) ملا عبدالغني برادر  قطر ته د خپل سفر په بهیر کې د قطر له لومړي وزیر محمد بن عبدالرحمن آل ثاني سره ولیدل.

په دې کتنه کې دواړو خواوو د افغانستان او قطر د اړیکو، اقتصادي مسلو او پانګونې په اړه خبرې وکړې.

دا غونډه د دوه اړخیزو اړیکو د پیاوړتیا او د دواړو هېوادونو ترمنځ د اقتصادي همکارۍ د پیاوړتیا لپاره روانې هڅې روښانه کوي.

Continue Reading

تازه خبرونه

د پاکستان له زندانونو څخه ۶۳ افغان کډوال خوشې شول

دې وزارت د پنجشنبې پر ورځ (د سلواغې پېنځه‌ویشتمه) په یوه مطبوعاتي اعلامیه کې ویلي، چې د افغان کډوالو د ۴ کورنیو په ګډون، چې ۱۵ کسان په کې دي؛ ۴۸ نور انفرادي بندیان هم  د سلواغې پر څلیریشتمه د پاکستان له بند څخه خوشې او هېواد ته راستانه شول.

Published

on

(Last Updated On: )

د کډوالو او راستنیدونکو چارو وزارت ويلي، چې د پاکستان له زندانونو څخه د افغان کډوالو د خوشې کولو د هڅو په لړ کې ۶۳ افغانان د پاکستان له زندانونو خوشې او هېواد ته راولېږدول شول.

دې وزارت د پنجشنبې پر ورځ (د سلواغې پېنځه‌ویشتمه) په یوه مطبوعاتي اعلامیه کې ویلي، چې د افغان کډوالو د ۴ کورنیو په ګډون، چې ۱۵ کسان په کې دي؛ ۴۸ نور انفرادي بندیان هم  د سلواغې پر څلیریشتمه د پاکستان له بند څخه خوشې او هېواد ته راستانه شول.

د کډوالو او راستنیدونکو چارو وزارت د معلوماتو له مخې؛ دا افغان کډوال د پاکستان پولیسو د قانوني اسنادو د نه لرلو له کبله نیولي وه او شپږ ورځې یې په زندانونو کې ساتلي وه.

د کډوالو او راستنیدونکو چارو وزارت زیاته کړې، چې دا کډوال د بشري مرستو له ترلاسه کولو وروسته خپلو اصلي سیمو ته لېږدول شوي دي.

په پاکستان کې د افغان کډوالو د نیولو او بندي کولو لړۍ له هغې وروسته نوره هم وغخېده، چې حکومت غیرقانوني افغان کډوالو ته د ۲۰۲۳ کال د نومبر تر لومړۍ پورې له پاکستان څخه د وتلو لپاره وروستۍ نېټه وټاکله.

Continue Reading

تازه خبرونه

د ملګرو ملتونو امنیت شورا د کندوز ځانمرګی برید وغانده

امنیت شورا دا برید “ترهګریز” وباله او ټینګار یې وکړ، چې ترهګري په خپلو ټولو بڼو او څرګندونو کې د افغانستان او نړۍ د سولې او امنیت لپاره یو جدي ګواښ دی.

Published

on

(Last Updated On: )

د ملګرو ملتونو امنیت شورا په کندوز ولایت کې کابل بانک ته څېرمه د سې‌‌شنبې د ورځې ځانمرګی برید په سختو ټکو کې غندلی دی.

امنیت شورا دا برید “ترهګریز” وباله او ټینګار یې وکړ، چې ترهګري په خپلو ټولو بڼو او څرګندونو کې د افغانستان او نړۍ د سولې او امنیت لپاره یو جدي ګواښ دی.

د امنیت شورا غړو ټینګار کړی، چې د دې ډول بریدونو عاملین، تنظیم کوونکي، تمویل کوونکي او ملاتړ کوونکي مسوول دي او پر محاکمه کولو یې ټینګار کړی دی.

دوی له ټولو هېوادونو غوښتي، چې په دې برخه کې له ټولو اړوند چارواکو سره په فعاله توګه د نړیوال قانون او د امنیت شورا له اړوند پرېکړو سره سم همکاري وکړي.

د یادونې ده، چې داعش په کندوز کې د هغه ځانمرګي برید مسوویت پر غاړه اخیستی، چې د سیمه‌ییزو چارواکو د څرګندونو له مخې؛ په دې برید کې پېنځه کسان وژل شوي او اووه نور ټپیان دي.

Continue Reading
Advertisement

Trending

Copyright © 2024 Ariana News. All rights reserved!