Connect with us

تازه خبرونه

امریکایي ځواکونه وځي او افغانان باید د خپل هېواد د راتلونکي په اړه پرېکړه وکړي – جوبایډن

Published

 on

(Last Updated On: چنګاښ ۵, ۱۴۰۰)

د امریکا ولسمشر جو بایډن پرون جمعه د چنګاښ ۴ له ولسمشر غني سره په لیدنه کې ویلي، چې بهرني سرتېري له افغانستان وځي او افغانان باید د خپل هېواد د راتلونکي په اړه پرېکړه وکړي.

بایډن له افغانستان څخه د بهرنيو سرتېرو پر وتلو ټینګار کړی؛ خو خپل ملاتړ به روان ساتي.

بایډن وایي: افغانان باید د خپل هېواد د راتلونکي په اړه پرېکړه وکړي، چې څه غواړي.

هغه زیاته کړې، بې معنا تاوتریخوالی باید بند شي.

ولسمشر غني د بایډن پرېکړې ته درناوی لري او وایي، چې له افغانستان څخه د بهرنیو ځواکونو له وتلو سره د دواړو هېوادونو اړیکې نوي څپرکي ته وردننه شوې دي.

اشرف غني زیاته کړې، چې افغان امنیتي ځواکونو شپږ ولسوالۍ له وسلوالو طالبانو بېرته نیولې دي.

د امریکا له ولسمشر جوبايډن سره له کتنې وروسته  د افغانستان د ولسمشر اشرف غني یوې خبري غونډې ته وویل، چې له افغانستان څخه د بهرنیو ځواکونو د وتلو په اړه د امریکا پرېکړه خپلواکه ده؛ خو د پایلو  اداره کول یې د کابل مسوولیت دی.

د رویټرز د څرګندونو له مخې؛ بایډن ویلي، چې په کابل کې به د امریکا سفارت خپل کار روان ساتي او د امریکا پوځي مرستې به هم روانې وي.

د ملي پخلاینې عالي شورا مشر عبدالله عبدالله ویلي، چې په دوحه کې د خپلمنځي خبرو اترو مخنیوی باید ونشي؛ خو که طالبان یې وغواړي.

عبدالله عبدالله رویټرز ته څرګنده کړې: زه فکر کوم، چې مونږ باید د سولې خبرې تر هغې بندې نکړو، چې دوی یې پخپله دروازې وتړي. که څه هم د جګړې په ډګر کې پرمختګ شوی، خو مونږ نشو کولی د خبرو اترو دروازه وتړو.

په کابل کې د امریکا پخواني سفیر رونالډ نیومن په دې اړه ویلي: په داسې حال کې، چې مورال خورا ضعیفه دی؛ هرڅوک، چې دا مورال ځواکمن کړي دا به ښه کار وي. د غني بلنه یو ښه ګام دی او مونږ ترې ملاتړ کوو.

له دې مخکې امریکا ولسمشر غني ته یو لیک لیکلی و او له هغه یې غوښتي وه، چې په افغانستان کې له انتقالي حکومت سره هوکړه وکړي.

رویټرز په ډاګه کړې، بایډن د امریکا له کانګرس غوښتي، چې په راتلونکي کال کې له افغانستان سره ۳ اعشاریه ۳ میلیارډ ډالر امنیتي مرسته تصویب کړي.

هغه زیاته کړې، چې امریکا به دغه راز د کرونا ویروس ضد واکسین درې میلیون خوراکه واستوي.

همدارنګه امریکايي چارواکو ویلي، چې جوبایډن به له افغانستان څخه د امریکايي ځواکونو وتل ونه دروي او د طالبانو د بریدونو د درولو لپاره به د امریکا د هوایي ځواکونو ملاتړ هم تائید نکړي.

دا په داسې حال کې ده، چې افغان سیاسي مشرانو پرون له یو شمېر امریکایي چارواکو سره د افغانستان په اړه بحث او خبرې کړې دي.

تازه خبرونه

اسلامي امارت له مخابراتي شرکتونو سره د ۳۶۵ میلیون افغانیو پر ارزښت تړونونه لاسلیک کړل

Published

on

(Last Updated On: غبرګولى ۱۴, ۱۴۰۲)

د یکشنبې پر ورځ  د مخابراتو او معلوماتي تکنالوژۍ وزارت او خصوصي مخابراتي شرکتونو ترمنځ په لریو پرتو سیمو کې د مخابراتي خدمتونو د وړاندې کولو لپاره د ۳۶۵ میلیون افغانیو پر ارزښت تړونونه لاسلیک شول.

د مخابراتو او تکنالوژۍ وزارت د څرګندونو له مخې؛ دا تړونونه د ریاست الوزراء اقتصادي مرستیال ملا عبدالغني برادر او د مخابراتو او معلوماتي تکنالوژۍ وزارت د وزیر مولوي نجیب الله حقاني لخوا له خصوصي مخابراتي شرکتونو سره لاسلیک شول.

په دې کتنه کې ملا عبدالغني برادر ويلي، چې خلکو ته د خدمتونو رسول د حکومت دنده ده او په ټول وس هڅې کوي، چې هېوادوالو ته پر نورو برخو سربېره د مخابراتو په برخه کې هم د لوړ کیفیت خدمتونه برابر کړي.

برادر ویلي: اسلامي امارت په افغانستان کې د پانګونې لپاره کار پیل کړی او د ټولو هغو ملي سوداګرو او پانګوالو د هڅو ستاینه کوي، چې د هېواد د اقتصادي ودې لپاره پانګونه کوي.

دغه تړونونه له افغان بېسیم مخابراتي شرکت AWCC او MTN سره لاسلیک شول.

دواړه شرکتونه به په کندهار، نورستان، بدخشان، روزګان، زابل، کونړ، ننګرهار او کابل ولایتونو کې ۳۳ نوي سایتونه جوړ کړي. دا به په لرې پرتو سیمو کې وي، چې خلک مخابراتي خدماتو ته لاسرسی نلري.

Continue Reading

تازه خبرونه

په هند کې د افغانستان سفارت موضوع داخلي ده – هند

Published

on

(Last Updated On: غبرګولى ۱۴, ۱۴۰۲)

د فساد له راپورونو او په نوي دیلي کې د افغانستان اسلامي امارت د سفارت له څارنې وروسته د هند حکومت ویلي؛ دا د دې هېواد یوه داخلي مسله ده، چې دوی په کې نه ښکېلیږي.

د هندي رسنیو د راپور له مخې؛ اسلامي امارت په رسمي بڼه د سفارت د څارنې د ترلاسه کولو لپاره د سفارت له ټینګار سره مخ دی.

د هند بهرنیو چارو وزارت ویاند اریندام باغچي په یوه خبري کنفرانس کې ویلي، چې دا مسله په هند کې د افغان سفارت داخلي مسله ده.

اریندام باغچي ويلي: زمونږ له نظره؛  دا د افغان سفارت داخلي مسله ده او مونږ هيله لرو، چې دوی به يې په کور دننه حل کړي.

په هند کې د میشتو افغان کډوالو استازیو د روان کال د غویی پر ۲۶ په ديلي کې د افغانستان سفارت چارواکي د سفير په ګډون پر فساد تورن کړي وه، چې سفارت هغه مهال د فساد لګېدلي راپورونه رد کړل او په دې اړه په ډاګه کړې، چې د سفارت کارونه پر پوره ایماندارۍ او روڼتیا روان دي.

Continue Reading

تازه خبرونه

د ملګرو ملتونو امنیت شورا د افغانستان په اړه غونډه کوي

Published

on

(Last Updated On: غبرګولى ۱۴, ۱۴۰۲)

په ملګرو ملتونو کې د عربي متحده اماراتو سفیره او د امنیت شورا د اوسني پړاو مشرې یوې خبري غونډې ته ویلي؛ ټاکل شوې، چې د افغانستان په اړه د امنیت شورا غونډه د غبرګولی پر ۳۱ / د جون پر ۲۱ نېټه جوړه شي.

د امنیت شورا د اوسني پړاو مشره لانا نصیبه وايي؛ افغانستان د ملګرو ملتونو د امنیت شورا د اجندا په سر کې ځای لري.

په ملګرو ملتونو کې د عربي متحده اماراتو سفیره او د امنیت شورا د اوسني پړاو رییسه لانا نصیبه وایي:

مونږ به د جون پر ۲۱ نېټه د افغانستان په اړه یوه غونډه ولرو. د مارچ په میاشت کې مو د افغانستان په اړه ډېرې غونډې درلودې. زمونږ د شورا اصلي موضوع افغانستان دی. زمونږ دنده د افغانستان د وضعیت ارزونه ده. زموږ تمرکز ډېر پر افغانستان دی او مونږ غواړو په افغانستان کې د ښځو د حقونو پر وضعیت کار وکړو، چې کړکېچن حالت لري.

نوموړې ټینګار کوي، چې عربي متحده امارات به د دغې شورا د غړي او د اوسني پړاو د مشر په توګه د افغانستان د قضیې په اړه د غړیو هېوادونو د همغږۍ د ساتلو هڅه وکړي.

لانا نصیبه ټینګار کوي، چې د افغانستان په چارو کې د ملګرو ملتونو ځانګړی همغږي کوونکي فریدون اوغلو به په نومبر میاشت کې د دغه هېواد د وضعیت په اړه امنیت شورا ته د بیاکتنې بشپړ راپور وړاندې کړي.

دغه ترکی دیپلومات یوه میاشت مخکې په افغانستان کې د ملګرو ملتونو د ځانګړي همغږي کوونکي په توګه ټاکل شوی دی.

د راپورونو پر بنسټ، په پام کې ده، چې د دې غونډې یوه مهمه موضوع به په افغانستان کې د ښځو له حقونو څخه سرغړونې وي.

له دې مخکې ملګرو ملتونو په دوحه کې د افغانستان په اړه د تړلو دروازو ترشاه غونډه کړې؛ خو داسې انګېرل کېږي، چې د افغانستان په اړه د ملګرو ملتونو غونډې کومې پایلې ته رسېدلي نه‌دي.

دا په داسې حال کې ده، چې فاکس نیوز د جمعې پر ورځ څرګنده کړې؛ څو امریکايي سناتورانو په افغانستان کې د بشري حقونو د مسلې په اړه د اسلامي امارت پر ضد د نویو بندیزونو لګولو طرحه وړاندې کړې ده.

Continue Reading

Trending

Copyright © 2022 Ariana News. All rights reserved!