Connect with us

تازه خبرونه

امریکا افغانانو ته له ۳۲۷ میلیون دالرو له بشري مرستې خبر ورکوي

Published

 on

(Last Updated On: تله ۲, ۱۴۰۱)

د امریکا د بهرمیو چارو وزیرآنتوني بلینکن تېره ورځ ویلي، چې امریکا به په افغانستان او ګاونډ هېوادونو کې له میشتو افغانانو سره د بشري مرستو په برخه کې شاوخوا ۳۲۷ میلیون دالر مرسته وکړي.

د امریکا بهرنیو چارو وزارت په یوه بیان کې په ډاګه کړې؛ د دې پیسو ۱۱۹ میلیون دالر د امریکا بهرنیو چارو وزارت د وګړیو او کډوالۍ څانګه د ادارې او ۲۰۸ میلیون به د دې هېواد د نړیوال پرمختګ ادارې د بشري مرستو د څانګې له لارې ورکول کیږي.

دغه راز په بیان کې راغلي؛ د ۲۰۲۱ کال له اګست راپدیخوا، چې په کابل کې طالبان بیا واکمن شول، له افغانستان او د کډوالو افغانانو لپاره له ګاونډ هېوادونو سره د امریکا د مالي مرستو کچه یواعشاریه یو میلیارد دالرو ته رسېدلې ده.

د امریکا دا مالي مرسته به په افغانستان او ګاونډ هېوادونو کې د ملګرو ملتونو د وګړیو صندوق، د کډوالۍ نړیوال سازمان او ورته نورو نړیوالو خیریه بنسټونو له لارې ولګول شي.

امریکايي چارواکو ويلي؛ دا مرسته به د بېړنۍ اړتیا لپاره د نغدو پیسو، پناه ځایونو چمتو کولو، د جنسیت پر بنسټ د تاوتریخوالي مخنیوي، روغتیايي خدمتونو او په هېواد کې دننه له بې ځایه شویو خلکو سره د مرستې لپاره وکارول شي او د بشري مرستو دا لړۍ به روانه وي.

امریکا له افغانانو سره دا مالي مرسته په داسې حال کې اعلانوي، چې ملګري ملتونه وايي، د افغانستان نږدې نیمايي نفوس له لوږې سره مخ دی.

تازه خبرونه

US envoy stresses importance of Japan’s contributions to Afghanistan

Published

on

(Last Updated On: ليندۍ ۱۲, ۱۴۰۱)

US special envoy for Afghanistan, Thomas West, has held talks with Japanese officials on humanitarian needs, human rights and political dialogue during his two-day visit to the country.

“Japan has been a friend of the Afghan people and our partner there for over 20 yrs, and we deeply appreciate Japan’s active diplomacy and continued generosity today,” West said on Twitter on Saturday.

“We are always stronger, on every challenge, when we act together with allies. True in Afghanistan – we’ll continue to need Japan’s expertise and diverse contributions,” West said.

The envoy also said that he got “sage advice” from Tadamichi Yamamoto, a Japanese who served as UN envoy for Afghanistan during 2016-2020.

He also discussed the economic strategy with Japan International Cooperation Agency.

West’s Japan visit was part of his tour to the region that includes India and the United Arab Emirates.

West is expected to consult with partners and Afghans regarding the humanitarian and economic crises in Afghanistan, protection of Afghans’ rights, and shared security concerns, according to a statement from the US State Department.

Continue Reading

تازه خبرونه

د پاکستان پر سفارت برید کوونکي به عدالت ته راکاږل شي – متقي

Published

on

(Last Updated On: ليندۍ ۱۲, ۱۴۰۱)

د اسلامي امارت د بهرنیو چارو وزیر امیرخان متقي خپل پاکستاني سیال بلاول بوتو زرداري ته تیلیفوني ډاډ ورکړی، چې په کابل کې د پاکستان پر سفارت د پروني برید عاملین به د عدالت منګولو ته وسپارل شي.

د جمعې پر ورځ د لیندۍ ۱۱ د کابل د کارته پروان په اړوند سیمه کې د دغه سفارت پر انګړ وسلوال برید شوی، چې یو ساتونکی یې ټپي دی.

پولیسو ویلي، چې ډزې له یوې ودانۍ شوي او یو شکمن کس نیول شوی دی.

د افغانستان د بهرنیو چارو وزارت د خبرپاڼې له مخې؛ امیر خان متقي د دغه برید د غندلو تر ځنګ، بلاول بوتو زرداري ته ډاډ ورکړ، چې اسلامي امارت به د سفارت امنیت ته ځانګړې پاملرنه وکړي.

د پاکستان د بهرنیو چارو وزارت په یوه خبرپاڼه کې ویلي، د پاکستان د بهرنیو چارو وزیر د اسلامي امارت د پیوستون او خواخوږۍ له کبله مننه کړې او ټینګار کوي، چې په افغانستان کې د پاکستان د دیپلوماتیک پرسونل خوندیتوب او ساتنه خورا اړینه ده. افغان حکومت باید د ترهګرو مخه ونیسي؛ ځکه، چې هغو غواړي د پاکستان او افغانستان اړیکې خرابې کړي.

زرداري همدا راز له ترهګرۍ سره د مبارزې په برخه کې د پاکستان پر ټینګې ژمنې ټینګار وکړ او څرګندوي، چې پاکستان به د دغه ډول بزدلانه بریدونو مخه ونیسي.

دا په داسې حال کې ده، چې پاکستان د بهرنیو چارو وزارت ویاند ویلي؛ له کابله د سفارت د تړلو یا د دیپلوماتانو د ایستلو کوم پلان نلري.

Continue Reading

تازه خبرونه

د سمنګان ولایت په مدرسه کې چاودنه په پراخه کچه وغندل شوه

Published

on

(Last Updated On: ليندۍ ۱۰, ۱۴۰۱)

د سمنګان ولایت د مرکز ایبک ښار په الجهادي نومې مدرسه کې د چارشنبې خونړۍ چاودنې، چې له یو شمېر ماشومانو او تنکيو ځوانانو یې خوږ ژوند واخیست او یو شمېر نور یې ټپیان کړل؛ ملي او نړیوال غبرګونونه راوپارول.

د کورنیو چارو وزارت ویاند عبدالنافع ټکور ویلي: نن ماسپښین د سمنګان ولایت مرکز ایبک ښار په یوه دیني مدرسه کې چاودنه رامنځته شوې، چې له کبله یې شاوخوا ۱۰ زدکوونکي وژل شوي او یو شمېر نور ټپیان دي.

د افغانستان لپاره د امریکا ځانګړي استازي توماس ویست په یو لړ تویتونو کې دا برید وحشتناک بللی دی.

ویست څرګنده کړی: ټول افغان ماشومان حق لري، چې پرته له وېرې مدرسې ته ولاړ شي؛ امریکا د بې ګناه ملکي وګړیو پر وړاندې دا بې رحمانه بريد غندي.

د بښنې نړیوالې ټولنې دغه چاودنه خواشینوونکې نومولې او په یوه تویت کې یې زیاته کړې، چې دا نړۍ وریادوي، چې د افغانانو کړاوونه اوس هم پای ته ندي رسیدلي.

د بښنې نړیوال سازمان ویلي، افغانستان د نړۍ پام غواړي او د دغه هېواد د خلکو د خوندیتوب لپاره باید کلکې هڅې وشي او د دغه ډول بزدلانه بریدونو مسوولین محاکمه شي.

د ملګرو ملتونو د ماشومانو وجهي صندوق (یونیسف) هم په خپل غبرګون کې څرګنده کړې، چې د دغې چاودنې له کبله سخت خواشیني شوي دي.

یونیسف زیاته کړې، چې د روان کال په لومړۍ نیمایي کې هم لږ تر لږه ۲۸۸ ماشومان وژل شوي یا ټپیان شوي، چې په هغو کې پر ښوونځیو او تعلیمي چاپېریال بریدونه هم شامل دي.

د دې ادارې د څرګندونو له مخې؛ داسې انګیرل کیږي، چې اصلي شمېر خورا لوړ دی.

د ملګرو ملتونو د ماشومانو وجهي صندوق ویلي، چې ماشومان باید هیڅکله د تاوتریخوالي هدف نه وي.

د ناروې د بهرنیو چارو وزیرې انیکن هویتفیلد دغه چاودنه غندلې او خپله خواشیني داسې څرګندوي: د افغانستان په سمنګان ولایت کې پر یوه ښوونځي برید حشتناکه و؛ ځکه، چې بې ګناه خلک او زدکوونکي یې ووژل او ټپیان کړل. دا ظلمونه یوازې په افغانستان کې د بحرانونو ګڼه ګوڼه زیاتوي. زما فکر د قربانیانو کورنیو او د دوی عزیزانو ته ورګرزي.

جرمني هم د سمنګان په ښوونځي کې چاودنه غندلې او ویلي یې دي، چې ماشومان باید له وېرې او زیان پرته ښوونځي ته ولاړ شي.

د آلمان د بهرنیو چارو وزارت څرګنده کړې؛ مونږ د افغانستان په شمال ایبک ښار کې پر یوه ښوونځي د برید په اړه د ماشومانو او ځوانانو په ګډون د ګڼو کسانو د وژل کېدو او ټپي کېدو د راپورونو له کبله ټکان وخوړ. ماشومان باید پرته له وېرې او زیان ښوونځي ته ولاړ شي. زموږ فکرونه د هغو کسانو سره دي چې د خپلو عزیز پر وژل کېدو غمجن دي.

د سمنګان ولایت د اطلاعاتو فرهنګ رییس امدادالله مهاجر ويلي، د چارشنبې پر ورځ د سمنګان ولایت مرکز ایبک ښار ته څېرمه په جهاديه مدرسه  کې د لمانځه پر مهال چاودنې ١٥ زدکوونکي وژلي او يو شمېر نور ټپيان دي.

دغه برید په کور دننه هم په پراخه کچه وغندل شو.

د اوسني حکومت سیاسي مرستیال مولوي عبدالکبیر د سمنګان په دیني مدرسه کې چاودنه پر کلکو ټکو غندلې او ویلي یې دي، چې دا د ټولو اسلامي او بشري اصولو خلاف او د نه بخښلو وړ جنایت دی.

مولوي کبیر تویت کړی د افغانستان او اسلام دښمنانو په دې برید د قرآن او سنتو زدکوونکي زیانمن کړل او له اسلام سره یې خپله دښمني څرګنده کړه. زه ډاډ درکوم، چې د دغه جنایت عاملین به بې ځوابه پاتې نشي.

د کورنیو چارو وزارت هم چاودنه تائید کړې ده.

د کورنیو چارو وزارت ویاند عبدالنافع تکور وايي:د سمنګان د مرکز ایبک په یوه دیني مدرسه کې چاودنې ۱۰ زدکوونکي وژلي او ګڼ نور یې ټپیان کړي دي.

په ټولنیزو رسنیو کې راپورونه ښيي، چې د تلفاتو شمېر له دې ډېر دی.

د سمنګان د ولایتي روغتون چارواکي وايي، د دغه ولایت په جهاديه مدرسه کې د چاودنې د قربانیانو شمېر ۱۹  کسانو  ته رسیدلی دی. د دغه روغتون رییس زیاتوي، د پېښې ۹ ټپيان، چې روغتیايي وضعیت نازک و د بلخ ولایت حوزوي روغتون لېږدول شوي دي.

تر اوسه کومې ډلې د دې چاودنې مسوولیت پر غاړه ندی اخیستی.

په همدې حال کې اسلامي امارت وايي، چې د دې چاودنې د څرنګوالي په اړه یې پلټنې پیل کړي او ډېر ژر به د دغې پېښې عاملین وپېژندل شي او مجازات به شي.

Continue Reading

Trending

Copyright © 2022 Ariana News. All rights reserved!