Connect with us

تازه خبرونه

امریکا افغان صندوق ته د افغانستان بانک د کنګل شویو نیمایي شتمنیو د لېږدولو موخه څرګنده کړه

خپور شوی

د

(Last Updated On: وږی ۲۴, ۱۴۰۱)

د افغانستان بانک د امریکا د بهرنیو چارو وزارت له هغه پرېکړې سره مخالفت څرګند کړ، چې غواړي د افغانستان د کنګل شویو شتمنیو درې اعشاریه ۵ میلیارد دالر په سویس کې جوړېدونکي افغان صندوق ته د لګښت لپاره ولېږدوي.

د امریکا د بهرنیو چارو وزارت ویاند ند پرایس څرګنده کړې؛  د امریکا د بهرنیو چارو او خزانې وزارتونو د جو بایدن له اجرائیوي فرمان سره سم د “افغان صندوق” د رامنځته کېدو اعلان وکړ، چې د افغانستان د خلکو په ګټه د ۳ اعشاریه ۵ میلیارد دالرو د لګولو غوښتنه کوي.

ند پرایس زیاته کړې، چې د افغانانو له کنګل شویو شتمنیو څخه ۳ اعشاریه ۵ میلیارد دالر به ډېر ژر د دغه افغان صندوق له لارې دوی ته ور وګرزي.

د دغه وزارت ویاند ند پرایس د یوې خبرې ناستې پرمهال ټینګاروکړ، چې دا شتمني به سویس ته انتقال کړي او د افغانستان اسلامي امارت به ورته لاسرسی و نلري.

د امریکا د بهرنیو چارو وزارت ویاند ند پرایس ویلي؛ طالبان د دې مالي میکانیزم برخه ندي او د پیسو آزادېدل د افغانانو په ګټه دي. له دې شتمنیو به په څرګنده بڼه ساتنه کېږي او له بې ځایه لګښت او ناوړه ګټنې څخه به یې د ساتنې لپاره څارنه روانه وي.

د افغانستان بانک د امریکا له دې پرېکړې سره ، چې د افغانستان دا ملي شتمني دې سویس ته انتقال شي؛ خپل مخالفت څرکند کړی او د امریکا له حکومته یې غوښتنه کړې، چې پخپله پرېکړه دې له سره غور وکړي.

د افغانستان بانک په ډاګه کړې؛ د افغانستان بانک ته په داسې نا مرتبطه برخو کې د دغو زیرمو تخصیص او کارونه دوی ته د منلو نده او د امریکا له متحده ایالتونو غوښتنه کوو، چې پخپله پرېکړه له سره غور وکړي.

د افغانستان د خصوصي سکتورغړي هم د افغانستان بانک د کنګل شويو پیسو د یوې برخې سویس هېواد ته لېږدول د یو شمېر کړیو لخو د افغانستان د دې پانګې پرضد یوه سیسه بولي او اندېښنه څرګندوي، چې ښايي د پیسو حیف او میل پیل او دا ملي شتمني له ګواښ سره مخ شي، چې دا د فغانانو په حق کې جفا ده.

دوی بل هېواد ته د افغانستان د پیسو لېږدول د افغانستان د ملي پانګې پر ضد یوه منفي دسیسه بولي.

د افغان انویست شرکت مشر شېرباز کمین زاده وایي: زما له نظره دا د افغانستان د اقتصاد لپاره ګټه نلري، بلکې زمونږ ملي اقتصاد ته نورۍ ستونزې جوړوي. دا پیسې باید اول افغانستان ته راشي، کنه؛ نو په امریکا کې دې بندې اوسي.

د صنعت او سوداګرۍ خونې مرستیال سخي احمد پیمان وایي: زما له نظره که امریکا زمونږ پیسې آزادوي؛ باید د افغانستان بانک ته يي ورکړي، درېیم هېواد کې د یوې ادارې لخوا یې څارنه دا پیسې د حیف او میل له خطر سره مخ کوي.

اقتصادي شنونکی تاج محمد تلاش وایي: زما له نظره د امریکا د حکومت وروستۍ پرېکړه د افغانستان د ملي پانکې په هکله بیخي ظالمانه ده او باید له افغانانو سره دا ظلم ونشي.

پخواني ولسمشر حامد کرزي په یوه تویت کې څرګنده کړې، چې د افغانستان د کنګل شویو شتمنیو په تړاو هڅ ډول پرېکړه ( وېش یا بل هېواد ته سپارل) د منلو وړ نده او دا شتمنۍ باید د افغانستان د خلکو د ملي خزانې په توګه وساتل شي.

د اقتصادي  چارو ځیني کارپوهان بیا د امریکا له دې پرېکړې ملاتړ کوي.

دوی وايي، دا به د یوه مشخص میکانیزم له مخې انتقال شي او هیڅ ډول ستونزه به رامنځته نشي.

اقتصادي شنونکی عبد القادر جیلاني وایي: پروسه ډېره دقیقه ده کومه ستونزه نشته دا به د یوې مشخصي برنامې له مخې مصرف شي؛ خو د دې مصرف د افغانانو په ګټه ندي.

د هېواد یو شمېرعام وګړي هم د امریکا له متحده ایلا تو غوښتنه کوي، چې د افغانانو پیسې دې افغانانوته ورکړ شي.

د کابل ښار او سیدونکی ګلیم خان وایي: امریکا دې ټوکې نکوي؛ زمونږ پیسې دې زمونږ حکومت ته ورکړي. کنه؛ نو بل جای ته دې نه لیږي خپله دې مصرف کړي.

امریکا د افغانستان بانک له کنګل شویو پیسو څخه سویس ته د ۳ اعشاریه ۵ میلیارد دالرو د لېږدولو پرېکړه کړې. په دا سې حال کې، چې، دا مهال د همدغو شتمنیو د کنګلېدو له کبله افغانستان له اقتصادي کړکیچ سره مخ او د دې کړکېچ د څارلو لپاره هیڅ راز اقتصادي ملاتړ نلري.

تازه خبرونه

سراج الدین حقاني له یو شمېر افغان سياسي کارپوهانو او فعالانو سره وکتل

Published

on

(Last Updated On: تله ۶, ۱۴۰۲)

د افغانستان د کورنیو چارو وزارت څرګنده کړې، چې د دې وزارت چارسمبالي سراج الدین حقاني د هېواد له ځینو سیاسي اشخاصو او لیکوالو سره په لیدنه کې د ځينو ستونزو د حل او پرمختګونو په اړه په جوړه شوې غونډه کې ګډون وکړ.

په دې لیدنه کې د سیاسي چارو کارپوه حميدالله هوتک د هېواد بېلابېلو سیمو ته د سراج الدین حقاني په ګډون، د مشرانو سفرونه د ملي او سیاسي همغږۍ د روحیې د پياوړتیا لپاره ګټور وبلل او د ولسي حقونو تضمین یې د حکومت مسوولیت یاد کړ.

د غونډې د ګډونوالو د څرګندونو له مخې؛ د کورنیو چارو وزارت سفرونه د ولس د اقشارو تر منځ د وحدت سبب ګرځېدلي دي.

دغه راز دوی ويلي: له افغان شخصیتونو سره د اړیکو کمیسیون باید د کادرونو د رابللو چارې لا ګړندۍ کړي او د پردیو هېوادونو له کمپونو یې را وباسي.

همدارنګه معین ګل څمکني څرګنده کړې: د پردیو توطیو دا هېواد شاوخوا ۴۵ کاله په شخړو کې ښکېل کړی و، چې باید له دې وروسته افغانان د نورو پر لمسون د ناخوالو د رامنځته کولو کوښښ ونه‌کړي.

د کورنیو چارو وزارت چارسمبالي سراج الدین حقاني د ګډونوالو د نظرونو له اورېدو او ستاینې وروسته ويلي: د متقابل زغم له لارې ستونزې ختمېدی او د بدبينۍ او نفاق روحیه له منځه تلی شي.

د نوموړي د څرګندونو له مخې؛ ملي او اسلامي روحیه د ملت د استحکام بنسټونه دي او تر ټولو ډېره توجه د مثبت ذهنیت جوړښت ته لازمه ده.

هغه وایي: د عصري او ديني علم په نامه د علم تر منځ فاصله ایجادول زمونږ د اکثرو ستونزو لامل ګرځېدلی دی.

دغه راز یې زیاته کړې، چې د فکري اختلاف ستونزه به هم پر مشوره او وحدت حل شي؛ خو مهمه دا ده، چې موجود فرصتونه ضایع نه‌شي.

سراج الدین حقاني د عامه نظم د ټينګښت په اړه ډاډ څرګند کړ او وایي، چې له جوازه پرته څوک وسله ګرزولی نه‌شي او د پوليسو د تشکیلاتو له بشپړاوي وروسته به یې جوازونه او يونیفورم هم بشپړ شي.

Continue Reading

تازه خبرونه

د افغانستان د خواړو او درملو ملي ادارې چارسمبالی ایران ته ولاړ

Published

on

(Last Updated On: تله ۶, ۱۴۰۲)

د افغانستان د خواړو او درملو ملي ادارې چارسمبالی او ورسره مل پلاوی د G5 په غونډه کې د ګډون لپار ایران ته ولاړ.

د افغانستان د خواړو او درملو ملي اداره وايي؛ د دغې ادارې چارسمبالی داکتر عبدالباري عمر او ورسره مل پلاوی نن پنجشنبه د تلې ۶ نېټه د پېنځه هېوادونو د ډلې په ۲۷ غونډه کې، چې د روغتیا دیپلوماسۍ او د درملو او طبي تجهیزاتو سیستم تر سرلیک لاندې جوړیږي د ګډون لپاره ایران ته روان شو.

د پېنځه هېوادونو د ډلې غونډه د غړیو هېوادونو د درملو او خواړو د ادارې د مشرتابه او د روغتیا نړیوالې ټولنې په حضور کې د دغو هېوادونو د روغتیا د ودې او پراختیا لپاره ترسره کیږي.

Continue Reading

تازه خبرونه

امیر خان متقي د مسکو د لوی جومات له ملا امام سره وکتل

Published

on

(Last Updated On: تله ۶, ۱۴۰۲)

د بهرنیو چارو وزیر مسکو ته د رسمي سفر په لړ کې د روسیې فدراتیف د لوی مفتي او د مسکو لوی جومات له ملا امام راویل عین الدین سره ولیدل.

د بهرنیو چارو وزارت د ویاند مرستیال حافظ ضیا احمد ویلي؛ په دې لیدنه کې  مفتي راویل عین الدین د روسیې د مسلمانانو او دیني مراکزو په اړه بشپړ معلومات وړاندي کړل.

همدارنګه یې د تاتارستان او افغانستان ترمنځ پر تاریخي اړیکو رڼا واچوله، تاتارستان یې د روس او اسلامي نړۍ ترمنځ د اړیکو تار وباله.

د بهرنیو چارو وزیر امیر خان متقي ویلي؛ امید لرم، چې تاسې به د افغانستان او روسیې ترمنځ د هر اړخیزو اړیکو د پیاوړتیا په برخه کې مؤثر او اغېزمن  رول ولوبوئ.

د بهرنيو چارو وزارت د وياند مرستيال وايي، اميرخان متقي  د روسيې له عالمانو سره د افغانستان روان حالت او ثبات شريک کړ او له هغوى يې وغوښتل، چې د افغانستان او روسيې ترمنځ د هر اړخيزو اړيکو په پياوړتيا کې همکاري وکړل.

په پای کې مفتي راویل عین الدین د افغانستان او روسیي فدارتیف تر منځ د اړېکو په پوره ښه کیدا کي د مرستې ډاډ څرګند  کړ.

دغه راز د امریکا د بهرنیو چارو وزارت ويلي، چې د امریکا استازی به په دې غونډه کې ګډون ونه‌کړي؛ ځکه، چې امریکا د مسکو د فارمټ غړیتوب نه لري.

د امریکا د بهرنیو چارو وزارت ویاند میتیو میلر وایي: زه له دې زیات نه شم ویلی، چې مونږ د مسکو له غونډې خبر یوو؛ خو مونږ د دې فورم غړي نه‌یوو؛ نو د امریکا استازی به په کې ګډون ونه‌کړي.

د روسیې تاس خبري اژانس د افغانستان لپاره د روسیې د ځانګړي استازي ضمیر کابلوف له قوله خبر ورکړی، چې د مسکو په غونډه کې به په افغانستان کې د ټولګډونه حکومت پر رامنځته کولو، له ترهګرۍ او نشه‎يي توکو سره پر مبارزې خبرې وشي.

امیر خان متقي د دوشنبې پر ورځ د روسیې د حکومت پر رسمي بلنه د مسکو په غونډه کې، چې ټاکل شوې د جمعې پر ورځ د روسیې په کازان ښار کې جوړه شي؛ د ګډون لپاره دغه هېواد ته سفر کړی دی. ویل کیږي، چې په دې غونډه کې به د افغانستان په اړه د ګاونډ او سیمې هېوادونو استازي خبرې وکړي.

Continue Reading

Trending

Copyright © 2022 Ariana News. All rights reserved!