تازه خبرونه
امریکا او بریټانیا له خپلو اتباعو غوښتي، چې په کابل کې له هوټلونو ووځي

امریکا او بریټانیا نن (دوشنبه د تلې ۱۹ ) خپلو وګړیو ته خبرداری ورکړ، چې د امنیتي ګواښونو له کبله په کابل کې هوټلونو ته له ورتګه په ځانګړي توګه کابل سرینا څخه دډه وکړي.
د امریکا بهرنیو چارو وزارت ویلي: د امریکایي وګړي، چې کابل سرینا هوټل ته نږدې په اړوند سیمه کې دي؛ باید سمدستي ووځي.
د بریټانیا د بهرنیو چارو وزارت هم په ډاکه کړې او له خپلو اتباعو یې غوښتي، چې کابل سرینا هوټل ته له تګ راتګه ډډه وکړي.
د دوی په څرګندونو کې راغلي: د امنیتي ګواښونو له کبله تاسې ته سپارښتنه کوو، چې د کابل هوټلونه پریږدئ. په ځانګړي توګه له کابل سرینا هوټله ووځئ.
دا په داسې حال کې ده، چې د جمعې پر ورځ د کندوز په خان آباد کې د شیعه ګانو په جومات چاودنې لږ تر لږه ۱۲۰ کسان وژلي او له ۱۵۰ ډېر نور ټپیان دي او د چاودنې پړه هم د خراسان داعش دلې ومنله.
تازه خبرونه
استخبارات باید د اسلامي نظام د دښمنانو ټول پټ او ښکاره پلانونه شنډ کړي – د اسلامي امارت رهبر
شیخ هبةالله آخوندزاده د استخباراتي چارواکو لپاره په یوه ورځني سیمینار کې ویلي؛ د اسلامي نظام استخبارات مکلفیت لري ټول هغه پټ او ښکاره پلانونه شنډ کړي، چې د اسلامي نظام دښمنان یې پلانوي او غواړي د اسلامي رژیم پر وړاندې یې پلي کړي.

د اسلامي امارت رهبر شیخ هبةالله آخوندزاده ويلي؛ استخبارات مکلف دي، چې د اسلامي نظام د دښمنانو ټول پټ او ښکاره پلانونه له منځه یوسي.
شیخ هبةالله آخوندزاده د استخباراتي چارواکو لپاره په یوه ورځني سیمینار کې ویلي؛ د اسلامي نظام استخبارات مکلفیت لري ټول هغه پټ او ښکاره پلانونه شنډ کړي، چې د اسلامي نظام دښمنان یې پلانوي او غواړي د اسلامي رژیم پر وړاندې یې پلي کړي.
د اسلامي امارت رهبر استخباراتي ادارې د حکومت د ملا تیر ګڼلی او څرګندوي؛ هیچا ته باید اجازه ورنکړ شي، چې په ښکاره یا پټه دیني او اسلامي ارزښتونو سپکاوی وکړي.
د اسلامي امارت رهبر زیاته کړې؛ استخباراتي اداره باید هیچا ته اجازه ورنکړي، چې په ښکاره یا پټه دیني او اسلامي ارزښتونو ته سپکاوی وکړي او باید د شرعي قانون د پلي کولو او د خلکو د پوهاوي د لوړولو لپاره له نورو ادارو سره ګډ کار وکړي.
شیخ هبةالله آخوندزاده له استخباراتي ادارو وغوښتل، چې له خلکو سره ښه چلند وکړي؛ په شکمن ډول څوک ونه نیسي او له بندیانو سره له ظلم څخه ډډه وکړي او محرمیت وساتي.
تازه خبرونه
چین امیر خان متقي ته د سفر بلنه ورکړه
د بهرنیو چارو وزارت په رسنیزه خبرپاڼه کې راغلي، چې د چین ځانګړي استازي د نړیوالې ټولنې پر کچه له افغانستان څخه د ملاتړ اعلانولو تر څنګ امیر خان متقي ته بلنه ورکړه، چې د روانې میاشتې تر پایه بیجینګ ته سفر وکړي.
تازه خبرونه
په کابل کې د افغانستان، پاکستان او چین درې اړخیزه سوداګریزه ناسته وشوه
دا غونډه د افغانستان د صنایعو او سوداګرۍ وزارت د چارسمبالي نورالدین عزیزي، د پاکستان ځانګړي استازي محمد صادق او د چین ځانګړي استازي یو شیاوینګ په شتون کې ترسره شوه.

په کابل کې د افغانستان، پاکستان او چین ترمنځ د سوداګریزو اړیکو د پیاوړتیا او پراختیا لپاره په جوړه شوې درې اړخیزه غونډه کې د دغو هېوادونو لوړ پوړو چارواکو د پانګونې د جلبولو او د ګډو پروژو د پیلولو لپاره د سټراټیژیو په اړه بحث وکړ.
دا غونډه د افغانستان د صنایعو او سوداګرۍ وزارت د چارسمبالي نورالدین عزیزي، د پاکستان ځانګړي استازي محمد صادق او د چین ځانګړي استازي یو شیاوینګ په شتون کې ترسره شوه.
په دې غونډه کې د افغانستان لپاره د ګډو صنعتي پارکونو جوړول، د ځانګړو اقتصادي زونونو جوړول او د ګډو صادراتي پروسس مرکزونو د پیل په څیر اړینو مسلو بحث او خبرې وشوې.
سربېره پردې د درې اړخیزو سوداګریزو نندارتونونو جوړول او په افغانستان کې د کوچنیو او منځنیو تشبثاتو لپاره د ملاتړ مرکزونو جوړول هم د بحث نورې موضوعګانې وې.
همدارنګه د درې هېوادونو ترمنځ د بانکي اړیکو آسانتیا د اقتصادي همکارۍ د پیاوړتیا لپاره یوه بنسټیزه اړتیا وړاندې شوه.
د افغانستان د صنایعو او سوداګرۍ وزارت ویلي؛ دا غونډه د ګډون کوونکو هېوادونو د جدي هوډ ښکارندویي کوي، چې په سیمه کې سوداګریزې او اقتصادي همکارۍ پراخې کړي او هیله لري، چې د دې خبرو اترو مثبتې پایلې به ټولو خواوو ته ګټه ورسوي.
-
تازه خبرونه4 days ago
تېرکال د پاسپورټ ریاست ۱۳ میلیارډ افغانۍ عواید ترلاسه کړل
-
تازه خبرونه5 days ago
د هند او پاکستان ترمنځ روان کړکېچ د سیمې په ګټه ندی – اسلامي امارت
-
تازه خبرونه4 days ago
په افغانستان کې د اورښت کمښت د اندېښنې وړ دی ـ ملګري ملتونه
-
تازه خبرونه4 days ago
ازبکستان او پولنډ د افغانستان په اړه خبرې وکړې
-
تازه خبرونه3 days ago
یو شمېر افغان کدرونه د مصنوعي ځیرکتیا روزنې لپاره چین ته لیږل شوي – د ایم سي سي مشر
-
لوبی4 days ago
آریانا ټلویزیون د افغانستان فوټسال غوره لیګ څلورم پړاو خپروي
-
سیمه ییز خبرونه5 days ago
هند پر پاکستان برید وکړ او پاکستان یې پېنځه هندي جنګي الوتکې رانسکورې کړې
-
سیمه ییز خبرونه22 hours ago
د هند او پاکستان د اوربند له هوکړې وروسته د چاودنو راپورونه ورکړ شول