Connect with us

سوداگري

امریکا دې د افغانستان د شتمنیو خپلواکه کېدل ومني – لاریونکوونکي

Published

 on

(Last Updated On: وږی ۲۶, ۱۴۰۱)

د کابل ښار په سلګونه اوسیدونکیو په یوه لاریون کې د افغانستان د نهه نیم میلیارد دالرو شتمنیو پر خپلواکه کېدو ټینګار څرګند کړ.

سلګونه کابل ښاریانو( امریکا دې ژر تر ژره د افغانانو نهه میلیارد کنګل شوې شتمني آزاده کړي) تر شعار لاندي د امریکا د وروستۍ پرېکړې، چې د افغانستان د کنګل شوې شتمنۍ ۳ اعشاریه ۵ میلیارد دالر به په سویس کې د جو بایدن پر فرمان یوه نوي جوړ شوي صندق ته وسپارل شي؛ په غبرګون کې لاریون پراخ لاریون ترسره کړ.

دغو لاریونوالو له نړیوالې ټولنې غوښتنه وکړه، چې کنګل شوې شتمنۍ د افغانانو حق دی او باید د افغانستان بانک ته وسپارل شي.

لاریونکوونکیو د نړۍ د بشري حقونو له ملاتړو بنسټونو وغوښتل، چې پر امریکا فشار راوړي او د افغانستان کنګل شوې پانګه آزاده او خپلواکه کړي. دا په داسې حال کې ده، چې د امریکا لخوا د افغانستان د څه کم لس میلیارد دالرو شتمنۍ له کنګل کیدو وروسته په هېواد کې اقتصادي ناورین پېښ شوی او میلیونونه وګړي بېړنیو مرستو ته اړتیا لري.

لاریون کوونکي واحد الله توحیدیار څرګنده کړې؛ زمونږ د نني لاریو موخه داوه، چې امریکا باید زمونږ کنګل کړې شتمني بېرته آزاده کړي؛ ځکه زمونږ ولس له بشپړ فقر سره دی.

لاریون کوونکي مدثیر په ډاګه کړې: امریکا دې زمونږ کنګل شوې شتمنۍ بېرته افغانانو ته وسپاري؛ دوی اوس هم ظلم کوي، د افغانانو اقتصادي ستونزې زیاتي دي او باید د دوی پانګه ورته ورکړ شي.

لال آغا امیري وایي: مونږ لاریون کوونکي نړیواله ټولنه دې د افغانانو شتمني افغانانو ته وسپاري، چې اوسنی اقتصادي بحران مدیریت شي او زمونږ شتمني زمونږ هېواد ته راشي.

د دوی په خبره امریکا له خپلو بندیزونو سره په افغانستان کې اقتصادي بحران رامنځته کړی.

دغه راز د چین بهرنیو چارو وزارت او په امریکا کې د روسېې سفارت چارواکو د افغانستان بانک د ۳ اعشاریه ۵ میلیارد دالرو د ساتنې لپاره په سویس هېواد کې د صندوق د جوړېدو په غبرګون کې وایي، واشنګټن باید د افغانستان شتمنۍ په بشپړه توګه آزاده کړي.

د چین د بهرنیو چارو وزارت ویانده هواچون ینګ وایي: امریکا باید د افغانستان د بیارغونې لپاره خپل اصلي مسوولیت پر غاړه واخلي او د افغانستان کنګل کړې شتمني باید بېرته افغانانوته ورکړ شي.

په امریکا کې د روسیې سفارت سویس ته د افغانستان بانک د شتمنۍ د یوې برخې لیږد د نه منلو وړ اقدام بللی او ویلي یې دي، چې د امریکا لخوا له افغانستان اسلامي امارت سره هم د افغانستان بانک د کنګل شوې شتمنۍ د یوې برخې په آزاد ېدومذاکرات یو ځان غوښتونکی عمل دی.

دغه سفارت زیاته کړې، چې د افغانستان خلک دا مهال د یو بې ساري اقتصادي ناورین سره مخ دي، چې د امریکا داسې کړنې یوازې وضعیت نور هم خرابوي.

روسیې د امریکا له حکومت غوښتي، چې د افغانستان د خلکو کنګل شوې شتمنۍ په بشپړه توګه آزادې کړي.

سوداگري

 په کابل کې لومړنی ملي او نړیوال نندارتون جوړ شو

Published

on

(Last Updated On: ليندۍ ۱۰, ۱۴۰۱)

د افغانستان په پلازمېنه کابل کې د هېواد د تولیداتو، خدمتونو او سوداګریزو محصولاتو د پوره پېژندنې لپاره امام ابو حنیفه “رح” نومی ملي او نړیوال نندارتون جوړ شو.

دغه نندارتون د امام ابوحنيفه رحمة الله په نامه اووه ورځې دوام لري، چې له شپږ سوه څخه د ډېرو کورنيو او نړيوالو شرکتونو توليدات په کې نندارې ته ايښودل شوي دي.

دې  نندارتون ته د اسلامي امارت مشرتابه مولوي هبة الله آخوندزاده په یوه غږیز پیغام کې ویلي، چې افغان پانګوال باید په هېواد کې پانګونه وکړي او هېواد باید د اقتصادي ودې لپاره پر بهرنیو مرستو تکیه ونکړي.

د نوموړي د څرګندونو له مخې: د یو هېواد اقتصاد هغه وخت جوړیږيو چې خپل خلک یې متې راونغاړي، د یو او بل لاسنیوی وکړي او د بهرنیانو پر مرستو تاکیه ونکړي.

د رییس الوزرا اداري مرستیال عبدالسلام حنفي ویلي، چې اسلامي امارت د ملي امنیت د خوندیتوب او اقتصادي فرصتونو د برابرولو لپاره کار کوي او د کورنیو تولیداتو ملاتړ یې لومړیتوب دی.

عبدالسلام حنفي زیاته کړې، که ملي سوداګر په دولتي ادارو کې له رشوت سره مخ شي؛ د شکایت حق لري او زر به یې ستونزه حل کړي.

د رییس الوزار اداري مرستیال عبدالسلام حنفي وایي: هغه وويل: هيڅوک نشي کولى، چې په دولتي ادارو کې له يو ملي سوداګرڅخه د رشوت غوښتنه وکړي. مونږ چمتو یوو، چې هر هغه دولتي چارواکی، چې له یوه ملي سوداګر څخه رشوت وغواړي لبه اسلامي اصولو سره سم تعقیب کړو.

په دغه نندارتون کې د اسلامي امارت یو شمېر نورو چارواکو هم ویلي، چې په افغانستان کې د پانګونې لپاره ښه زمینه برابره شوې ده.

د صنعت او سوداګرۍ وزارت سرپرست نورالدین عزیزي وایی: له کورنی تولید ملاتړ مو د خپل ملي اقتصاد ملا تړل دي؛ باید ټول له کورنيو تولیداتو ملاتړ وکړو.  

د اسلامي امارت ویاند هم ويلي، چې افغانستان تازه د ځان بسیاینې پر لوري یو ګام پورته کړی او د اسلامي امارت موخه دا ده، چې د امریکايي پوځي حضور له پای ته رسیدو وروسته د افغانستان اقتصاد وده وکړي.

ذبیح الله مجاهد د سوداګرو، پانګوالو او د سوداګرۍ خونې فعالیت په افغانستان کې د کورنیو او نړیوالو پانګوالو د جلبولو په برخه کې اغېزناک بولي.

داسلامي امارت ویاند ذبیح الله مجاهد وایي: دمګړۍ ملي او نړیوالو سوداګرو ته د پانګونې ښه زمینه برابره ده. را دې شي او په افغانستان کې دې پر بېلابېلو برخو کې پانګونه وکړي.

دغه راز د کانونو او پترولیم وزارت سرپرست شهاب الدین دلاور وايي؛ د کوچنیو کانونو استخراج هیڅکله بهرنیو شرکتونو ته نه ورکول کیږي.

نوموړی وایي: د کانونو د استخراج په اصولو کې له افغانانو پرته بل چا ته کوچني کانونه نه ورکول کېږي او په ټول هېواد کې د ۱۷۸ کوچنیو کانونو قراردادونه افغانانو ته ورکړ شوي دي.

دوی د سوداګرو، پانګوالو او د سوداګرۍ خونې فعالیت په افغانستان کې د کورنیو او نړیوالو پانګوالو په جلبولو کې اغېزناک ګڼي.

د سوداګرۍ او پانګونې خونې مرستیال محمد یونس مومند وايي، دغه نندارتون یې له بهرنیو مرستو پرته جوړ کړی دی.

مسوولین تمه لري، چې دغه نندارتون به افغان سوداګرو ته له بهرنیو سوداګرو سره اړیکو برابرولو ته ډاډمنه زمینه هم برابره کړي.

Continue Reading

سوداگري

افغانستان قزاقستان ته بیسکویت صادر کړل

Published

on

(Last Updated On: ليندۍ ۷, ۱۴۰۱)

نن دوشنبه د حيرتان بندر له لارې د افغانستان د بیسکویت لومړۍ جوپه، چې د بلخ ولایت د یوې خصوصي فابریکې تولید دی؛ قزاقستان هېواد ته صادر شول.

د الله شکور قناعت بخش تولیدي شرکت مشر الله شکور قناعت بخش ویلي: د دوی په لومړۍ صادراتي ټولګه کې څلور بڼې بسکیتونه د فزاقتستان هېواد ته صادر شوي دي.

هغه ويلي، چې دوى هڅه کوي، چې خپل توليدات نورو هېوادونو ته هم صادر کړي.

د الله شکور شرکت د بسکیتو د تولید فابریکه، چې د مزارشریف ښار په صنعتي پارکونو کې موقعیت لري؛ هره ورځ د لسګونه ټنه بسکیتو د تولید له وړتیا برخمنه ده.

د دغې توليدي فابريکې د مسوولينو د معلوماتو له مخې؛ اوسمهال په دوه وختونو کې شپږ سوه کارکوونکي  کار کوي.

د صنایعو او سوداګرۍ وزارت ویاند ویلي، چې هند ته د افغانستان د سوداګریزو توکو صادرات د واګې بندر له لارې دوام لري او په تېر کال کې افغانستان له دې بندره څه باندې څوارلس میلیارد افغانیو توکي صادرې کړې دي.

د دغه وزارت ویاند عبدالسلام جواد وايي: له هند سره زمونږ سوداګري د واګې بندر له لارې په عادي توګه روانه ده. تېر کال مو له ۱۴ میلیارد افغانیو ډېر صادرات لرل، چې ټول وزن یې ۳۰ زره ټنو ته رسېدلی دی.

د اقتصادي چارو کارپوهانو ويلي، چې د هوا له لارې د توکو صادرات د افغانستان پر اقتصاد ډېر اغېز لري.

دا په داسې حال کې ده، چې د افغانستان د صنایعو او سوداګرۍ وزارت وايي، چې په دې وروستیو کې د هند او افغانستان ترمنځ د هوايي دهلېز تړون هم لاسلیک شوی او له دې وروسته به د افغانستان سوداګریز توکي د هوا له لارې هند ته صادرېږي.

Continue Reading

سوداگري

افغان استازیو د لوګر ولایت د مس عینک له پروژې لیدنه وکړه

Published

on

(Last Updated On: ليندۍ ۶, ۱۴۰۱)

د رییس الوزرا اقتصادي مرستیال او یو شمېر وزیرانو د جمعې پر ورځ د لوګر د مس عینک له پروژې لیدنه وکړه او هلته یې د چین د MCC شرکت له هغه پلاوي سره وکتل، چې څو کاله وړاندې یې د اړوند کان د استخراج قرارداد اخیستی و.

د جمعې د ورځې په لیدنه کې د مسو د استخراج پر ژر تر ژره د پیل پر اړتیاوو خبرې شوې دي.

چینايي شرکت څه باندې لس کاله مخکې د یاد کان قرارداد تر لاسه کړی او په داسې حال کې، چې په لومړي سر کې یې کار پیل شوی و؛ خو په هغه وخت کې د ناامنیو له کبله یې چارې څه موده وروسته بندې شوې.

ملا عبدالغني برادر له چینایي پلاوي سره د لیدنې پر مهال ویلي؛ د مس عینک د استخراج په بهير کې تاريخي او فرهنګي آثارو ته د زيان رامنځته کېدو مخه باید ونيول شي.

د سوداګرۍ او صنایعو وزیر نورالدین عزیزي، چې د دغه پلاوي غړی دی وایي: اوسنی وضعیت د مس عینک پروژې د عملي کار د پیل لپاره یو ښه فرصت دی او د دې وخت رارسېدلی، چې د افغانستان پر کانونو پانګونه وشي او دغه هېواد له اقتصادي بحرانه وژغورل شي.

د اسلامي امارت په پلاوي کې د کانونو او پترولیم وزیر شهاب الدین دلاور هم و.

د صنعت او سوداګرۍ وزیر نورالدین عزیزي، د اقتصاد وزیر قاري دین محمد حنیف، د مخابراتو وزیر نجیب الله حقاني د چارو ادارې عمومي رییس نورالحق انور؛ ضیاءالرحمن، د پلان او پالیسۍ وزیر او د کانونو او پټرولیم وزارت مالي او اداري مرستیال حسام الدین صابري هم ګډون کړی و.

Continue Reading

Trending

Copyright © 2022 Ariana News. All rights reserved!