Connect with us

سوداگري

امریکا دې پر افغانستان لګېدلي یو اړخیز بندیزونه پای ته ورسوي – چین

خپور شوی

 په

(Last Updated On: مرغومی ۲۱, ۱۴۰۰)

د چین د بهرنیو چارو وزارت پرون (دوشنبه د مرغومي ۲۰) له امریکا وغوښتل، چې د افغانستان کنګل شوې پیسې آزادې او خپل یو اړخیز بندیزونه پای ته ورسوي.

د چین بهرنیو چارو وزارت ویاند وانګ وینبین دا څرګندونې د افغانستان د لومړي وزیر د مرستیال ملا عبدالغني برادر د هغو څرګندونو په غبرګون کې کړي، چې وایي د واورې او باران له پیلېدو سره خلک له اقتصادي ستونزو سره مخ دي.

ملا برادر زیاته کړې: سره له دې، چې امریکايي ځواکونه له افغانستان وتلي؛ خو پر افغانانو د اشغال او نیواک اغېزې پاتې دي.

د چین د بهرنیو چارو وزارت ویاند وانګ وینبین ویلي: مونږ له امریکا غواړو، چې د خپلو سترو تېروتنو ځواب ووايي، خپل نړیوال مسوولیتونه پر غاړه واخلي او ژر تر ژره پر افغانستان لګېدلي یو اړخیز بندیزونه لرې کړي.

نوموړي پر امريکا غږ کړی، چې د افغانستان پر ټپونو دې د مالګې دوړولو پر ځای دې افغانانو ته د اوښتو زيانونو د جبرانولو لپاره کوټلي ګامونه پورته کړي.

سوداگري

افغانستان او عربي اماراتو د هوایي ډګرونو او ځمکنیو خدماتو تړون لاسلیک کړ

خپور شوی

په

توسط

(Last Updated On: غبرګولى ۳, ۱۴۰۱)

د ترانسپورت وزارت او د عربي متحده  امارا تو د ګاک جي – ۴۲ خصوصي شرکت ترمنځ د هېواد په هوایي ډګرونو کې د غوره خدماتو د وړاندې کولو لپاره تړون لاسلیک کړ.

د هېواد د هوایي ډکرونو د دغه تړون له مخې به د ګاک کمپنۍ د کابل، کندهار، مزارشریف او هرات په هوايي ډګرونو کې الوتکو ته د الوتنو پر مهال  ځمکني غوره خدمات چمتو کوي.

د ریاست الوزرا اقتصادي مرستیال ملا عبدالغني برادر اخوند د دغه تړون د لاسلیک کېدو پر مهال ویلي، اسلامي امارت د هېواد د اقتصادي پياوړتیا لپاره پوره هڅه کوي، چې له دغه تړون سره به ټولې نړیوالې هوايي کمپنۍ د امن په فضا کې افغانستان ته الوتنې پيل او د سوداګرۍ کچه به ورسره لوړه شي.

ملا عبدالغنی برادر ډاډ زیاته کړې؛ په افغانستان کې امنیت تامین شوی او پانګوال د افغانستان  د کانونو په ګډون په هر برخه کې، چې د پانګونې لیوا لتیا لري؛ پانګونه  وکړي.

د نوموړي د څرګندونو له مخې؛ افغانستان غواړي، چې د نړۍ له ټولو هېوادونو سره ښې اقتصادي او هر اړخیزې اړیکی ولري.

د ترانسپورت وزارت مسوولینو ویلي د دې تړون له لاسلیک سره به د افغانستان هوایي ډګرونو ته نړیوالې الوتنې پيل شي.

د ترانسپورت وزارت سرپرست مولوی حمیدالله  اخوندزاده څرګنده کړې؛ له دې تړون وروسته به د هېواد له هوايي ډګرونو الوتنې ډېرې شي او زمونږ په عوایدو او صادارتو کې به هم پراختیا رامنځته شي.

د عربي متحده امارتو د ګاک شرکت مشر رزاق اسلم محمد عبدالرازق ویلي: مونږ هیله من یوو، چې  د خدمتونو له پیل سره به نور نړیوال شرکتونه، چې د افغانستان د الوتنو لپاره کاروي هم  زمونږ له خدماتو برخمن او ځنډیدلي نړیوال پروازونه بېرته افغانستان ته پیل او پراخه شي.

د اقتصادي چارو کارپوهان هم د ترانسپورت او هوايي چلند وزارت او د عربي متحده امارتو د هوايي ډګرونو د خدماتو په برخه کې د نويو فعالیتونو پیل د افغانستان د اقتصاد لپاره اړین بولي او زیاتوي، چې باید دهېواد د هوايي خدماتو د وړاندې کولو لپاره نورې هڅې هم  تر سره شي.

د یادونې ده، چې د هېواد د څلورو هوايي ډګرونو (کابل، کندهار، هرات او مزارشريف) د تنظيم او مدیریت قرارداد نن سې شنبه د غبرګولي ۳ د لومړي وزیر د مرستیال ملا عبدالغني برادر، د اطلاعاتو او فرهنګ وزیر ملا خیرالله خیر خواه، د ترانسپورت او هوايي چلند وزیر حمید الله اخوندزاده او نورو لوړ پوړیو چارواکو په حضور کې د عربي متحده اماراتو د ګاک شرکت له مشر رزاق اسلم محمد عبدالرازق سره لاسلیک شو.

Continue Reading

سوداگري

پاکستان له افغانستان سره د پولو څو نورې لارې هم پرانېزي

خپور شوی

په

توسط

(Last Updated On: غبرګولى ۴, ۱۴۰۱)

د افغانستان لپاره د پاکستان ځانګړي استازي محمد صادق تېره ورځ ویلي، پاکستان پرېکړه کړې، چې له افغانستان سره د اقتصادي اړیکو د ودې او پراختیا لپاره به څو نورې لارې هم پرانیزي.

محمد صادق ټویټ کړی: دا لارې او دروازې د اقتصادي فعالیتونو آسانتیا او د مسافرو د ښه تنظیمولو لپاره دي.

 

د نوموړي د څرګندونو له مخې؛ لومړی به د چترال او کونړ تر منځ او د کوز دیر او کونړ تر منځ د بنشاهي لارې پرانیستل شي.

هغه څرګنده کړې، چې دا لړۍ به روانه وي او د دواړو هېوادونو ترمنځ به نورې سرحدي دروازې هم جوړې شي.

صادق زیاته کړې، دغه لارې به د تورخم، غلام خان، خرلاچي، انګور اډې او چمن-سپين بولدک پېنځه دروازې ترڅنګ جوړې شي.

 

د افغانستان اسلامي امارت تر اوسه پدې اړه څه ندي ویلي.

Continue Reading

سوداگري

ځان بسیاینې ته د رسېدو لپاره دې د غنمو د قاچاق مخنیوی وشي ـ اسلامي امارت

خپور شوی

په

توسط

(Last Updated On: غبرګولى ۳, ۱۴۰۱)

د کرنې او مالدارۍ وزارت مسوولینو ویلي، له دې وروسته به هیچا ته اجازه ورنکړ شي، چې غنم صادر او یا په قاچاقي ډول له هېواد څخه ګاونډ هېوادونو ته ولېږدول شي.

له هغې وروسته، چې په ټولنيزو رسنيو کې داسې ويډيوګانې او انځورونه خپاره شول، چې د کندهار د سپين بولدک ولسوالۍ له لارې پاکستان ته هېوادني غنم په قاچاقي ډول انتقالېږي؛ نو د افغانستان اسلامی امارت له هېواده بهر ته د غنمو پر لېږدېدو بشپړ بندیز ولګاوه.

د افغانستان د کرنې وزارت مسوولینو ویلي؛ افغانستان پخپله غنمو ته اړ تیا لري نو؛ ځکه یې دا اقدام کړی دی.

د کرنې وزارت د څرګندونو له مخې؛ افغانستان د کال شپږ نیم میلیون ټن غنمو ته اړتیا لری، چې د کورني تولید کچه مو ۴ میلیون مټریک ټن ته رسیږی.

د افغانستان د کرنې، اوبولګولو او مالدارۍ وزارت مسوولینو څرګنده کړې، چې هېواد اوس هم د غلې د انې په برخه کې ځان بسیاینې ته ندی رسیدلی؛ نو، ځکه یې له هېواده د غنمو پر وتلو بندیزونه ولګول.

د کرنې او مالدارۍ وزارت ویاند مولوي مصباح الدین مستعین وایي، د کرنې او مالیې وزارتونو د کورنیو غنمو د قاچاق د مخنیوی لړۍ د اړتیاوو د پوره کولو لپاره پيل کړه.

د افغانستان د کرنې او مالدارۍ خونې مسوولین هم د اسلامی امارت د کرنې او مالېې وزارت مسوولینو له دې اقدام نه هرکلی کوی او زیاتوی چې له هیواد نه باید دغنمو په شمول ټول اومه توکو په وتلو بندیز لګول شي۔

د کرنې او مالدارۍ خونې مر ستیال میرویس حاجي زاده وايي: مونږ د اسلامی امارت له دې کړنې خوښ یوو. اوس مونږ د خپلو غنمو د پروسس وړتیا لرو او میلونه مو هم فعال دي.

د ماليې وزير هم د ټولو ګمرکونو له رییسانو غوښتني، چې پاکستان ته پر رسمي او قاچاقي لارو د غنمو د لېږد مخه ونيسي.

د خصوصي سکټورغړي هم د افغانستان د اسلامی امارت له دې هڅې هرکلی کوي.

د اقتصادی چارو کار پوهان هم د افغانستان اسلامی امارت لخوا له هېواده دغنمو پر وتلو بندیز د ملی اقتصاد او د کورنیو تولیداتو د پراختیا په مدیریت کې اړین بولي.

دا په داسې حال کې ده، چې سږ کال له يوې خوا د غنمو حاصلات کم شوي او له بلې خوا د هېواد په بازارونو کې د غنمو بيه ډېره لوړه شوې ده.

Continue Reading

Trending

Copyright © 2022 Ariana News. All rights reserved!