Connect with us

سیمه ییز خبرونه

امریکا روسیې ته د ایران د بالستیک توغندیو پر سپارلو اندېښنه څرګنده کړه

یکی از مقام‌های امریکایی به رویترز گفته است که آن‌ها از نزدیک شاهد انتقال موشک‌های بالقوه ایران و روسیه هستند.

خپور شوی

د

(Last Updated On: )

امریکا وايي، روسیې ته د ایران د بالستیک توغندیو هر راز لېږد به په اوکراین کې جګړه نوره هم پراخه کړي.

رویټرز خبري سرچینې راپور ورکړی، چې امریکا مسکو ته د ایران د فتح-۳۶۰ بالستیک توغندیو د استولو په اړه اندېښنه لري.

رویټرز تېره میاشت راپور ورکړ، چې روسیه له ایران څخه د سلګونه راکټونو لېږلو ته پر تمه دی او د دوی لسګونه پوځي انجینران په ایران کې د سپوږمکۍ لخوا د هدایت شويو وسلو روزنه ویني، چې د اوکراین د جګړې لپاره به وکارول شي.

له بلې خوا وال سټریټ ژورنال پرون د یوه امریکايي چارواکي د څرګندونو له مخې راپور ورکړ، چې لنډ واټن ویشتونکي توغندي اوس د ایران لخوا روسیې ته ورکړ شوي دي.

د سپینې ماڼۍ د ملي امنیت شورا ویاند شان ساوټ ویل: مونږ پر اوکراین باندې د روسیې د بشپړ یرغل له پیل راپدېخوا د روسیې او ایران تر منځ د امنیتي همکاریو د ژورېدو په اړه خبرداری ورکوو او په دې اړه له راپورونو اندېښمن یوو.

دغه راز یوه امریکايي چارواکي رویټرز ته ویلي، چې دوی د ایران او روسیې د احتمالي توغندیو د لېږد بهیر له نږدې څاري.

دا احتمالي هڅې له هغې وروسته رامنځته کېږي، چې امریکا او اروپايي شریکانو یې ویلي؛ د ایران دا ډول کړنې خطرناکې پایلې لرلی شي.

په دې ورستیو میاشتو کې لویدیځ هېوادونه د ایران او روسیې د اړیکو زیاتېدا له اندیښنو سره څاري.

ویل کیږي، چې په ملګرو ملتونو کې د ایران د استازي دفتر هم اعلان کړی، چې د اوکراین د شخړې په اړه د تهران دریځ نه بدلیدونکی دی.

سیمه ییز خبرونه

د پاکستان د اطلاعاتو وزیر په راتلونکو ۳۶ ساعتونو کې د هند له پوځي برید خبرداری ورکړ

تارړ په ایکس پاڼه کې لیکلي: “پاکستان باوري معلومات لري، چې هند غواړي په کشمیر کې له ترهګریزې پېښې څخه د یوې پلمې په توګه ګټه پورته او زمونږ پر وړاندې پوځي برید ترسره کړي.”

Published

on

Pakistan flag
(Last Updated On: )

د رویټرز د څرګندونو له مخې؛ د پاکستان د اطلاعاتو وزیر عطاءالله تارړ ویلي؛ اسلام‌آباد باوري معلومات لري، چې هند غواړي په راتلونکو  ۲۴ څخه تر ۳۶ ساعتونو کې د پاکستان پر وړاندې پوځي برید ترسره کړي.

تارړ په ایکس پاڼه کې لیکلي: “پاکستان باوري معلومات لري، چې هند غواړي په کشمیر کې له ترهګریزې پېښې څخه د یوې پلمې په توګه ګټه پورته او زمونږ پر وړاندې پوځي برید ترسره کړي.”

هغه زیاته کړې، چې زمونږ پر وړاندې هر ډول تېري ته به پرېکنده ځواب ورکړ شي او هند به یې د پایلو بشپړ مسوولیت پر غاړه ولري.

هندوستان ټایمز د نن چارشنبه( د غویی لسمهه) راپور ورکړی، چې د هند لومړي وزیر نریندرا مودي پرون د امنیتي کابینې له غړو سره، چې په کې دفاع وزیر راج ناتھ سینګهـ، د ملي امنیت سلاکار اجیت دیول، د پوځ مشر انیل چوهان او د هند د پوځ سمندري، ځمکنیو او هوايي ځواکونو لوی درستیز او قوماندانان برخه لرله؛ یوه “اړینه ناسته” کړې ده.

ویل کیږي، چې هند او پاکستان سرحدي لارې تړلي، د ډیپلوماټیکو اړیکو کچه یې راټیټه کړې او د میشتو پاکستانیانو ویزې لغوه شوې دي.

Continue Reading

سیمه ییز خبرونه

هند به ډېر ژر پوځي برید وکړي – د پاکستان دفاع وزیر

هغه د دوشنبې پر ورځ په یوه مرکه کې رویټرز ته ویلي: “مونږ خپل ځواکونه پیاوړي کړي؛ ځکه دا (برید) اوس شونی دی؛ نو په دې حالت کې سټراتیژیکې پرېکړې باید وشي او دا پرېکړې شوې ده.”

Published

on

(Last Updated On: )

د پاکستان دفاع وزیر خواجه آصف ويلي، هند به ډېر ژر پر هېواد پوځي برید وکړي.

هغه د دوشنبې پر ورځ په یوه مرکه کې رویټرز ته ویلي: “مونږ خپل ځواکونه پیاوړي کړي؛ ځکه دا (برید) اوس شونی دی؛ نو په دې حالت کې سټراتیژیکې پرېکړې باید وشي او دا پرېکړې شوې ده.”

خواجه آصف ویلي، چې پاکستان د تیارسئ په حالت کې دی او یوازې هغه وخت به خپلې اټومي وسلې وکاروي، چې د هېواد شتون ته یې “مستقیم ګواښ” وي.

د هند تر ولکې لاندې کشمیر کې د ۲۶ کسانو له وژل کېدو وروسته د هند او پاکستان ترمنځ کړکېچ زیات شوی دی.

رویټرز راپور ورکړی، چې د هند بهرنیو چارو او دفاع وزارتونو تر اوسه په دې اړه د دوی پوښتنو ته ځواب نه دی ورکړی.

د پهالګام له برید وروسته هند ویلي، چې دوه مشکوک بریدګر پاکستانیان ول. پاکستان دا تور رد کړی او د بې طرفه څېړنو غوښتنه یې کړې ده.

خواجه آصف ویلي، چې اسلام آباد د فارس خلیج هېوادونو او چین په څېر له دوستانه هېوادونو سره اړیکه نیولې او بریټانیا، امریکا او نورو هېوادونو ته یې هم وضعیت تشریح کړی دی.

آصف زیاته کړې، چې د خلیج ځینو عربي هېوادونو له دواړو خواوو سره خبرې اترې کړې دي، خو هغه د دغو هېوادونو نومونه پډاګه نکړل.

هند پر پاکستان تور پورې کړی، چې په کشمیر کې د وسلوالو ملاتړ کوي؛ خو اسلام‌آباد دا تور ردوي.

چین د دوشنبې پر ورځ هیله څرګنده کړې، چې دواړه خواوې به زغم وښيي.

خواجه آصف دا هم زیاته کړه، چې امریکا تر اوسه پورې په دې مسله کې له لاسوهنې ډډه کړې ده.

دا په داسې حال کې ده، چې د امریکا ولسمشر ډونالډ ټرمپ تېره اوونۍ ویلي، چې هند او پاکستان به خپلې ستونزې په خپله حل کړي؛ خو بیا د امریکا د بهرنیو چارو وزارت اعلان کړی، چې له دواړو خواوو سره په اړیکه کې دی او دوی یې وهڅول، چې “مسؤلانه چلند” وکړي.

Continue Reading

سیمه ییز خبرونه

د بندر عباس چاودنې د مړو شمېر ۴۰ کسانو ته پورته شو

مخکې له دې د چاودنې له کبله د مړو شمېر لږ تر لږه ۲۵ او د ټپیانو شمېر له ۸۰۰ څخه ډېر ښودل شوی و.

Published

on

(Last Updated On: )

د ایران د هرمزګان والي محمد آشوري اعلان کړی، چې د دې ولایت د بندر عباس ولسوالۍ په بندر رجايي کې د چاودنې له کبله د مړو شمېر ۴۰ ته رسېدلی دی.

مخکې له دې د چاودنې له کبله د مړو شمېر لږ تر لږه ۲۵ او د ټپیانو شمېر له ۸۰۰ څخه ډېر ښودل شوی و.

د ایران د صدا و سیما د راپور له مخې؛ په یاد بندر کې د اور وژنې عملیات اوس هم روان دي او په بندر کې اور اوس هم په بشپړه توګه کابو شوی ندی.

چاودنه د شنبې پر ماسپښین (د غویی شپږمه) وشوه، چې له کبله یې په بندر کې اور ولګېد.

د ایران ولسمشر مسعود پزشکیان د وضعیت د څېړلو او د ټپیانو د پوښتنې لپاره بندر عباس ته تلی دی.

د چاودنې لامل لا تر اوسه روښانه ندی.

د ایران رسنیو راپور ورکړی، چې چاودنه د نامعلوم دلیل له کبله د دې بندر د تېلو په یوه زیرمه کې شوې ده.

Continue Reading
Advertisement

Trending

Copyright © 2025 Ariana News. All rights reserved!