Connect with us

تازه خبرونه

امریکا له افغانستان څخه د ډاډمنو وتلو لپاره سیمې ته دوه بي ـ ۵۲ الوتکې لېږلي – کربي

Published

 on

(Last Updated On: غویی ۴, ۱۴۰۰)

پنټاګون پرون (جمعه د غویی ۳) ویلي، چې له افغانستان څخه د ځواکونو د ډاډمنو وتلو د ملاتړ لپاره مو سیمې ته دوه بي – ۵۲ بم غورځوونکې الوتکې رسیدلې دي.

د پنټاګون ویاند جان کربي ویلي، چې  دفاع وزیر لویډ آسټین د مرکزي مسوولیت د لرلو لپاره د آیزنهاور الوتکې لېږدوونکې غزول هم تصویب کړل.

کربي زیاته کړې، چې آسټین په سیمه کې د ځواکونو د ډاډمنو وتلو د چمتووالي د ملاتړ لپاره د لرې ویشتونکیو بمي الوتکو شتوالی هم تائید کړی دی.

د پنټاګون ویاند ویلي، چې بيـ ۵۲ بم غورځوونکې سیمې ته رسیدلي دي.

هغه څرګنده کړې؛ زه فکر کوم، چې دا کار بند ندی؛ ما مخکې هم ویلي وه، چې د غوره او خوندي وتلو لپاره لنډمهاله محافظتي هڅو ته اړتیا لیدل کیږي.

دغه راز  امریکایی چارواکو سي ان ان  ته ویلي، چې پنټاګون به په سیمه کې سلګونه سمندري، هوایي او ځمکني ځواکونه ځای پر ځای کړي، چې د امریکا، ناټو او نورو قراردادي سرتیرو د وتلو امنیت ډاډمن کړي.

د متحده ایالاتو چارواکو یادې سرچینې ته زیاته کړې؛ د وتلو پر مهال زمونږ ډېره پاملرنه د هغو تجهیزاتو پر لېږد راڅرخي، چې نه ویجاړ شوي اونه افغان ځواکونو ته سپارل شوي دي.

یوه امریکايي چارواکي دا هم ویلي؛ زاړه تجهیزات به له منځه ولاړ شي، د یو څو اوونیو لپاره به د ځواکونو ایستل پیل نشي. امریکا به له دغو ځواکونو څخه د دفاع او له افغان ځواکونو د ملاتړ لپاره خپله وړتیا وساتي.

دې امریکایي ټلویزیون څرګنده کړې، چې په سلګونو سرتېري به د سرتېرو د خوندي وتلو لپاره افغانستان ته واستول شي.

دې رسنۍ په ډاګه کړې؛ دا اندېښنې هم شته، چې له کندهار، جلال آباد او ختیځو سیمو څخه د امریکایي ځواکونو وتل ښایي خطر ولري.

د سي این این په وینا ، امریکايي الوتکې به د ګزمې په حال کې وي، چې د وتلو په حال کې د امریکايي ځواکونو امنیت خوندي وي.

امريکايي چارواکو سي اين اين ته د نوم د نه ښودلو پر شرط دا هم ویلي، چې ښایي د سپټمبر له يوولسمې مخکې به ډېر بهرني سرتېري له افغانستان څخه ووځي.

امریکا دا مهال په افغانستان کې ۲۵۰۰ سرتېري لري او په سلګونه نور داسې ځانګړي ځواکونه لري، چې په رسمي بڼه تائید شوي ندي.

تازه خبرونه

په جوزجان کې د ناڅاپي اورلګېدنې پر وخت د عجیبو مخلوقاتو لیدل

Published

on

(Last Updated On: زمری ۲۲, ۱۴۰۱)

د جوزجان ولایت په فیض آباد ولسوالۍ کې چارواکو ویلي؛ له ۵۰ ډېر کورونه د هغه اور خوراک شوي، چې د لګیدو دلیل یې نه معلومیږي او ناڅاپه رامنځته شوی دی.

د جوزجان ولايت د فيض آباد ولسوالۍ د بالامردیان د کلي اوسېدونکیو ويلي، چې اور په طبيعي بڼه رامنځته کېږي او هر څه لولپه کوي.

د جوزجان د امنیت آمر سراج الدین احمدي هم وايي، چې تر اوسه د طبیعي اور لګېدنې له کبله د استوګنې شاوخوا پنځوس کورونه سوځېدلي او دا اورلګېدنه اوس هم روانه ده.

نوموړي زیاته کړې، د دغه کلي اوسېدونکیو ته ډېر مالي زيانونه اوښتي دي.

د جوزجان ولايت د کار او ټولنيزو چارو مشر قاري نورالله مسافر، چې د فيض آباد ولسوالۍ د بالا مرديان د کلي اصلي اوسېدونکی دی؛ وضعيت د اندېښنې وړ بولي. او زیاتوي؛ اوسمهال په دغه کلي کې د استوګنې کورونه يو پر بل پسې ناڅاپه اور اخلي او سوځيږي.

قاري نورالله مسافر ویلي، چې ښځو او ماشومانو عجيبه څيزونه او مخلوقات ليدلي او یوشمېر یې له وېرې دا مهال د ناروغيو په بستر کې پراته دي.

نوموړي څرګنده کړې؛ یو شمېئر ښځو او ماشومانو ته ځاني زیان رسېدلی او ان د بېسدۍ او بېهوښۍ حالت ته رسېدلي دي. یعنې ځینې ښځې تو ماشومان زیانمن شوي هم دي.  

د سيمې يو شمېر اوسیدونکي په دې کلي کې وضعيت د اندېښنې وړ بولي او وايي، چې د اور لګېدو پر مهال يوازې يو شمېر ښځې او ماشومان  ځينې عجیب مخلوقات ویني.

دغه اوسیدونکي له اسلامي امارت غواړي، چې د خلکو وضعیت ته پام وکړي. اوس هم د دې اورلګیدنې اصلي دلیل ندی معلوم؛ خو ښايي په طبیعي بڼه له ځمکي ګاز راپورته او بیا اور اخلي.

Continue Reading

تازه خبرونه

د پیسو د چاپ پر تخنیکي هوکړې کار روان دی- د افغانستان بانک

Published

on

(Last Updated On: زمری ۲۲, ۱۴۰۱)

د افغانستان بانک چارواکو ويلي؛ د نویو بانک نوټونو د چاپ لپاره د یو شمېر هېوادونو او د پیسو د چاپ له دفترونو سره تخنیکي هوکړې ته رسېدلي دي.

د افغانستان بانک مسوولینو د دولتي چارواکو د حساب ورکولو په بهیر کې په ډاګه کړې؛ د افغانۍ د ارزښت د ثبات ساتل، د سوداګریزو بانکونو د فعالیتونو ساتل او دوام، د بانکي خدمتونو وړاندې کول، د بهرنیو راکړو ورکړو آسانتیاوې او د نویو سیستمونو رامنځته کول په تېر کال کې د افغانستان بانک لاسته راوړنې دي.

د افغانستان بانک مشر عبدالقاهر څرګنده کړې؛ د افغانیو د ارزښت د ثبات ساتل، د سوداګریزو بانکونو د پایښت ساتل، د بانکي خدمتونو وړاندې کول، د پولو له لارې د راکړې ورکړې آسانتیا او د نویو سیستمونو رامنځته کول هغه مسایل دي، چې د افغانستان بانک په تېر کال کې ورته پاملرنه کړې ده.

د دغه بانک چارواکي وايي؛ دوی د مندرس او سولیدليو بانکنوټونه راټول او له منځه وړي او د یو شمېر هېوادونو سره د بانک نوټونو او پیسو د چاپولو تخنیکي هوکړې ته رسیدلي دي.

د افغانستان بانک ستر سلاکار لطف الحق نور پسرلی وایي: مونږ زړې پیسې راټولې او وسوځولې، مونږ د پیسو چاپولو له دفترونو او هېوادونو سره هوکړې ته ورسیدو. مونږ هیله من، چې له پلان سره سم پرمخ ولاړ شو او تاسې ته یې پایلې درکړو. مونږ د ملي ګټو پر بنسټ پرمخ ځو او خبرې کوو. هېوادونه او بانکونه له افغانستان سره مرسته کوي.

د دې بانک مسوولینو ويلي، چې د افغانستان د اسعارو د زېرمو د خلاصون لپاره  له اړوند خواوو سره څو کورنۍ او بهرنۍ ناستې شوي او پر تخنیکي مسایلو یې بحثونه کړي دي.

د دغو چارواکو د څرګندونو له مخې، د بانکدارۍ سکتور د ښه والي او د جرمي فعالیتونو د مخنیوي لپاره د ترهګرۍ د تمویل د مخنیوي قانون، د پیسو وینځلو د مخنیوي د اقداماتو تنظیم، د بانکدارۍ سکتور د ستونزې د اوارۍ لپاره د پلان مدیریت او د بانکي سکتور د بیا ژوندي کولو پلان جوړ شوی او د مالي او بانکي سکتور او د بحران د مدیریت پالیسي جوړې شوي او د عملي کیدو په حال کې دي.

دا په داسې حال کې ده، چې د نوبل جایزې ګټونکي په ګډون له اویا يېرو اقتصادي کارپوهانو د امریکا ولسمشر جوبایدن او د دغه هېواد د خزانې وزیر جینت ییلن ته لیک استولی او د افغانستان د اسعارو د زېرمو د خلاصون غوښتنه یې کړې ده.

Continue Reading

تازه خبرونه

بیات پاور د هېوادنۍ برښنا د تولید کچه پراخول غواړي

Published

on

(Last Updated On: زمری ۲۲, ۱۴۰۱)

بیات پاور په افغانستان کې له طبیعي ګاز څخه د برښنا د تولید یوازنی شرکت دی، چې غواړي د هېوادنۍ برښنا د تولید کچه پراخه او لوړه کړي.

د بیات پاور استازي لطف الله ستانکزي په کابل کې د انرژۍ په اړه په جوړه شوې غونډه کې څرګنده کړې؛ دغه شرکت په پام کې لري، چې په افغانستان کې له طبیعي ګاز څخه د برښنا د تولیدي سکتور د پراختیا لپاره نور توربینونه هم فعال کړي.

هغه ویلي؛ دغه شرکت ژمن دی، چې له حکومت سره د انرژۍ د خوندیتوب په برخه کې کار وکړي او په افغانستان کې د انرژۍ سکتور پر ځان بسیا کېدو ته لار اواره کړي.

دغه یوه ورځنۍ غونډه، چې د افغانستان اسلامي امارت لوړ پوړیو چارواکو، د بهرنیو هېوادونو استازیو او د خصوصي سکتور غړیو په کې برخه اخیستې وه؛ د انرژۍ او اوبو په اړوند بېلابېلو برخو کې د پانګونې د جلبولو لپاره جوړه شوې وه.

د اسلامي امارت د رییس الوزرا اقتصادي مرستیال ملا عبدالغني برادر ويلي، چې اسلامي امارت د هېواد پرمختګ او پر ځان بسیاینې ته ژمن دی؛ خو له خلکو يې وغوښتل، چې زغم او صبر ولري؛ ځکه دا هېواد باید مونږ پخپله جوړکړو.

هغه په ​​ډاګه کړې، چې افغانستان یو بډایه هېواد دی او د پانګونې ښه فرصتونه لري.

د انرژۍ او اوبو وزارت سرپرست عبداللطیف منصور ویلي، اسلامي امارت د هېواد د اوبو د اغېزمن مدیریت او د خلکو لپاره د کافي انرژۍ تولید ته پوره ژمن دی.

هغه ویلي؛ دغه غونډه د دې لپاره جوړه شوې، چې پانګوالو ته د انرژۍ او اوبو په برخو کې شته فرصتونه په ډاګه شي او اسلامي امارت په دې برخه کې د پانګونې لپاره مناسب چاپېریال او آسانتیاوې رامنځته کړي.

د کانونو او پترولیم وزارت سرپرست شهاب الدین دلاور وايي؛ اوس د دې وخت رارسېدلی، چې د هېواد خپلواکي وساتل شي او له طبیعي زېرمو ګټه واخیستل شي.

هغه ویلي؛ بیات پاور اوسمهال ۴۰ میګاواته برښنا تولیدوي او هیله من دی، چې تولیدات یې زیات شي.

شهاب الدین دلاور وایي: مونږ د شرکت له دې پرېکړې هرکلی کوو.

د بیات پاور شرکت استازی لطف الله ستانکزي وایي؛ دغه شرکت د کانونو او پترولیم وزارت، افغان ګاز شرکت او برښنا شرکت په ګډون د دولتي ادارو د مشارکت ډاډمنه پایله ده.

لطف الله ستانکزي له اسلامي امارت وغوښتل، چې له اوسنیو پانګوالو سره د دغه شرکت د فعالیتونو د دوام او د لا زیاتو پانګونو د جلبولو په برخه کې مرسته وکړي.

هغه له مسوولینو وغوښتل، چې د بیات پاور په ګډون خصوصي بنسټونو ته د برښنا شرکت لخوا پر وخت آسانتیاوې برابرې کړي، چې د پانګونې لپاره ښه چاپېریال رامنځته شي. له غوره مالیاتي پالیسیو سره پانګونې ته وده ورکول؛ د عملیاتي لګښتونو کمول او په دولتي ادارو کې د روڼتیا زیاتوالي ته پام راواړول شي.

همدارنګه یې له اسلامي امارت څخه وغوښتل، چې دولت دې د افغان ګاز د تصدۍ له لارې د بشپړ ملاتړ ډاډ ملاتړ ورکړي، چې دغه اداره فعاله پاتې شي او پاک ګاز برابر کړي.

په دې غونډه کې د بیات پاور د پوره ډاډ لپاره دا  ځای  کېکاږئ.

Continue Reading

Trending

Copyright © 2022 Ariana News. All rights reserved!