Connect with us

تازه خبرونه

امریکا له طالبانو سره د سولې پر هوکړه بیاکتنه کوي

Published

 on

(Last Updated On: سلواغه ۴, ۱۳۹۹)

سپینه ماڼۍ څرګندوي، چې د امریکا ملي امنیت شورا سلاکار جیک سالیوان تېره ورځ د افغانستان د ملي امنیت شورا سلاکار حمدالله محب ته ویلي، چې هېواد یې غواړي له طالبانو سره د سولې پر تړون له سره غور وکړي.

سپینې ماڼۍ په یوه خبرپاڼه کې ویلي؛ امریکا په افغانستان کې د سولې له هڅو، ځکه ملاتړ کوي، چې دواړه خواوې سیاسي حل او اوربند ته ورسیږي.

د جیک سالیوان زیاته کړې؛ امریکا له ترهګرو ډلو سره د طالبانو د اړیکو پرې کولو، په افغانستان کې د تاوتریخوالي کمولو او د دولت او نورو سیاستوالو سره معنا لرونکې خبرې پیلوي، چې وګوري پر ژمنو عمل شوی او که نه.

سالیوان دا هم ویلي، چې امریکا له ټولو افغان مشرانو څخه په افغانستان کې د سولې او ثبات لپاره له دې تاریخي فرصته د ګټې اخیستنې غوښتنه کوي.

په دې خبرو کې د تېرو دوه لسیزو لاسته راوړنو پر ساتنه، د سولې په پروسه کې د ښځو او اقلیتونو پر حقونو هم ټینګار شوی دی.

د خبرپاڼې د څرګندونو له مخې؛ امریکا د یو متحد، خوندي او ثبات لرونکي افغانستان لپاره چمتو ده، چې د افغانستان له حکومت، د ناټو او نورو سیمه ییزو متحدینو سره د ستراتیژۍ پر جوړولو خبرې وکړي.

دا په داسې حال کې ده، چې له دې مخکې د جوبایډن د بهرنیو چارو وزرته ته احتمالي نوماند ویلي وه، چې نوې اداره د امریکا – طالبانو پر هوکړه لیک له سره غور کوي.

تازه خبرونه

Afghanistan leads world in negative experiences

Published

on

(Last Updated On: چنګاښ ۷, ۱۴۰۱)

Afghanistan in 2021 displaced Iraq from the top spot on the Negative Experience Index that the latter had occupied for the two previous years, Gallup said in a survey report released Tuesday.

According to the report, worry, stress and sadness soared to record levels in Afghanistan in 2021: 80% of Afghans were worried, 74% were stressed and 61% felt sadness much of the day.

No other population in Gallup’s 16 year trend has ever reported feeling this much worry, the reported noted.

Gallup said Afghans’ lives were already in a tailspin before the Islamic Emirate of Afghanistan (IEA) returned to power in 2021. Most Afghans were struggling to afford food and shelter, few felt safe, and they saw their lives getting worse with every passing year, it said.

Gallup surveys conducted in August and September — as the U.S. withdrew and IEA took control — reveal Afghans were losing the remaining joy that they had, the report said.

Afghanistan’s score of 59 on the Negative Experience Index was the highest score on record for the country and the highest score in the world in 2021. However, Afghanistan falls short of having the highest score on record for any country: The Central African Republic posted a score of 61 in 2017.

Bilal Karimi, deputy spokesman of IEA, rejected the report as “propaganda.”

“The reality is that after IEA’s takeover most citizens are feeling safe and have a sense of ownership and they are happy,” Karimi said on Twitter.

Continue Reading

تازه خبرونه

ملګرو ملتونو افغانستان ته د ۱۱۰ میلیون ډالرو غوښتنه وکړه

Published

on

(Last Updated On: چنګاښ ۷, ۱۴۰۱)

ملګرو ملتونو د دوشنبې پر ورځ د افغانستان په پکتیکا او خوست ولایتونو کې له ۳۶۰ زرو څخه د ډېرو زلزله ځپليو د ژوند ژغورنې لپاره د ۱۱۰ میلیون ډالرو بېړنۍ مرستې غوښتنه وکړه.

دغه مرسته په راتلونکیو درې میاشتو کې د اړتیا وړ ده.

د بشردوستانه چارو د همغږۍ په چارو کې د ملګرو ملتونو دفتر (UNOCHA) ویلي، چې نوې غوښتنه د سږکال د بشري غبرګون د طرحې یوه برخه ده، چې ۴ اعشاریه ۴ میلیارد ډالرو ته اړتیا لري؛ خو په لویه کچه یوازې یو پر درېیمه برخه کمه شوې ده.

دغه بنسټ په ډاګه کړې: مونږ او زمونږ ونډوال له نورو بشري پروګرامونو څخه اکمالات، پرسونل او سرچینې په پور اخلو.

په پکتیکا او خوست ولایتونو کې د چارشنبې د ورځې زلزلې له ۱۰۰۰ ډېر کسان مړه کړل او سلګونه کورونه یې ویجاړ او یا زیانمن کړي دي.

د افغانستان لپاره د ملګرو ملتونو د مرستو همغږي کوونکي رامز الاکبروف د پکتیکا ولایت له زلزلې څپلې  سیمې څخه د لیدنې پر مهال په یوه ویډیويي پیغام کې ویلي؛ مونږ له نړۍ غوښتنه کوو، چې د مهرباني له مخې مرسته وکړئ او مونږ د دې غمیزې د حل لپاره بشپړ ملاتړ ته اړتیا لرو.

Continue Reading

تازه خبرونه

د چين د بهرنيو چارو وزير له زلزله ځپلیو سره د مرستې ژمنه وکړه

Published

on

(Last Updated On: چنګاښ ۷, ۱۴۰۱)

د چین د بهرنیو چارو وزیر وانګ يي د دوشنبې پر ورځ له خپل افغان سیال مولوي امیر خان متقي سره په ټیلیفوني خبرو کې د تېرې اوونۍ د زلزلې له قربانیانو ملاتړ څرګند کړ.

د چين د بهرنيو چارو وزارت د څرګندونو له مخې؛ وانګ يي پر دغه طبیعي ناورین خواشيني څرګنده کړه او وایي؛ چين چمتو دی، چې له افغانستان سره د اړتياوو پر بنسټ پخپل وخت مرستې.

هغه زیاته کړې، د چين له مرکزي او ځايي حکومتونو نيولې تر ټولنيزو بنسټونو او تصديو پورې د چين بېلا بېلو ځواکونو افغانستان ته د بېړنيو بشري مرستو د رسولو او له افغانانو سره د مرستې لپاره وخت پر وخت کار کړی دی.

د وانګ د څرګندونو له مخې؛ د خېمو، کمبلو او نورو توکو لومړۍ ټولګه د چارټر الوتکو له لارې لېږدول شوې او ژر تر ژره به نغدي او نور مرستندويه توکي هم ولېږدول شي.

د افغانستان بهرنیو چارو وزارت هم په ډاګه کړې، چې د دې وزارت چارسمبالي مولوي متقي ترې مننه کړې او وایي، چې د افغانستان اسلامي امارت زلزله ځپلیو ته پخپل وخت خوراکي او طبي مرستې رسولي دي.

د افغانستان د بهرنیو چارو وزارت د څرګندونو له مخې؛ زلزله ځپلي دمګړۍ سرپناه ته بېړنۍ اړتیا لري.

د بهرنیو چارو وزارت په خبرپاڼه کې راغلي، چې دواړو لوریو پر سیاسي اړیکو هم خبرې وکړې.

وانګ يي ويلي، چې پر افغانستان د بنديزونو مخالف دى او زياتوي، چې په بيجينګ کې د افغانستان سفارت ښه فعاليت کوي او په دوه اړخيزو اړيکو کې ښه رول لوبوي.

وانګ يي څرګنده کړې؛ چين به ډېر ژر افغان سوداګرو ته د ويزو ورکولو لړۍ هم پيل کړي او چين ته به د افغان محصلينو د راستنېدو په برخه کې آسانتياوې رامنځته کړي.

هغه دا هم ویلي، چې د افغانستان او چین تر منځ به هوايي دهلېز ژر عملي بڼه خپله کړي.

مولوي متقي د افغانستان په اړه د چین له رغنده پالیسۍ هرکلی وکړ او هیله یې څرګنده کړه، چې له دې سره به د دواړو هېوادونو ترمنځ په ځانګړې توګه د وچو میوو سوداګري پراخه شي.

د تېرې چارشنبې پر ورځ د افغانستان په پکتیکا او خوست ولایتونو کې د ریښتر پر کچه ۶،۱ درجې زلزلې له ۱۰۰۰ ډېر کسان مړه او له ۳۰۰۰ ډېر کورونه ویجاړ کړل.

د چین حکومت پرېکړه کړې، چې د دغې زلزلې له قربانیانو سره به د شاوخوا اووه نیم میلیون ډالرو پر ارزښت بشري مرستې چمتو کړي.

Continue Reading

Trending

Copyright © 2022 Ariana News. All rights reserved!