Connect with us

تازه خبرونه

امریکا په روان کال کې د سولې د خوندي کولو په هڅه کې ده- جاتان کوهن

Published

 on

(Last Updated On: کب ۲۱, ۱۳۹۷)

د ملګرو ملتونو په سازمان کې د امریکا سفیر ټینګار کړی، چې هېواد یې له افغانستان څخه د امریکایي ځواکونو د وتو په تړاو د وروستي جوجاړي هڅه نکوي، بلکې غواړي افغانستان نور نړۍ ته ګواښ نه وي.

تېره ورځ د ملګرو ملتونو په امنیت شورا کې د نړۍ یو شمېر استازیو د افغانستان د سیاسي او امنیتي حالاتو په اړه ناسته جوړه کړه.

امریکا په دې ناسته کې ژمنه وکړه، چې ټول ځواک به کاروي او افغانستان به له سولې برخمن کړي.

په ملګرو ملتونو کې د امریکا استازی جاتان کوهن څرګنده کړې؛ د امریکا متحده ایالتونه خپل ټول نفوذ ته په کتو له سیاسي ګوندونو او افغان دولت سره ژمنه کوي، چې ۲۰۱۹ کال به افغانستان ته د سولې کال جوړوي. متحده ایالتونه د خپلو ځواکونو ایستل نه غواړي، بلکې غواړي ډاډمن شي، چې  افغانستان بیا نورو هېوادونو ته ګواښ نشي.

په ملګرو ملتونو کې د روسیې سفیر هم  ویلي، چې هېواد یې تلپاتې سولې ته د رسیدو لپاره خپلو هڅو ته دوام ورکوي.

په ملګرو ملتونو کې د روسیې سفیر وزلي نبینزیا  وایي، چې مونږ په رښتیا لیواله یو، چې په افغانستان کې ملي پخلاینه هر څه ژر پیاوړې کړو. مونږ د افغانستان د سولې بهیر د چټکټیا لپاره خپله مرسته هم اعلاموو.

د ملګرو ملتونو د امنیت شورا په ناسته کې ځینو نورو هېوادونو هم د (بین الافغاني) خبرو په تر سره کیدو ټینګار کړی دی.

په ملګرو ملتونو کې د جرمني استازی کرستوف هیوسجن وایي: لکه، چې د ملګرو ملتونو سازمان سرمنشي وویل؛ اړتیا ده، چې طالبان له افغان دولت سره خبرې وکړي، افغانان غواړي، چې په خپلو کې سوله وکړي او باید دا خبرې هر اړخیزې، پراخ بنسټه او د افغانانو په مشرۍ وي.

په ملګرو ملتونو کې د اندونیزیا سفیر دیان تریان دیاني وایي؛ اندونیزیا په دې حساسو شرایطو کې د افغان دولت او خلکو په خوا کې ده، چې دا هېواد دایمي سولې او ټیکاو ته ورسیږي او په افغانستان کې د سولې له روانو هڅو په بشپړ ډول ملاتړ کوي.

دا په داسې حال کې ده، چې د امریکا د ملي امنیت سلاکار په خپل یو تویت کې لیکلي؛ پاکستان ډاډ ورکړی، چې د ترهګرو پر ضد په مبارزه کې به جدي ګام پورته کړي.

خبریال: روهید اندیشمند

تازه خبرونه

په ایران کې یوه افغان لس کسان پر چړې وژلي

Published

on

(Last Updated On: زمری ۱۸, ۱۴۰۱)

د ایران دولتي خبري آژانس ایرنا د کرمان ښار د چارسمبالي والي حسین رضايي د څرګندونو له مخې په ډاګه کړې؛ یوه افغان د یکشنبې پر ورځ د ایران په جنوبي ښار کرمان ولایت کې د شخصي دښمنۍ له کبله لس کسان پر چړې وژلي دي.

رضايي زياته کړې، شکمن د پوليسو لخوا هغه وخت ونيول شو، چې غوښتل يې ماښام  مهال له دې ولايته ووځي.

نوموړي د دغه افغان د ورور د څرګندونو له مخې ویلي؛ تورن ذهني بې ثباتي لرله او پر مخدره توکو روږدی و.

د رسنیو د راپور له مخې؛ په دې برید کې شپږ افغانان او څلور ایرانیان وژل شوي دي.

د دې سيمې چارواکي وايي، چې په دې پېښه کې يو بل تن ټپي شوى او تر درملنې لاندې دى.

Continue Reading

تازه خبرونه

په افغانستان کې مذهبي ډلې د خپلو مراسمو د ترسره کولو پوره آزادي لري

Published

on

(Last Updated On: زمری ۱۷, ۱۴۰۱)

د بهرنیو چارو وزارت سیاسي مرستیال نن په کابل کې د عاشورا نمانځغونډې ته وویل، د نامسلمانو په ګډون ټولې مذهبي ډلې کولی شي خپل مراسم په آزاده توګه ترسره کړي.

د اسلامي امارت د بهرنیو چارو وزارت سیاسي مرستیال شېر محمد عباس ستانکزی وايي؛ د افغانستان ټول مذهبونه او حتا غیر مسلم اقلیتونه د خپلو مذهبي مراسمو په ترسره کولو کې آزاد دي او په دې برخه کې کومه ستونزه نشته.

شېرمحمد عباس ستانکزي، چې د محرم پر لسمه يې په کابل کې خبرې کولې له خلکو وغوښتل، چې د اوسني نظام ملاتړ وکړي

نوموړي همداراز ټینګار کړی، چې ځینې هېوادونه د افغانستان د وضعیت په ګډوډولو کې خپلې ګټې ویني؛ خو مونږ په هېواد کې د ستونزو او جګړو د پای ته رسولو لپاره اړتیا لرو او خلک باید د دغو دسیسو پر وړاندې د اوسني نظام ملاتړ وکړي.

د بهرنيو چارو وزارت سياسي مرستيال په هېواد کې تېرو کورنيو جګړو ته په نغږته کې وايي، چې د پخواني شوروي اتحاد پر وړاندې د جهاد له بريا وروسته ډېرو کسانو د واک او شخصي انګېزو له کبله هېواد بې ثباته کړ.

شېر محمد عباس ستانکزي د خپلو خبرو په بهیر کې د داخلي مخالفتونو پر ختمېدو هم ټینګار څرګند کړ.

که څه هم د عاشورا د ماتم کوونکیو پر وړاندې د امنیتي ګواښونو په اړه اندېښنې موجودې وې؛ خو د عاشورا مراسم په بشپړ خوندي چاپېریال کې ترسره شول.

د یادونې ده، چې د محرم لسمه ورځ د امام حسین (ع) د شهادت د ویر او د هغه د غوښتنو او پوښتنو یادولو ته ځانګړې شوې ده.

Continue Reading

تازه خبرونه

په کابل کې د امریکا لخوا د القاعده د مشر وژل کېدل یوه ادعا ده – حکمتیار

Published

on

(Last Updated On: زمری ۱۷, ۱۴۰۱)

د حزب اسلامي مشر ګلبدین حکمتیار ويلي، د امریکا له لوري د القاعده د مشر ایمن الظواهري وژل یوازې یو تور دی او د دغه هېواد له لوري هیڅ ثبوت وړاندې شوی ندی.

حکمتیار د جمعې پر ورځ د خپلو خبرو په یوه برخه کې دغه عمل یو تروریستي عمل نومولی او وایي، چې امریکا د افغانستان له فضايي حریم او ملي حاکمیت څخه پوره سرغړونه کړې ده.

د حزب اسلامي امیر ګلبدین حکمتیار ادعا کوي، چې امریکا په افغانستان کې خپل فعال پوځي، استخباراتي او جاسوسي حضور روان ساتلی، چې ښايي د اسلامي امارت د ځینو مشرانو د وژلو پلان ولري. امارت باید د دا ډول بریدونو مخه ونیسي.

د حزب اسلامي مشر ګلبدین حکمتیار ويلي، امریکا له افغانستان څخه د جګړې د دوام په اراده وتلې او د غچ اخیستنې احساس د دغه هېواد د سیاسي او پوځي چارواکو له څرګندونو هم څرګندېږي.

نوموړی خبرداری ورکوي، چې د افغانستان هوايي حریم هم خوندي ندی او امریکا کولی شي خپل مخالفان په افغانستان او نورو ځایونو کې پر نښه کړي.

د امریکا حکومت ادعا کوي، چې ایمن الظواهري د تېرې شنبې پر ورځ په کابل کې د امریکا د بې پیلوته الوتکې په برید کې وژل شوی؛ خو د دې ادعا د ثابتولو لپاره یې اسناد وړاندې کړي ندي. اسلامي امارت د دغه برید پخلی کوي؛ خو تر اوسه یې په کابل کې د الظواهري د میشتېدو او د هغه د وژل کېدو په اړه څه ندي ویلي.

Continue Reading

Trending

Copyright © 2022 Ariana News. All rights reserved!