Connect with us

تازه خبرونه

امریکا او پاکستان د افغانانو خپلېمنځي خبرې څنډې ته کړې دي

خپور شوی

 په

(Last Updated On: کب ۲۸, ۱۳۹۸)

د افغانستان سوله امریکا او پاکستان تر ولکې لاندې راغلې، چې له کبله یې د افغانانو خپلېمنځي خبرې څنډې ته شوې دي.

د افغانانو ترمنځ د خبر ځنډ او د ملي اجماع نشتوالی د دې لامل شوی، چې د افغانستان د سولې بهیر له ډېرو ستونزو سره مخ شي.

په ولسي جرګه کې د بدخشان استازې نیلو فر ابراهیمي ویلي؛ د افغانستان د سولې پر نوښت امریکا او پاکستان بر لاسی شوی او پدې بهیر یې خپله ولکه ټینګه کړې، چې له کبله یې د افغانانو خپلمنځي خبرو ته هیڅ پاملرنه نده شوې.

په ولسي جرګه کې د سمنګان استازی ضیاالدین ضیا وایي، چې که د سولې پر وړاندې ستونزې لیرې نشي دا بهیر به له نورو موانعو سره هم مخ شي.

د ولسي جرګې رییس میررحمان رحماني ټینګار کوي؛ حکومت اړ دی، چې له طالبانو سره د سولې او خبرو بهیر پایلې ته ورسوي.

نوموړی وایي: د داکتر عبدالله او داکتر غني ترمنځ سیاسي لانجه هم د سولې بهیر پر زیان بولي.

د ولسي جرګې غړي څرګندوي؛ ښکېل لوري هیڅکله د جګړې له لارې موخې ته نه رسیږي او د نا امنیو اصلي قربانیان هم خلک دي، چې باید د سولې غوښتنه یې په پام کې ونیول شي.

خبریال: رفیع صدیقي

تازه خبرونه

د حج د چارو د تنظيم، سمون او ترسره کولو ملي کمیټه ومنل شوه

خپور شوی

په

توسط

(Last Updated On: غبرګولى ۱, ۱۴۰۱)

د افغانستان اسلامي امارت د ویاند مرستیال ویلي، چې د کابینې د پرېکړې پر بنسټ د ترانسپورت او هوايي چلند وزارت د حج د چارو د تنظیم، سمون او ترسره کولو ملي کمیټه جوړه او طرحه یې تصویب شوه.

د افغانستان اسلامي امارت د ویاند مرستیال انعام الله سمنګاني زیاته کړې؛ د حج د چارو د تنظیم، سمون او ترسره کولو ملي کمیټه د لومړي وزیر د مرستیال عبدالسلام حنفي په مشرۍ او د حج او اوقافو ریاستونو، هوايي ډګرونو، هوایي چلند او ترانسپورت، عدلیې، مالیې، بهرنیو چارو، کورنیو چارو وزارتونو، ریاستونو او سوداګرۍ نونې د استازیو په ګډون یوه کمېټه جوړه شوې ده.

د یادونې ده، چې په ولایتونو کې به د دې کمیتې مشري د والي د مرستیال پر غاړه وي.

Continue Reading

تازه خبرونه

هیچا ته به د ګډوډۍ رامنځته کولو اجازه ورنکړ شي – مولوي محمد یعقوب مجاهد

خپور شوی

په

توسط

(Last Updated On: غویی ۳۱, ۱۴۰۱)

د اسلامي امارت د دفاع وزارت چارسمبالي مولوی محمد یعقوب مجاهد تېره ورځ پنجشیر ولایت ته په سفر کې ډاډ څرګند کړی، چې هیچا ته به د ګډوډۍ د رامنځته کولو اجازه ورنکړ شي.

نوموړي د دغه ولایت له خلکو، قومي مخورو او امنیتي مسوولینو سره وکتل او له خلکو یې وغوښتل، چې د دښمن پر تبلیغاتو ونه غولېږي او خپل عادي ژوند روان وساتي.

مولوي محمد یعقوب مجاهد د دې ولایت د خلکو وړاندیزونه هم واورېدل او پر خلکو یې غږ وکړ، چې د نظم په ټینګښت کې له خپلو چارواکو سره پوره همکاري وکړي.

نوموړي ډاډ ورکړ، چې هیڅ ډول وسلوالو ته به اجازه ورنکړ شي، چې امنیت ګډوډ کړي.

د ملي دفاع وزارت چارسمبالي د دغه ولایت امنیتي وضعیت ښه وګاڼه او د اسلامي امارت د مسوولینو او ځواکونو له کړنو او دندو څخه یې ستاینه وکړه.

د یادونې ده، چې مجاهد د امنیت د خوندي ساتنې په اړه اړوند مسوولینو ته لازمې لارښوونې هم وکړې.

Continue Reading

تازه خبرونه

اسلامي امارت له رسنیو خپل ملاتړ روان ساتي – مجاهد

خپور شوی

په

توسط

(Last Updated On: غویی ۲۹, ۱۴۰۱)

د اسلامي امارت ویاند ویلي، چې حکومت له رسنیو او خبریالانو سره همکاري کوي او رسنۍ دې هم په خپلو خپرونو کې اسلامي ارزښتونه، د رسنیو اصول او ملي ګټې په پام کې ونیسي.

د اسلامي امارت ویاند ذبیح الله مجاهد نن پنجشنبه د غويي ۲۹ د مطبوعاتو د آزادۍ د نړیوالې ورځې په نمانځغونډه کې څرګنده کړې چې د رسنیو د سرغړونو کمیسیون نن خپل کار پیل کړی او اطلاعاتو ته د لاسرسي هغه به هم په نږدې راتلونکي کې خپل کار پیل کړي.

د ذبیح الله مجاهد د څرګندونو له مخې؛ اسلامي امارت د اسلامي شریعت په چوکاټ کې د رسنیو ملاتړ ته ژمن دی. نوموړي پر رسنيو غږ وکړ، چې په خپلو خپرونو کې ملي ګټې او اسلامي ارزښتونه پام ونيسي.

نوموړی وایي: حکومت له رسنیو سره اقتصادي ملاتړ ته دوام ورکوي او مونږ غواړو، چې د رسنیو ستونزې صفر ته راکښته کړو.

هغه له رسنیو وغوښتل، چې د اسلامي اصولو پر بنسټ د رسنیو فعالیت تروان وساتل شي.

د اطلاعاتو او فرهنګ وزارت د معلوماتو له مخې، د تېر حکومت له نسکورېدو وروسته اوسمهال په هېواد کې ۱۹۸ چاپي او غږیزې رسنۍ شته، چې ۱۷۰ رسنۍ له اقتصادي ستونزو له کبله تړل شوې دي.

د اطلاعاتو او فرهنګ وزارت د خپرونو مشر عبدالحق حماد ويلي: ډېري رسنۍ، چې بندې دي؛ مسوولين يې له افغانستان څخه وتلي او نورې يې د بهرنيانو په ملاتړ پورې تړلې وې، چې اوس فعالې ندي.

په افغانستان کې وروستیو سیاسي پرمختګونو د رسنیو پر وضعیت هم اغېز کړی، چې د راپورونو له مخې د یو شمېر رسنیو د تړل کېدو له کبله د رسنیو شاوخوا ۶۰۰۰ کارکوونکطو خپلې دندې له لاسه ورکړې دي.

Continue Reading

Trending

Copyright © 2022 Ariana News. All rights reserved!