تازه خبرونه
امنیتي ځواکونو په بلخ کې یوه نجلۍ د سړي تښتونکو له منګولو وژغورله

د بلخ امنيتي چارواکي وايي، په ګډو عملياتو کې يې يوه نجلۍ د تښتوونکو له منګولو ژغورلې ده.
سدره په نوم يوه نهه کلنه نجلۍ د جمعې پر سهار د درېيمې ناحيې په مربوطاتو کې د سړي تښتوونکو له خوا تښتول شوې ده.
امنيتي ځواکونه وايي، په دغو عملياتو کې نهه تنه نيول شوي هم دي.
د دوی په خبره، د عملیاتو په ترڅ کې یو تن تښتونکی وژل شوی او یوه اندازه وسلې او مهمات د اسلامی امارت د ځواکونو لاس ته ورغلی دی.
تازه خبرونه
د کابل-هرات پر لويه لار د ټرافيکي پېښي له کبله ۱۱ کسان مړه شوي
د هلمند ولایت د رسنیو او معلوماتو مرکز د نننۍ خبرپانې له مخې؛ د کابل-هرات پر لويه لار د دوه مسافر وړونکو موټرانو تر منځ د ټرافیکي پېښې له کبله ۱۶ مسافرو ته مرګ او ژوبله اوښتې ده.

تېره ورځ د هلمند ولايت واشېر ولسوالۍ د کارېز په اړوند سيمه کي د ټرافیکي بېښې له کبله ۱۱ کسان مړه شول او څلور نور ټپیان دي.
د هلمند ولایت د رسنیو او معلوماتو مرکز د نننۍ خبرپانې له مخې؛ د کابل-هرات پر لويه لار د دوه مسافر وړونکو موټرانو تر منځ د ټرافیکي پېښې له کبله ۱۶ مسافرو ته مرګ او ژوبله اوښتې ده.
د دې ولایت د امنیه قومندانۍ ویاند ملاعزت الله حقاني ویلي: ياده پېښه داسي مهال را منځته شوه، چي يو ۵۸۰ ډوله مسافر وړونکی موټر له مونۍ ډوله موټر سره، چې له کابل څخه هرات ته روان و؛ مخامخ ټکر شول.
نوموړي زیاته کړې: دا پېښه د ډریورانو د بې احتياطۍ له کبله را منځته شوې؛ ټپیان د ۲۱۵ العزم قول اردو او ګرشک ولسوالۍ روغتيايي مرکزونو ته وړل شوي، چې د ټپیانو روغتيايي حالت د اندېښنې وړ ښودل شوی دی.
تازه خبرونه
د کندهار په خاکرېز ولسوالۍ کي د اوبو بند د جوړولو چارې بشپړې شوې
یاده پروژه به مرسته وکړي، چي په ۱۲ کلیو کي ۲ زره ۵۰۰ کورنیو ته د څښاک پاکې اوبه ورکړي او ورسره به د ځمکې لاندې اوبه راپورته او د سېلابونو ګواښ کم شي.

د اروپايي ټولني پر ملاتړ د کندهار په خاکرېز ولسوالۍ کي د اوبو یو بند، چې د ۱۳۱ زره مټره مکعب اوبو د زیرمه کولو وړتیا لري؛جوړ شو.
یاده پروژه به مرسته وکړي، چي په ۱۲ کلیو کي ۲ زره ۵۰۰ کورنیو ته د څښاک پاکې اوبه ورکړي او ورسره به د ځمکې لاندې اوبه راپورته او د سېلابونو ګواښ کم شي.
سیمهییزو چارواکو له دې نوښت هرکلی کړی او دا یې په سیمه کې د اوبو کمښت او د خوړو خوندیتوب پیاوړتیا لپاره یو مهم ګام بللی دی.
دا پروژه د افغان بنسټونو او نړیوالو شریکانو لخوا په کلیوالي پراختیا او چاپېریال ساتنې کې د پانګونې لپاره د پراخو هڅو یوه برخه ده.
دغه راز دا پروژه د اقلیمي بدلون له کبله رامنځته شویو ننګونود مخنیوي پر وړاندې، په سویلي افغانستان کې د اوږدمهاله ثبات او سوکالۍ پر لوري د یو اغېزمن ګام په توګه لیدل کیږي.
تازه خبرونه
نوره به مو ټولنه او سیمه له مخدره توکو ونهکړیږي – امیرخان متقي
د بهرنیو چارو وزارت په رسنیزه خبرپاڼه کې راغلي، چې په دې لیدنه کې د مخدره توکو د کښت، تولید، قاچاق او د روږدو کسانو د درملنې په اړه د اسلامي امارت د اغېزمنو هڅو او لاسته راوړنو په اړه پوره بحثونه وشول.

د بهرنیو چارو وزارت چارسمبالي امیر خان متقي د ملګرو ملتونو د مخدره توکو او جرمونو دفتر (UNODC) د عملیاتي څانګې له مشر بو متیانس سره په لیدنه کې ویلي؛ اسلامي امارت د مخدره توکو پر وړاندې په خپل دریځ کې “جدي” دی او اجازه به ورنکړي، چې ټولنه او سیمه مو بیا دا پدیده ورنځوي.
د بهرنیو چارو وزارت په رسنیزه خبرپاڼه کې راغلي، چې په دې لیدنه کې د مخدره توکو د کښت، تولید، قاچاق او د روږدو کسانو د درملنې په اړه د اسلامي امارت د اغېزمنو هڅو او لاسته راوړنو په اړه پوره بحثونه وشول.
متقي د مخدره توکو پر وړاندې مبارزه تاریخي وبلله او وایي، چې د هېواد ټولې ادارې او امنیتي ځواکونه په جدي توګه د دې پدیدې پر وړاندې ولاړ دي.
هغه همدارنګه له نړیوالې ټولنې وغوښتل، چې د افغان بزګرانو لپاره د بدیل معیشت، د عاید قانوني سرچینو چمتو کولو او د څارویو، کرنې او د کوچنیو تولیدي پروګرامونو په رامنځته کولو کې همکاري وکړي.
هغه اندېښمن شوی؛ افغانستان ته د مخدره توکو قاچاق یو جدي ګواښ ګرځیدلی او له نړیوالې ټولنې یې وغوښتل، چې له هېواد څخه بهر د دې ستونزې د حل لپاره عملي ګامونه پورته کړي.
بو متیانس هم افغانستان ته خپل سفر اړین یاد کړ او د مخدره توکو پر وړاندې یې د اسلامي امارت له پرېکنده هڅو ستاینه وکړه او ترسره شوي کمپاینونه یې مثبت وارزول.
دواړو خواوو همدارنګه ټینګار وکړ، چې د مخدره توکو پر وړاندې مبارزه باید غیر سیاسي پاتې شي، د بشري همکارۍ روحیه باید وساتل شي او د مخدره توکو د مخنیوي په اړه غونډې باید عملي پایلې ولري.
-
تازه خبرونه3 days ago
د خیبر پښتونخوا حکومت په کابل کې د سرطان روغتون د جوړولو لهپاره د مرستې وړاندیز وکړ
-
تازه خبرونه3 days ago
چین د بګرام پر هوایي اډه کنترول نلري – زلمی خلیلزاد
-
سوداگري2 days ago
د افغانستان او پاکستان ترمنځ د سوداګرۍ حجم نږدې ۲ میلیارډ ډالرو ته ورسېد
-
نړۍ2 days ago
په غزه کې د اوبو وېش پر مهال د ۲۰ ماشومانو مرګ او ژوبله تخنیکي تېروتنه وه
-
تازه خبرونه2 days ago
ملګرو ملتونو په افغانستان کې د بشري مرستو لپاره د بودجې له کمښت خبرداری ورکړ
-
لوبی3 days ago
په فوټسال غوره لیګ کې ظاهر اسد او آریا فورج مساوي او نورزاد ۸ پر ۲ دیار سنايي ته ماتې ورکړه
-
لوبی2 days ago
امید فوټسال لوبډله له جوانان میهن سره مساوی او اتحاد ۳ پر ۱ پیروزي پنجشېر وګاټه
-
لوبی4 days ago
په افغان فوټسال لیګ کې پنجشر ۷ پر صفر زیتون ته او صداقت ۶ پر ۳ امید ته ماتې ورکړه